ரயில் விபத்து: உடனடி நிவாரணம் வழங்க தங்கபாலு கோரிக்கை

**ஜாஹீதாபானு** · 16/04/2011

சென்னை, செப்.14: அரக்கோணம் அருகே நிகழ்ந்த ரயில் விபத்தில் உயிரிழந்தவர்களின் குடும்பத்துக்கும், காயமடைந்தவர்களுக்கும் துரிதமாக நிவாரணம் வழங்க நடவடிக்கை எடுக்க வேண்டும் என்று தமிழக காங்கிரஸ் கட்சித் தலைவர் தங்கபாலு மத்திய ரயில்வே இணை அமைச்சரிடம் தொலைபேசி மூலம் கேட்டுக் கொண்டார்.

இதுகுறித்து தங்கபாலு வெளியிட்ட அறிக்கை:

தாங்கொணாத இந்த விபத்து ஏற்பட்டதற்கான காரணம் எது என்றும், அதற்கு பொறுப்பான ஊழியர்கள் யார் என்றும் உடனடியாகக் கண்டறியும் பணி மிக வேகமாக நடைபெற வேண்டும். கண்டறியப்படும் குறைபாடுகளை வைத்து இனி எங்கும், எப்போதும் ரயில் விபத்து நடக்காத அளவுக்கு நடவடிக்கை மேற்கொள்ள வேண்டும்.

விபத்து குறித்து செய்தி அறிந்தவுடன் மத்திய ரயில்வே இணையமைச்சர் முனியப்பாவை தொடர்புகொண்டு பலியானவர்களின் குடும்பங்களுக்கு அறிவிக்கப்படும் இழப்பீடும், பாதிக்கப்பட்டோருக்கு நிவாரணமும் துரிதமாக கிடைக்க நடவடிக்கை எடுக்க வேண்டும் என்று தெரிவித்தேன்.

விபத்தில் பலியானவர்களின் குடும்பங்களுக்கு ஆழ்ந்த இரங்கலையும், காயமடைந்தோர் விரைவில் நலமடைய வேண்டுதலை தமிழக காங்கிரஸ் சார்பில் தெரிவித்துக் கொள்கிறேன்.

இவ்வாறு தங்கபாலு தனது அறிக்கையில் குறிப்பிட்டுள்ளார்.

kitcha · kitcha Wed Sep 14, 2011 12:50 pm

கண்டறியப்படும் குறைபாடுகளை வைத்து இனி எங்கும், எப்போதும் ரயில் விபத்து நடக்காத அளவுக்கு நடவடிக்கை மேற்கொள்ள வேண்டும்.

இதை செய்தாலே போதும்.

ரயில் விபத்து: உடனடி நிவாரணம் வழங்க தங்கபாலு கோரிக்கை

ரயில் விபத்து: உடனடி நிவாரணம் வழங்க தங்கபாலு கோரிக்கை

Re: ரயில் விபத்து: உடனடி நிவாரணம் வழங்க தங்கபாலு கோரிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக