பி.எஸ்.என்.எல். நிறுவனத்தில் மேனேஜ்மென்ட் டிரெய்னி வாய்ப்பு

பொதுத் துறை டெலிகாம் நிறுவனமான பி.எஸ்.என்.எல்.,லின் அலுவலகங்களில் காலியாகவுள்ள மேனேஜ்மென்ட் டிரெய்னி பணிக்கான காலியிடங்கள் அறிவிக்கப்பட்டுள்ளன. மொத்தம் 300 காலியிடங்கள் அறிவிக்கப்பட்டுள்ளன. இவை டெலிகாம் ஆபரேஷன்ஸ் மற்றும் நிதி என 2 பிரிவுகளாக அறிவிக்கப்பட்டுள்ளன.
டெக்னிகல் பணிகளுக்கு 250 காலியிடங்களும் நிதிப் பிரிவுக்கு 50 காலியிடங்களும் அறிவிக்கப்பட்டுள்ளன. நவம்பர் 2008ல் அறிவிக்கப்பட்ட வேலை வாய்ப்புக்குப் பதிலாக இது அறிவிக்கப்படுகிறது. துவக்கத்திலேயே மாதம் ரூ.30 ஆயிரம் சம்பளம் பெறக்கூடிய இந்த வாய்ப்பு நமது இளைஞர்களுக்கான அரிய வாய்ப்பாக அமைகிறது.
இந்தப் பணிக்காகத் தேர்வு செய்யப்படுபவர்கள் இந்தியாவின் எந்தப் பகுதியிலுள்ள பி.எஸ்.என்.எல்., அலுவலகத்திலும் நியமிக்கப்படலாம்.
தகுதிகள்
1.8.2009 அன்று 30 வயதுக்குள் இருக்க வேண்டும். எஸ்.சி., எஸ்.டி., பிரிவினருக்கு 5 ஆண்டுகளும், ஓ.பி.சி., பிரிவினருக்கு 3 ஆண்டுகளும் வயது வரம்பில் தளர்வு தரப்படும்.
டெலிகம்யூனிகேஷன்ஸ், எலக்ட்ரானிக்ஸ், கம்ப்யூட்டர் /ஐ.டி.,/எலக்ட்ரிகல் இவற்றில் ஒன்றில் பி.இ., பி.டெக்., தகுதியைப் பெற்றிருக்க வேண்டும். மேலும் 2 ஆண்டு முழு நேர எம்.பி.ஏ., தகுதியையும் பெற்றிருக்க வேண்டும். டெலிகாம் பைனான்ஸ் பிரிவு பணிகளுக்கு ஐ.சி.டபிள்யூ.ஏ.ஐ., சி.ஏ., கம்பெனி செகரடரி இவற்றில் ஒரு தகுதியைப் பெற்றிருக்க வேண்டும்.
இவற்றில் குறைந்தது 60 சதவீதத்துடன் தேர்ச்சி பெற்றிருப்பது மிக அவசியம். ஏற்கனவே பணியிலுள்ள பி.எஸ்.என்.எல்., ஊழியர்கள் எம்.பி.ஏ., படிப்புக்கு பதிலாக 4 ஆண்டுகள் அனுபவம் பெற்றிருப்பது அவசியம்.
தேர்வு முறை
மேனேஜ்மென்ட் ஆப்டிடியூட், காக்னிடிவ் எபிலிடி, டெக்னிகல் நாலெட்ஜ் என 3 தாள்களில் போட்டித் தேர்வை எழுத வேண்டும். காக்னிடிவ் எபிலிடி என்பது ரீசனிங், கணிதம் மற்றும் வெர்பல் திறன்களில் கேள்விகளைக் கொண்ட பகுதியாகும்.
இந்த எழுத்துத் தேர்வில் தகுதி பெறுபவருக்கு அடுத்ததாக குழு விவாதம் மற்றும் நேர்முகத் தேர்வு ஆகிய பகுதிகள் இடம்பெறும்.
விண்ணப்பிக்கும் முறை
இப்பணிகளுக்கான விண்ணப்பக் கட்டணம் ரூ.1500. இது டி.டி.,யாக அனுப்பப்பட வேண்டும்.
சீனியர் அக்கவுண்ட்ஸ் ஆபிசர்/அக்கவுண்ட்ஸ் ஆபிசர் என்ற பெயரில் சென்னை -2ல் மாற்றத்தக்கதாக எடுக்கப்பட வேண்டும். இது விண்ணப்பத்துடன் இணைக்கப்பட வேண்டும். 27க்கு 12 செ.மீ., அளவுள்ள 2 சுய முகவரியிட்ட உறைகளையும் 4 பாஸ்போர்ட் சைஸ் போட்டோக்களையும் இணைப்பதும் அவசியம்.
விண்ணப்பம் அனுப்பும் முகவரி
DGM (Admn),
O/o the CGM Telecom, BSNL,
Tamilnadu Telecom Circle,
Room No. 325, No.80 Annasalai,
Chennai 600 002.
தொலைபேசி: 044 - 28520494.
விண்ணப்பம் சென்றடைய கடைசி நாள் அக்டோபர் 14, 2009.
முழு விபரங்களறியும் இணைய தள முகவரி: www.bsnl.co.in