சாப்பாட்டு தட்டுடன் எம்.எல்.ஏ வீட்டுக்கு வந்த மாணவன்

kitcha · kitcha Wed Nov 09, 2011 4:37 pm

சேலம் மாவட்டம், வீரபாண்டி சட்டமன்ற உறுப்பினர் எஸ்.கே. செல்வம், இவரது வீடு பூலாவாரி கிராமத்தில் உள்ளது. சாளியின் முன்னாலேயே இருக்கும் இவர் வீட்டுக்கு சாதாரணமாக யார் வேண்டுமானாலும் இவரது வீட்டுக்கு போய் வரலாம்.

நேற்று மதியம் வீரபாண்டி ஒன்றியத்தில் நடக்கும் தாலிக்கு தங்கம் வழங்கும் நிகழ்ச்சிக்கு புறப்பட்டுகொண்டிருந்தார் செல்வம். அப்போது பூலாவாரி அரசு உயர்நிலை பள்ளியில் படிக்கும் 7 வகுப்பு மாணவன் ஒருவன் கையில் சாப்பாட்டு தட்டுடன் எம்.எல்.ஏ வீட்டுக்குள் வந்துள்ளான்.

அங்கிருந்த எம்.எல்.ஏ, எஸ்.கே. செல்வத்திடம் பள்ளிகூடத்தில் போடும் சாப்பாடு நல்ல இல்லை... காய் நல்ல வேகாம இருக்குது... என்று சொல்லியுள்ளான்.

அந்த மாணவனை பள்ளிக்கு அனுப்பிவிட்டு பின்னாலேயே பள்ளிக்கு சென்ற செல்வம் சாப்பாடு செய்யப்படும் இடம், பாத்திரங்கள், அரிசி மற்றும் ஆகியவற்றை ஆய்வு செய்துள்ளார்.

அனைத்தும் சுகாதாரமான முறையில் இருந்தாலும் காய்கறிகள் சரியாக வேகவில்லை என்பது தெரிந்தது.

இனிமேல், அரிசியையும், காய்கறிகளையும் நன்றாக வேகவைத்து மாணவர்களுக்கு கொடுக்க வேண்டும் என்று ஆசிரியர்களிடமும், சத்துணவு அமைப்பளரிடமும் அறிவுறை சொலிவிட்டு வந்துள்ளார்.

நக்கீரன்