ரசிகர்களை கவர்ந்த விளையாடு மங்காத்தா

ரபீக் · ரபீக் Sun May 22, 2011 11:43 am

விரைவில் வெளிவர இருக்கும் அஜீத்தின் 50வது படமான மங்காத்தா படத்தில் "விளையாடு மங்காத்தா" என்ற பாடல் மட்டும் ரசிகர்கள் மத்தியில் பெரும் வரவேற்பை பெற்றுள்ளது.
க்ளவுட் நைன் மூவிஸ் சார்பில், டைரக்டர் வெங்கட் பிரபு இயக்கத்தில், அஜீத், த்ரிஷா, அர்ஜூன், அஞ்சலி, பிரேம்ஜி அமரன் உள்ளிட்ட பலர் நடித்து விரைவில் வெளிவர இருக்கும் படம் மங்காத்தா.

இப்படத்தின் பாடல் வெளியீட்டு விழா, தொடர்ந்து தள்ளி போகின்ற நிலையில், அடுத்தமாதம் மிகவும் பிரமாண்டமான முறையில் பாடல்களை வெளியிட உள்ளனர். அதன் முன்னோட்டமாக அஜீத் பிறந்தநாளுக்கு முதல்நாள் "விளையாடு மங்காத்தா..." என்று ஆரம்பிக்கும் பாடலை வெளயிட்டனர். ஆனால் அந்தபாடல் முழுமையாக வெளியிடப்படவில்லை, ஒரு பகுதி மட்டும் தான் வெளியானது.

இந்நிலையில் இப்பாட்டின் முழுதொகுப்பும் நேற்று வெளியானது. படத்தில் ஒரு மட்டுமே ரிலீசான போது, அந்த ஒருபாடலை கேட்க ஆடியோ கடைகளில் ரசிகர்கள் கூட்டம் அலைமோதியது. தற்போது இளைஞர்களின் விருப்ப பாடலாக மாறியிருக்கும் விளையாடு மங்காத்தா... ‌பாடல் ரசிகர்கள் மத்தியில் மிகுந்த வரவேற்பை பெற்று இருக்கிறது.

கங்கை அமரன் எழுதியுள்ள இப்பாடல், பாங்காங்கில் உள்ள பிரபல கிளப் ஒன்றில் படமாக்கப்பட்டது. இந்த பாடலுக்காக அஜீத்துடன் சேர்ந்து சென்னை, மும்பை, பாங்காங் ஆகிய நகரங்களை சேர்ந்த ஐம்பதுக்கும் மேற்பட்ட நடனக்கலைஞர்கள் மற்றும் 250க்கும் மேற்பட்ட துணை நடிகர், நடிகைகள் வரவழைக்கப்பட்டு, நடன இயக்குநர் கல்யாண் இப்பாடலை படமாக்கினார்.

யுவன்ஷங்கர் ராஜா இசையில் ரசிகர்களிடையே மிகுந்த எதிர்பார்ப்பை ஏற்படுத்தியிருக்கும் மங்காத்தா படத்தில் மொத்தம் ஒன்பது பாடல்கள் இடம்பெறுகிறது. இதில் ரீ-மிக்ஸ் பாடல், புரோமோசாங், தீம்மியூசிக் ஆகியவையும் உள்ளடக்கம். ஏற்கனவே அஜீத்துக்கு தீனா, பில்லா போன்ற படங்களில் ஹிட் பாடல்களை கொடுத்த யுவன், மங்காத்தா பட பாடலையும் நிச்சயம் ஹிட்டாக்குவார் என்று கூறுகின்றனர்.

மேலும் இந்த வருடத்தின் மிகச்சிறந்த பாடல்களாக "மங்காத்தா" படத்தின் பாடல்கள் அமையும் என்று நம்பிக்கையோடு கூறுகிறார் படத்தின் இயக்குனர் வெங்கட் பிரபு. இதனிடையே மங்காத்தா படத்தின் இறுதிகட்ட படப்பிடிப்பு ஹைதராபாத்தில் நடைபெற்று வருகிறது. ஜூன் கடைசி வாரத்திலோ அல்லது ஜூலை மாதமோ திரைக்கு வரும் என்று கூறப்படுகிறது.

விடுப்பு

**ரா.ரமேஷ்குமார்** · 23/01/2011

அருமையான பாடல் அசத்தல் இசை...
விளையாடு மங்காத்த விட மாட்ட எங்காத்த
வெளி வெஷம் பொடட்ட இந்த வெற்றி கிட்ட வராதா...
விளையாடு மங்காத்த விட மாட்ட எங்காத்த
வெளி வெஷம் பொடட்ட இந்த வெற்றி கிட்ட வராதா...
மனதினை மாற்றடா
மகிழ்சியை ஏற்றடா
குறைகளை நீக்கிட
தடைகளை தூக்கி போட்டு போடா
உடலுக்குள் நெருப்பிட
உணர்வுகள் கொதிப்பட
புது விதி எழுதடா
புரட்சியை செய்து காட்ட வாடா...

kitcha · kitcha Sun May 22, 2011 2:25 pm

நானும் பாட்டைக் கேட்டேன்.சூப்பர் என்று சொல்வது ரொம்ப ஓவர்.கதைக் கிழிக்கும் இசை.யுவனிடம் இது எதிர் பார்க்காத ஒன்று.கேட்டவுடன் பிடிக்கவில்லை என்றாலும் கேட்க கேட்க ஒருவேளை பிடிக்கலாம் ரசிகர்களுக்கு

மஞ்சுபாஷிணி · மஞ்சுபாஷிணி Sun May 22, 2011 4:15 pm

படம் வெற்றிப்பெற என் அன்பு வாழ்த்துகள்..

balakarthik · balakarthik Sun May 22, 2011 5:09 pm

kitcha wrote:நானும் பாட்டைக் கேட்டேன்.சூப்பர் என்று சொல்வது ரொம்ப ஓவர்.கதைக் கிழிக்கும் இசை.யுவனிடம் இது எதிர் பார்க்காத ஒன்று.கேட்டவுடன் பிடிக்கவில்லை என்றாலும் கேட்க கேட்க ஒருவேளை பிடிக்கலாம் ரசிகர்களுக்கு