அஜித்துடன் மோதும் சூர்யா!

பது · பது Wed Jun 01, 2011 4:57 pm

வெங்கட் பிரபுவின் இயக்கத்தில் அல்டிமேட் ஸ்டார் அஜித் நடிக்கும் படம் 'மங்காத்தா'. இப்படம் அஜித்தின் 50ஆவது படம் ஆகும். தற்போது கிடைத்திருக்கும் தகவலின்படி அஜித்துடன் சூர்யா மோத இருக்கிறாராம்.

இதனால் இருதரப்பு ரசிகர்களும் அதிர்ச்சியில் ஆழ்ந்துள்ளனர். ஏ.ஆர்.முருகதாஸ் இயக்கத்தில் சூர்யா மூன்று வேடங்களில் நடித்து வரும் படம் '7ஆம் அறிவு'. இப்படத்தில் உலகநாயகன் கமல்ஹாசனின் மகள் ஸ்ருதி ஹாசன் கதாநாயகியாக நடிக்கிறார்.

'கஜினி'யில் இணைந்த சூர்யா, ஏ.ஆர்.முருகதாஸ், ஹரிஸ் ஜெயராஜ் கூட்டணியே மீண்டும் இப்படத்தில் இணைந்திருக்கிறது. இரண்டு படங்களின் படப்பிடிப்பும் தற்போது நிறைவடைந்து விட்டன. போஸ்ட் புரொடக்ஷன் வேலைகளில் இரண்டு திரைப்படக் குழுவினரும் மும்முரமாக ஈடுபட்டுள்ளனர்.

எல்லா வேலைகளும் முடிந்த பிறகு ஜூலை மாதத்தில் 'மங்காத்தா' வெளியாகும் என்று அப்படத்தின் இயக்குநர் தெரிவித்துள்ளார். அதே போல '7ஆம் அறிவு' படமும் ஜூலையில் வெளியாகும் என்று ஏ.ஆர்.முருகதாஸ் தெரிவித்துள்ளார்.

இந்த இரண்டு படங்களும் ஜூலையில் ஒரே திகதியில் வெளியாக இருக்கிறதாம்.

[img:7931]http://www.virakesari.lk/cinema/galery/admin/actress/actressL_img/uploaded/mankatha-movie-stillsgalleryimagesstart-poster-2[1].jpg[/img:7931]