அம்பயருடன் வாக்குவாதம் செய்த பிரவீண் குமாருக்கு அபராதம்

Guest · Guest Sat Jul 30, 2011 6:11 pm

விதிகளை மீறி நடுவருடன் வாக்குவாதத்தில் ஈடுபட்ட இந்திய பந்து வீச்சாளர் பிரவீண் குமாருக்கு போட்டி ஊதியத்தில் 20 சதவீதம் அபராதம் விதிக்கப்பட்டுள்ளது.

நாட்டிங்ஹாம் நகரில் உள்ள டிரென்ட்பிரட்ஜில் இந்தியா- இங்கிலாந்துக்கு இடையிலான இரண்டாவது டெஸ்ட் போட்டி நேற்று துவங்கியது. முதல் இன்னிங்சில் இங்கிலாந்து பேட்டிங் செய்தது. போட்டியின் 18 வது ஓவரை பிரவீண் குமார் வீசினார். அப்போது பேட்டிங் செய்துகொண்டிருந்த இங்கிலாந்து வீரர் பீட்டர்சனின் காலில் பட்டு பந்து எகிறியது.

இதற்கு, பிரவீண் குமார் நடுவரிடம் எல்பிடபிள்யூ முறையில் அவுட் கேட்டு முறையிட்டார். ஆனால், நடுவர் பிரவீண் குமாரின் முறையீட்டை நிராகரித்து அவுட் கொடுக்கவில்லை. இதனால், கடுப்பான பிரவீண் குமார் ஓவர் முடிந்தவுடன் நடுவரிடம் சென்று அவுட் கொடுக்காதது பற்றி கேட்டு வாக்குவாதம் செய்தார்.

இதுபற்றி, போட்டி நடுவர் ரஞ்சன் மதுகலேவிடம் கள நடுவர்கள் புகார் தெரிவித்தனர். மேலும், சர்வதேச கிரிக்கெட் கவுன்சிலின்(ஐ.சி.சி) விதிகளை மீறி பிரவீண் குமார் நடந்துகொண்டதாக புகாரில் தெரிவித்தனர்.

இதுகுறித்து, போட்டி முடிந்தவுடன் பிரவீண்குமாரிடம் விசாரணை நடத்தப்பட்டது. அப்போது, பிரவீண்குமார் தனது தவறை ஒப்புக்கொண்டார். இதையடுத்து, அவரது போட்டி ஊதியத்தில் 20 சதவீதம் அபராதம் விதிக்கப்படுவதாக போட்டி நடுவர் ரஞ்சன் மதுகலே அறிவித்தார்.

balakarthik · balakarthik Sat Jul 30, 2011 6:17 pm

அம்பயருடன் வாக்குவாதம் செய்த பிரவீண் குமாருக்கு அபராதம் 68b3e6aa-2b23-4f15-a9cf-73d0faaf31baHiRes

அம்பயருடன் வாக்குவாதம் செய்த பிரவீண் குமாருக்கு அபராதம்

அம்பயருடன் வாக்குவாதம் செய்த பிரவீண் குமாருக்கு அபராதம்

Re: அம்பயருடன் வாக்குவாதம் செய்த பிரவீண் குமாருக்கு அபராதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக