நான் ரசித்த கவிதைகள்...(ரமேஷ் நாகா)

**rameshnaga** · **rameshnaga** Sat Jul 02, 2011 8:51 pm

மீன்
-------------
குழந்தை என்னிடம் கேட்டது..

மீன் உடம்புக்குள்ளே ஈரமா இருக்குமாப்பா?

"இல்லை"-என்றேன்.

அப்படியென்றால்..வேறு எப்படிப்பா இருக்கும்? என்றாள் குழந்தை.

இளஞ்சிவப்பாக ..காலை நேரத்துக் கல்லறை போலக் குளிர்ச்சியாக ..என்றேன்.

குழந்தை கேட்டாள் ஒரு வினாடி யோசிப்பிற்குப் பின்..

உனக்கு எப்படித் தெரியும் ?..அந்த மீனைக் கொன்றாலன்றி?..என.

நன்றி:

கவிதை; பிரேயன் டர்னர் (நியூசிலாந்து)
தமிழில்: எஸ்.பாபு.
புத்தகம்: "அதற்கு மேல் ஒன்றும் இல்லை"

அன்பு தளபதி · அன்பு தளபதி Sat Jul 02, 2011 10:23 pm

தொடருங்கள் நண்பரே நான் ரசித்த கவிதைகள்...(ரமேஷ் நாகா) 224747944

**rameshnaga** · **rameshnaga** Sat Jul 02, 2011 11:44 pm

நன்றி! மணி அஜீத்.

**rameshnaga** · **rameshnaga** Sun Jul 03, 2011 4:56 pm

மாரி அம்மன் வாசலிலே..மேச்சாதிப் பொம்பளைங்க
மொளப்பாறி வச்சுக் கும்மி பாடுவாங்க.
கம்மா நெரஞ்சு போனா..ராக்காவல் பறையந்தான் ;
ஏரி நெரெஞ்சு போனா ..ராக்காவல் பறையந்தான்;
மடை தெறக்க வேணுமின்னா முங்கறது பறையந்தான்;
ஏரி, கம்மாய் ஒடஞ்சாலும்..எதுக்கும் பலி பறையந்தான்;
பலியான பறையனுக்கு சாமி பட்டம் கொடுப்பாங்க;
செத்தா "அய்யனாரு";
பொழச்சா "பறப்பய";
அட்ரா சக்கேன்னாநாம்.

நன்றி:
எழுதியவர்:கே.ஏ. குணசேகரன்.,
புத்தகம்:தற்காலக் கவிதைகள் ஒரு பார்வை.

**rameshnaga** · **rameshnaga** Sun Jul 03, 2011 11:58 pm

கருப்பு வளையல் கையுடன்
குனிந்து, வளைந்து பெருக்கிப் போனாள்.
வாசல் சுத்தமாச்சு.
மனசு குப்பையாச்சு.

நன்றி:
எழுதியவர்:கல்யாண்ஜி.

சுதந்திரம்
-----------
இரவிலே வாங்கினோம் ..
இன்னம் விடியவே இல்லை.

நன்றி:
எழுதியவர்:இரா. அரங்கநாதன்.
இரண்டு கவிதைகளும் கல்லூரிப் பாட நூலில் படித்தவை.

Sponsored content · Sponsored content

நான் ரசித்த கவிதைகள்...(ரமேஷ் நாகா)

நான் ரசித்த கவிதைகள்...(ரமேஷ் நாகா)

Re: நான் ரசித்த கவிதைகள்...(ரமேஷ் நாகா)

Re: நான் ரசித்த கவிதைகள்...(ரமேஷ் நாகா)

Re: நான் ரசித்த கவிதைகள்...(ரமேஷ் நாகா)

Re: நான் ரசித்த கவிதைகள்...(ரமேஷ் நாகா)

Re: நான் ரசித்த கவிதைகள்...(ரமேஷ் நாகா)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக