அறம் அல்லது தர்மம் என்றால் என்ன?

Raja2009 · Raja2009 Fri 4 Sep 2009 - 20:59

தர்மம் என்றால் தானம் என்று அர்த்தம் என்று நினைத்துக் கொண்டிருந்தேன். மேலும் அறிந்து கொள்ள வலையில் தேடிய போது கிடைத்த வீடியோ இவை. அறம் அல்லது தர்மம் என்பதைப் பற்றி தங்களின் கருத்துக்களையும் அறிந்து கொள்ள விரும்புகிறேன்.

ராஜா

https://www.youtube.com/watch?v=nx293qaJJ7E
https://www.youtube.com/watch?v=0_pUSpNhz2s

**சிவா** · **சிவா** Fri 4 Sep 2009 - 21:12

கட்டற்ற கலைக்களஞ்சியமான விக்கிபீடியாவில் இருந்து.

அறம்: நல்வழி, ஒழுங்கு, தர்மம் போன்ற கருத்துக்களைக் குறிக்கின்றது. தமிழர் சிந்தனைப்புலத்தில் அறம் ஒரு முக்கிய கருத்துரு ஆகும். "அறம் செய்ய விரும்பு" என்பது ஔவையார் கூற்று. திருக்குறளிலும் அறத்துப்பால் என்ற ஒரு பகுதி உண்டு.

தர்மம் என்று இந்து சமயத்தில் பொதுவாக சொல்லப்படுதலுக்கு, தமிழில் அறம் என்று வழங்கப்படுகிறது.

மனிதர்களைப் பொறுத்தவரை தர்மம் என்றால் சரியான செயல்களைச் செய்வது, சரியான பாதையில் நடப்பது ஆகும். உலகத்திலுள்ள மனிதர்கள் இவ்வாறு நீதி நெறியில் வாழ்வது மட்டுமல்லாமல், வான் வெளியில் உலகம் உழல்வதும், அண்ட சராசரங்கள் ஒரு ஒழுங்கில் இயங்குவதும் தர்மம் எனப்படும் இறைவனின் விதிகளில்தான் என்கிறது இந்து சமயம்.

மனித ஆத்மா இறைவழியில் நடந்து உயர் ஞானம் பெற்றிட அற வழியில் நடந்திடல் அவசியமானது. அறம் வலியுறுத்தும் திருவள்ளுவர், அறத்தின் சிறப்பினை இவ்வாறு சொல்லுகிறார்:

சிறப்பு ஈனும்; செல்வமும் ஈனும்; அறத்தின்
ஆக்கம் எவனோ, உயிர்க்கு? (31)

(தர்ம ஒழுக்கத்தினால் மேன்மை வரும் என்பது உறுதி. செல்வமும் வரலாம். ஆதலால் தர்மத்தை காட்டிலும் மனிதனுக்கு வல்லமை தரக்கூடியது வேறு என்ன இருக்கிறது?)

அறத்தின்ஊஉங்கு ஆக்கமும் இல்லை; அதனை
மறத்தலின் ஊங்கில்லை கேடு. (32)

(தர்மங்களை செய்வதுபோல நன்மை தரக்கூடியதும் இல்லை. தர்மங்களை செய்யாமல் மறந்துவிடுவது போலத் தீமை தரக்கூடியதும் இல்லை.)

தர்ம வழியில் இருந்து பிறழுதலுக்கு அதர்மம் என்று வழங்கப்படுகிறது.

Raja2009 · Raja2009 Thu 10 Sep 2009 - 10:49

சிவா,

நன்றி.

நான் அறத்தைப் பற்றிய இந்த youtube முழுவதையும் பார்த்து விட்டேன். அதனுடைய text வடிவமும் பெற்று விட்டேன். அது 4-5 பக்கங்கள் வருகிறது. அதை இங்கே பதிய தங்களின் அனுமதியை கோருகிறேன்

ராஜா