என் அடுத்த அடி -விஷால்!!

**ந.கார்த்தி** · **ந.கார்த்தி** Sun Jun 26, 2011 7:06 pm

"வாழ்க்கைக்கான திருப்பத்தை ஏதாவது
ஒரு நிமிடமோ, நாளோதான் எல்லோருக்கும் கொடுத்து சென்றிருக்கக் கூடும்.
அப்படித்தான் இந்த சில மாதங்கள். அந்த நிமிடம், அந்த நாள், அந்த மாதம்
எல்லோருக்கும் நிச்சயம் வரும். இவ்வளவு சீக்கிரம் நான் எதிர்பார்க்கவில்லை.
என்னால் இவ்வளவு முடியும் என உணர்த்திய நாட்களுக்கு நன்றி.
எல்லாவற்றுக்கும் காரணமான பாலாவுக்கு எதை சொல்லுவது?" - மகிழ்ச்சியாகப்
பேசினார் விஷால்.

பாலா பட அனுபவம் எப்படி இருந்தது?

பாலா படத்தில் நடிக்கும் ஆசை எல்லா நடிகர்களுக்கும் இருக்கும். எனக்கும்
இருந்தது. இப்போது படம் முடித்து திரும்பிப் பார்த்தால் ஆச்சரியம்தான்.
நிறைய விஷயங்கள் அப்படியே அனுபவங்களாக உள்ளுக்குள்ளேயே இருக்கிறது.

இது நிச்சயம் என் அடுத்தடுத்த பயணங்களுக்கான எரி பொருள். நிறைய கஷ்டம்
ஆனால் ஆர்வம். இத்தனை மாதங்களாக தேனி வாசம். மக்களோடு மக்களாக உருமாறி
நிற்பது ஒரு கலைஞனுக்கு ரொம்ப முக்கியமான விஷயம்.

அதை நான் செய்து முடித்திருக்கேன். எனக்கு முன் இருந்தவர்கள் இதை நிச்சயம்
கடந்திருப்பார்கள். எனக்கு இப்போதுதான் நடந்திருக்கிறது. இது மாதிரியான ஒரு
கதையில் இதுவரை நடிக்காமல் இருந்ததில் தவறு இருக்கு. வித்தியாசமான கதை.
ஆச்சரியங்களும், மாச்சரியங்களும் நிறைந்த திரைக்கதை இது என சொல்லி போரடிக்க
விருப்பமில்லை.

இது பாலா படம் அவ்வளவுதான். அவர் படம் எப்படி இருக்குமோ அப்படிதான்
இதுவும். ஆனால் இது எனக்கு முதல் படம் மாதிரி. இவனா விஷால்? என படம்
முடிந்ததும் யோசிப்பீர்கள். இந்த வார்த்தை அப்படியே சத்தியமானது.

படத்தில் திருநங்கை கேரக்டர் என முதலில் செய்தி. மேடை நாடக கலைஞன் என அடுத்த செய்தி. எதுதான் உங்க கேரக்டர்?

நிச்சயம். நான் மேடை நடிகன். அதுதான் உண்மையும் கூட. நாடக காட்சிகளின் போது
பெண் வேடம் அணிந்து நடிக்கிறேன். அதுதான் அப்படியே திருநங்கை கேரக்டர் என
செய்தி பரவ காரணம். அந்த காட்சி ரொம்ப அதிர்ச்சியாக இருக்கும். கெஸ்ட்
ரோலில் சூர்யாவும் வருகிறார். ரொம்ப திருப்தியான ரோல் அவருக்கு.

ஆர்யாவுக்கும் உங்களுக்கும் மோதல் எழுந்ததாக செய்திகள் வந்ததே?

ஆர்யா என் நண்பன். கஷ்டப்பட்ட காலத்திலிருந்தே என்னை அவனுக்கு தெரியும்.
அவன் மூலம்தான் 'அவன் - இவன்' பட வாய்ப்பே கிடைத்தது என தெரிந்தபோது,
வாழ்வில் நட்பு எவ்வளவு முக்கியம் என தெரிஞ்சிக்கிட்டேன். உயிர் நண்பன் என
எல்லோருக்கும் ஒருவன் இருப்பான். அப்படிதான் எனக்கு ஆர்யா. அவனோடு நான்
கோபங்கொண்டால் இந்த வாழ்வு என்னை பழிக்கும். எனக்கு எல்லாமும் செய்கிற
ஆர்யாவுக்கு நான் என்ன செய்ய போகிறேன்?

கொஞ்சம் சறுக்கல் நிறைய கற்றுத் தந்திருக்குமே?

சினிமாவில் எல்லாமும் நடக்கும். டி.வி.யில் பார்க்கிற கிரிக்கெட் மேட்ச்
மாதிரிதான் இது. தோற்பதும், ஜெயிப்பதும் வாடிக்கைதான். கடைசியாக நடித்த
நான்கு படங்கள் சரியாக போகவில்லை. எல்லாமும் பிடித்து நடித்ததுதான். யார்
மீதும் குறை சொல்ல முடியாது. படம் வெளிவந்த பின்னர்தான் மக்கள் ரசனை
புரிகிறது.

ரசிகர்களின் 'பல்ஸ்' தெரிந்துக் கொண்டால் எல்லாமும் வெற்றிதான். தொடர்
வெற்றிகளும் வேண்டாம். கொஞ்சம் சரிவையும் சந்திக்க வேண்டும். சந்தித்து
விட்டேன். நிறைய விஷயங்கள் என்னை கடந்து போயிருக்கிறது. வெற்றியையும்,
தோல்வியையும் சரி விகிதத்தில் சந்தித்து வந்திருக்கேன்.

இது இப்படிதான் இருக்கும் என நினைக்கும்போது மற்றொன்று அதை அப்படியே மாற்றி
போட்டு வேடிக்கை பார்த்தது. அதிலிருந்து இப்போது மீண்டு வந்திருக்கிறேன்
என நினைக்கிறேன். இனி என் அடுத்த அடி சரியாக இருக்கும்.

அடுத்து பிரபுதேவாவுடன் கமர்ஷியல் களமாமே?

நல்ல விஷயம். அவரின் 'போக்கிரி', என்னுடயை 'திமிரு' மாதிரியான ஒரு படம்
இது. ரொம்ப ரசித்து கதை கேட்டேன். அப்படியே படமும் வந்துகொண்டு இருக்கிறது.
பாலா படம் முடித்து விட்டு, இப்படி ஒரு படத்தில் நடிக்க வேண்டும்
என்றுதான் விரும்பினேன். அதுவாகவே கிடைத்திருக்கிறது. எல்லாம்
நல்லதுக்குதான்.

எல்லோரும் தவறுகிற இடம் இது. ஆனால் உங்களை பற்றி ஒரு கிசுகிசு கூட படிக்க முடியலையே?

இது நல்ல விஷயம்தான். நடிகனாக இருந்து இப்படி ஒரு கேள்வியை
எதிர்க்கொள்வதில் பெருமை. ஆரம்பத்திலிருந்தே கவனமாக இருக்கிறேன். அதுதான்
இப்போதும் என்னை வழி நடத்துகிறது. நான் நானாக இருக்க வேண்டும் என எப்போதும்
நினைக்கிறேன். அது அப்படியே நடக்கிறது. 50 படங்கள் முடித்த பின்னரும் இதே
கேள்வியை நீங்கள் கேட்கணும்.

கல்யாணம் எப்போன்னு இப்போ கேட்கலாம்தானே?

எந்த விஷயமும் என்னை கடந்து போகவில்லை என பொய் சொல்ல முடியாது. இப்போதும்
நான் தனியாகத்தான் இருக்கிறேன். கவலையும், சந்தோஷமும் என்னை மட்டுமே
சார்ந்தது என வேதாந்தம் பேசும் வயசும் எனக்கு வரவில்லை. என்னை நான்
பக்குவப்படுத்தி வைத்திருக்கிறேன்.

இந்த அற்புத வாழ்வு தருகிற எல்லோரின் அன்பையும் ஏற்றுக்கொள்ள வேண்டும். அது
காதல்? கல்யாணம் என்பதில் மட்டுமே முடங்கி விடக் கூடாது. திகட்ட திகட்ட
காதலிக்க காதலி கிடைக்கும்போதும், கல்யாணம் நடக்கும்போதும் நிறைய பேசலாம்.

மீண்டும் பாலா படத்தில் நடிக்கும் வாய்ப்பு வந்தால்?

'சண்டக்கோழி' படம்தான் மாஸ் ஹீரோ அந்தஸ்தை தந்தது. பின் சிறியதாக சறுக்கல்.
எந்த எதிர்பார்ப்பும் இல்லாமல் பாலா முன் நின்றேன். 'உன்னை மாத்திக்
காட்டுறேன்' பார் என எனக்கு எல்லாமும் தந்தார். வாழ்வின் வலி, மரணம்
இப்படித்தான் இருக்கும் என எல்லாவற்றையும் இந்த ஒரே படத்தில் காட்டி
விட்டார்.

இதோ வாழ்வின் நெடுகிலும் அவரின் புராணம் பாடப் போகிறேன். மீண்டும் அவர்
படத்தில் நடிக்க ஒரு வாய்ப்பு வந்தால், என் முழு வாழ்க்கைக்குமான
அனுபவங்களை அதில் பெற்று விடுவேன்.

30 அடி உயரத்தில் இருந்து குதிக்க வேண்டிய ஒரு காட்சி. அப்படியே தோல்
பிசகி, கை இடறி விழுந்துட்டேன். பதறி ஓடி வந்து கட்டியணைத்தார் பாலா. 'நான்
ரொம்ப ஆசைப்படுறேன்'னு அவர் சொன்னபோது விழியோரங்களில் கொஞ்சம் ஈரம்.
பாலாவின் மனசிலும்தான். அதுதான் பாலா!
TMT என் அடுத்த அடி -விஷால்!! 678642

positivekarthick · positivekarthick Sun Jun 26, 2011 8:29 pm

க்ரேட் பாலா!!!! மகிழ்ச்சி

மஞ்சுபாஷிணி · மஞ்சுபாஷிணி Sun Jun 26, 2011 8:29 pm

நெகிழ்ச்சியான வரிகள் பாலாவை பற்றி விஷால் சிலாகித்து சொன்னவை.... வாழ்த்துகள் விஷால் இன்னும் வெற்றிகளின் சிகரம் தொட....

பகிர்வுக்கு அன்பு நன்றிகள் கார்த்தி.

Sponsored content · Sponsored content

என் அடுத்த அடி -விஷால்!!

என் அடுத்த அடி -விஷால்!!

Re: என் அடுத்த அடி -விஷால்!!

Re: என் அடுத்த அடி -விஷால்!!

Re: என் அடுத்த அடி -விஷால்!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக