ராஜராஜ சோழன் சதயவிழா தொடக்கம்

Print | E-mail
வியாழக்கிழமை, 3, நவம்பர் 2011 (22:47 IST)



ராஜராஜ சோழன் சதயவிழா தொடக்கம்

மாமன்னன் ராஜராஜ சோழன் 1,026ம் ஆண்டு சதய விழா நாளை தொடங்குகிறது. இதை யொட்டி இசைசங்கமம், கருத்தரங்கம், கவியரங்கம், பாட்டு மன் றம், பட்டிமன்றம் பல்வேறு நிகழ்ச்சிகள் 2 நாட் கள் நடக்கிறது.

இது குறித்து சதய விழாக்குழு தலைவர் தங்கமுத்து, அரண் மனை தேவஸ்தான பரம்பரை அறங்காவலர் பாபாஜி ராஜா பான்ஸ்லே, விழா ஒருங்கிணைப் பாளர் ராஜப்பா ஆகியோர் செய்தியாளர்களிடம்,

’’மாமன்னன் ராஜராஜ சோழனின் 1,026ம் ஆண்டு சதய விழா தஞ்சை பெரிய கோயில் வளாகத்தில் நாளை(வெள்ளிக்கிழமை) காலை 9 மணிக்கு தொடங்குகிறது. முதல் நிகழ்ச்சியாக மாமன்னரின் மாட் சிகள் என்ற தலைப்பில் முனைவர் ராமச்சந்திரன் தலைமையில் கருத்தரங் கம் நடைபெறுகிறது.

மாலை 3 மணிக்கு ராஜாராம், செந்தில்குமார் குழுவினரின் மங்கள இசையும், 5.30 மணிக்கு தஞ்சை துரை.செந்தில்குமார் தலைமையில் 25 நாதஸ்வரம், 25 தவில் இசைக்கலைஞர்களின் இசைச்சங்கமம் நிகழ்ச்சி நடைபெறும்.


மாலை 6 மணிக்கு காலத்தின் கொடை ராஜராஜன் என்ற தலைப் பில் புலவர் ஆதி.நெடுஞ்செழியன் தலைமையில் கவியரங்கம் நடைபெறும். 7.15க்கு மக்கள் மனதில் பக்திப் பரவசத்தைத் தூண்டுவதில் விஞ்சி நிற் பது தனிபக்திப் பாடல்களா? திரை பக்திப் பாடல்களா? என்ற தலைப் பில் வாசுகி மனோகரன் தலை மையில் பக்தி இன்னிசை ப்பாட்டு மன்றமும் நடை பெறும். இரவு 8 மணிக்கு சிதம்பரம்& தஞ்சை நாட் டிய கலாலயா வழங்கும் பண்பும் பரதமும் என்ற திருமுறையில் நடன நிகழ்ச்சியும், இரவு 10.30க்கு சலங்கை ஒலி தப்பாட்டமும் நடைபெறும்.


5ம் தேதி நடைபெறும் 2ம் நாள் விழாவில், காலை 6 மணிக்கு மங்கள இசை.


7 மணிக்கு மாமன்னர் ராஜராஜ சோழன் சிலை க்கு மாலை அணிவித்தல் நிகழ்ச்சியும், 8.45 மணிக்கு பெரியகோயிலில் பெருவுடையாருக்கும், பெரியநாயகி அம்மனுக்கும் 34வது ஆண்டாக பேராபிஷேகமும் நடைபெறும்.


மாலை 4 மணிக்கு தேவார இசையரங்கம், 6 மணிக்கு மாமன்னன் ராஜராஜசோழரின் நிலைத்த புகழுக்கு பெரிதும் கார ணம் களப்பணிகளா? கலைப்பணிகளா? என்ற தலைப்பில் முனைவர் ஞானசம்பந்தன் தலை மையில் பட்டிமன்றம். இரவு 8.30க்கு நிறைவு விழா நடைபெறும்’’என்று தெரிவித்தனர்.
நக்கீரன்