மரணம் தா- ஒரு கிழவனின் கதறல்

அப்துல்லாஹ் · அப்துல்லாஹ் Tue 5 Jul 2011 - 10:17

கலங்கிடும் மனசுக்குள்ளே கடவுளை தேடிப்பார்த்தேன்
கசிந்திடும் கண்ணீரோடு கையறு நிலையிலானேன்
காலங்கள் கடந்த பின்னும் கஷ்டங்கள் தீரவில்லை
கைவிட்டுப்போனார் என்னை கவலைகள் தானே மிச்சம்

விலகிடும் நேசம் எல்லாம் விலங்கிட்டுப் போன மாயம்
விளங்கிட முடியவில்லை வீணானதோ என் காலம்
வெற்றிடமான சுற்றம் வேற்றிடம் தேடி நிற்க
பெற்றதும் பேணியதும் புறந்தள்ளிப் போனதேனோ

உற்ற துணையும் கூட உதாசீனம் செய்யும் நாளில்
மற்றவரைக் குறைசொல்ல மடையனா நான்
மூப்பெனும் பிணிக்கானேன் முதியவனாய் கிழமானேன்
மூலைக்கு இடம் பெயர்ந்தேன் முழுசாக ஒதுக்கப்பட்டேன்

ஓடிப் பொருளீட்டி உறவுகளுக்கு உயிருட்டி
தேடிப் பல திசைகள் திரிந்து பின் தஞ்சமானேன்
ஆடி அடங்கும் நேரம் ஆசையாய்வந்த என்னை
ஆலம் வேர் என்று அறியாமல் போனாரே

முத்திய மனநோயாம் மூளைக்குப் புரியாதாம்
கத்தியே என் மனைவி என்னிடமே ஒப்புவிப்பாள்
சுற்றியே நடக்கும் கூத்தை சொல்லியழ நேரமில்லை
சட்டெனச் சாக வேண்டுமென் சாம்பலின்றி மறைய வேண்டும்

இன்னொரு பிறவி வேண்டாம் எனக்கிந்த ஈனம் வேண்டாம்
பிறப்பொன்று நான் எடுத்து பின்னாளில் சீரழிந்த
இப்பிறப்பொன்றே போதும் இவ்வுலகம் விட்டால் போதும்
இங்கே
பெற்றவராயினும் பிள்ளைகளாயினும் பொருளிருந்தால் தான்

உதயசுதா · உதயசுதா Tue 5 Jul 2011 - 12:01

unmaiyaagave unga kavithaiya padichchuttu naan kalangi ponen abdullaa sir,

இந்த பதிவைத் துவங்கியவர் நன்றி கூறியுள்ளார் உதயசுதா

nandhtiha · nandhtiha Tue 5 Jul 2011 - 12:17

அனைவருக்கும் வணக்கம்
சமுதாயத்துக்கோர் சவுக்கடி. இன்னும் சுழற்றுங்கள் உங்கள் சவுக்கை
என்றும் மாறா அன்புடன்
நந்திதா

ரேவதி · ரேவதி Tue 5 Jul 2011 - 12:19

செய்தாலி · செய்தாலி Tue 5 Jul 2011 - 12:31

வரிகளை வாசிக்கையில் என் ஆயுட்க்காலம் என்ற கிறுக்கலை நினைவூட்டுகிறது http://www.eegarai.net/t49336-topic

சிறப்பான வரிகளில் மிகச் சிறப்பான கவிதை
ஆசிரியர் பெருந்தொகையே பாராட்டுக்கள் வாழ்த்துக்கள்

அப்துல்லாஹ் · அப்துல்லாஹ் Tue 5 Jul 2011 - 12:36

செய்தாலி wrote: வரிகளை வாசிக்கையில் என் ஆயுட்க்காலம் என்ற கிறுக்கலை நினைவூட்டுகிறது http://www.eegarai.net/t49336-topic

சிறப்பான வரிகளில் மிகச் சிறப்பான கவிதை
ஆசிரியர் பெருந்தொகையே பாராட்டுக்கள் வாழ்த்துக்கள்

உண்மை தான் உங்களின் கவிதையை படிக்க கிடைத்த அறிய வாய்ப்பை எண்ணி மகிழ்ந்தேன்.
நாம் இருவரும் ஒரே படகில் பயணம் செய்வது போன்ற எண்ணம் ஏற்பட்டது...
நன்றி செய்தாலி

நட்புடன் · நட்புடன் Tue 5 Jul 2011 - 13:13

அப்துல்லா
மரணம் தா
கவிதை தந்து
சோகம் உணரச்
செய்து விட்டீர்கள்.

பொருளிருந்தால் தான் எனச் சொன்னதில்
பொருளிருக்கிறது நிறைய சிந்தனையைத் தூண்ட...

அப்துல்லாஹ் · அப்துல்லாஹ் Tue 5 Jul 2011 - 16:44

பதிவைப் பார்வையிட்டதற்கும் உங்கள் அன்பை பகிர்ந்து கொண்டதற்கும் மிக்க நன்றி...

Sponsored content · Sponsored content

மரணம் தா- ஒரு கிழவனின் கதறல்

மரணம் தா- ஒரு கிழவனின் கதறல்

Re: மரணம் தா- ஒரு கிழவனின் கதறல்

Re: மரணம் தா- ஒரு கிழவனின் கதறல்

Re: மரணம் தா- ஒரு கிழவனின் கதறல்

Re: மரணம் தா- ஒரு கிழவனின் கதறல்

Re: மரணம் தா- ஒரு கிழவனின் கதறல்

Re: மரணம் தா- ஒரு கிழவனின் கதறல்

Re: மரணம் தா- ஒரு கிழவனின் கதறல்

Re: மரணம் தா- ஒரு கிழவனின் கதறல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக