இதுவரை நடந்த உலகக் கோப்பைப் போட்டி முடிவுகள்-ஒரு பார்வை

**சிவா** · **சிவா** Sun Apr 03, 2011 7:18 am

உலகக் கோப்பைப் போட்டிகளில் நிகழ்த்தப்பட்டுள்ள சாதனைகள்

அதிக ரன்கள் குவித்த வீரர் - சச்சின் டெண்டுல்கர் - 2175
ஒரே போட்டியில் அதிக ரன் எடுத்தவர் - கேரி கிர்ஸ்டன் - 188* ரன்கள்
அதிகபட்ச பார்ட்னர்ஷிப் - கங்குலி, டிராவிட் 318
ஒரே தொடரில் அதிக ரன் குவித்தவர் - சச்சின் - 673 (2003)

அதிக விக்கெட் வீழ்த்தியவர் - மெக்கிராத் - 71
சிறந்த பந்து வீச்சு - மெக்கிராத் - 7/15 (2003)
ஒரே தொடரில் அதிக விக்கெட் வீழ்த்தியவர் - மெக்கிராத் 26 (2007)

அதிகம் பேரை அவுட் ஆக்கிய விக்கெட் கீப்பர் - கில்கிறைஸ்ட் - 39 (1999–2007)
அதிகம் கேட்ச் பிடித்தவர்கள் - பான்டிங் 28 (1996–2011)

அதிக ஸ்கோரை எடுத்த அணி - இந்தியா -பெர்முடாவுக்கு எதிராக 413/5 (2007)
குறைந்த் ஸ்கோரை எடுத்த அணி - கனடா - இலங்கைக்கு எதிராக 36 (2003)
அதிக வெற்றி சதவீதம் - ஆஸ்திரேலியா - 74% (விளையாடியது 76,வென்றது 55)
அதிக தொடர் வெற்றிகளைப் பெற்ற அணி - ஆஸ்திரேலியா 26 (1999–2011)
தொடர்ந்து 3 பட்டங்களை வென்ற அணி - ஆஸ்திரேலியா (1999–2007)

ஆண்டு நடந்த நாடு வென்ற அணி 2வது இடம்
1975 இங்கிலாந்து மே.இ. தீவுகள் ஆஸ்திரேலியா
1979 இங்கிலாந்து மே. இ. தீவுகள் இங்கிலாந்து
1983 இங்கிலாந்து இந்தியா மே. இ. தீவுகள்
1987 இந்தியா பாக். ஆஸ்திரேலியா இங்கிலாந்து
1992 ஆஸி. நியூசிலாந்து பாகிஸ்தான் இங்கிலாந்து
1996 இந்தியா, இலங்கை, பாக். இலங்கை ஆஸ்திரேலியா
1999 இங்கிலாந்து ஆஸ்திரேலியா பாகிஸ்தான்
2003 தெ. ஆப்பிரிக்கா ஆஸ்திரேலியா இந்தியா
2007 மே.இ. தீவுகள் ஆஸ்திரேலியா இலங்கை

இதுவரை உலக சாம்பியன் ஆன அணிகள்

ஆஸ்திரேலியா - 4 முறை (1987, 1999, 2003, 2007)
மேற்கு இந்தியத் தீவுகள் - 2 முறை (1975, 1979)
இந்தியா - 1983
பாகிஸ்தான் - 1992
இலங்கை - 1996

இதுவரை தொடர் நாயகன் விருது பெற்றவர்கள்
(1992ம் ஆண்டு முதல்தான் தொடர் நாயகன் விருது வழங்கப்பட்டு வருகிறது)

1992 - மார்ட்டின் குரோ - நியூசிலாந்து - 456 ரன்கள்
1996 - சனத் ஜெயசூர்யா - இலங்கை - 221 ரன்கள், 7 விக்கெட்கள்
1999 - லான்ஸ் க்ளூஸ்னர் -தெ. ஆப்பிரிக்கா - 281 ரன்கள், 17 விக்கெட்கள்
2003 - சச்சின் டெண்டுல்கர் - இந்தியா 673 ரன்கள், 2 விக்கெட்கள்
2007 - கிளன் மெக்கிராத் - ஆஸ்திரேலியா - 26 விக்கெட்கள்

இறுதிப் போட்டியில் ஆட்ட நாயகன் விருது வென்றவர்கள்

1975 - கிளைவ் லாயிட் - மே.இ. தீவுகள் - 102 ரன்கள்
1979 - விவ் ரிச்சர்ட்ஸ் - மே. இ. தீவுகள் - 138* ரன்கள்
1983 - மொஹீந்தர் அமர்நாத் - இந்தியா - 3 விக்கெட்கள், 26 ரன்கள்
1987 - டேவிட் பூன் - ஆஸ்திரேலியா - 75 ரன்கள்
1992 - வாசிம் அக்ரம் - பாக். - 33 ரன்கள், 3 விக்கெட்கள்
1996 - அரவிந்த டிசில்வா - இலங்கை - 107* ரன்கள், 3 விக்கெட்கள்
1999 - ஷான் வார்னே - ஆஸ்திரேலியா - 4 விக்கெட்கள்
2003 - ரிக்கி பான்டிங் - ஆஸ்திரேலியா - 140* ரன்கள்
2007 - ஆடம் கில்கிறைஸ்ட் - ஆஸ்திரேலியா - 149 ரன்கள்

**சிவா** · **சிவா** Sun Apr 03, 2011 7:22 am

உலகக்கோப்பை கிரிக்கெட் போட்டியில் இந்தியா நிகழ்த்தியுள்ள சாதனைகள்

சென்னை: இதுவரை நடந்த அத்தனை உலகக் கோப்பைப் போட்டிகளிலும் இந்தியா பங்கேற்றுள்ளது. இதில் இந்தியாவின் சார்பில் சாதனை படைத்தவர்கள் குறித்த ஒரு பார்வை...

அதிக விக்கெட்கள் வீழ்த்திய இந்தியர்கள் :

ஜவஹல் ஸ்ரீநாத் - 44
அனில் கும்ப்ளே - 31
கபில் தேவ் - 28
மனோஜ் பிரபாகர் - 24
ஜாகிர் கான் - 23
மதன்லால் - 22
ரோஜர் பின்னி - 19
வெங்கடேஷ் பிரசாத் - 17

அதிக ரன்கள் குவித்த இந்தியர்கள்:

சச்சின் டெண்டுல்கர் - 2175
செளரவ் கங்குலி - 1006
ராகுல் டிராவிட் - 860
முகம்மது அசாருதீன் - 826
கபில் தேவ் - 669
சுனில் கவாஸ்கர் - 561
அஜய் ஜடேஜா - 522
கிருஷ்ணமாச்சாரி ஸ்ரீகாந்த் - 521

**சிவா** · **சிவா** Sun Apr 03, 2011 7:24 am

உலகக் கோப்பை கிரிக்கெட்-இதுவரை இந்தியா!

ஒரு நாள் கிரிக்கெட் போட்டிக்கான உலகக் கோப்பைப் போட்டிகள் 1975ம் ஆண்டு அறிமுகமானது. அன்று முதல் இன்று வரை இந்தியா அதில் பங்கேற்று வருகிறது.

முதல் போட்டி

1975ம் ஆண்டு இங்கிலாந்தில் நடைபெற்றது. மொத்தம் 8 அணிகள் இதில் கலந்து கொண்டன. இதில் இந்தியாவுக்கு 6வது இடம் கிடைத்தது. மொத்தம் 3 போட்டிகளில் ஆடிய இந்தியா அதில் ஒன்றில் மட்டுமே வென்றது. 2 போட்டிகளில் தோல்வியைத் தழுவி முதல் சுற்றோடு வீட்டுக்குக் கிளம்பியது.

2வது போட்டி

1979ம் ஆண்டு இங்கிலாந்தில் நடைபெற்றது. இதிலும் 8 அணிகளே கலந்து கொண்டன. முதல் தொடரை விட மோசமான தொடராக இது இந்தியாவுக்கு அமைந்தது. போட்டியின் முடிவில் 7வது இடத்தைப் பெற்றது. மொத்தம் 3 போட்டிகளில் ஆடி மூன்றிலும் தோல்வியைத் தழுவியது. இந்த முறையும் முதல் சுற்றோடு மூட்டை கட்டப்பட்டது இந்தியா.

3வது போட்டி

இந்திய கிரிக்கெட்டுக்கு பொற்காலத்தை ஏற்படுத்திக் கொடுத்த போட்டி இது. 1983ம் ஆண்டு இங்கிலாந்தில் நடைபெற்ற இப்போட்டித் தொடரில் அபாரமாக வெற்றி பெற்று முதல் முறையாக சாம்பியன் பட்டத்தைத் தட்டிச் சென்றது இந்தியா.

மொத்தம் 8 அணிகள் கலந்து கொண்டன. இந்தியா 8 போட்டிகளில் ஆடி அதில் 6 போட்டிகளை வென்றது. அதில் மறக்கமுடியாத போட்டி ஜிம்பாப்வேக்கு எதிரான போட்டி. இதில்தான் கபில்தேவ் புயலென ஆடி 175 ரன்களைக் குவித்து ஆட்டமிழக்காமல் இருந்து சாதனையும் படைத்தார். 2 போட்டிகளில் இந்தியா தோல்வி அடைந்தது. கபில் தேவ் தலைமையிலான இந்தியப் படையினர் உலகக் கோப்பையை உயர்த்திப் பிடித்தபோது உலகமே ஆச்சரியத்துடன் அவர்களைப் பார்த்தது.

4வது போட்டி

முதல் முறையாக வீட்டை (இங்கிலாந்தை) விட்டு வெளியேறிய உலகக் கோப்பை கிரிக்கெட், நேராக இந்தியா-பாகிஸ்தானுக்கு வந்தது. 1987ம் ஆண்டு இந்தியாவு்ம், பாகிஸ்தானும் இணைந்து நடத்திய இந்தப் போட்டித் தொடரில் இந்தியா 3வது இடத்தைப் பிடித்தது.

மொத்தம் 7 போட்டிகளில் ஆடி 5ல் வென்று, 2ல் தோற்றது.

5வது போட்டி

1992ம் ஆண்டு ஆஸ்திரேலியாவும், நியூசிலாந்தும் இணைந்து இத்தொடரை நடத்தின. அதுவரை 8 அணிகள் மட்டுமே கலந்து கொண்டு வந்த நிலை மாறி முதல் முறையாக 9 அணிகள் இதில் பங்கேற்றன. இந்தத் தொடர் இந்தியாவுக்கு கசப்பான தொடராக அமைந்தது.

முதல் சுற்றோடு வெளியேற்றப்பட்ட இந்தியா, 8 போட்டிகளில் ஆடி ஐந்தில் தோல்வியுற்றது. 2ல் மட்டுமே வென்றது. ஒரு போட்டி முடிவேதும் இல்லாமல் போனது.

6வது போட்டி

1996ல் இந்தியா, பாகிஸ்தான், இலங்கை இணைந்து இப்போட்டியை நடத்தின. இதில் இந்தியா அரை இறுதிப் போட்டியில் இலங்கையுடன் தோல்வியடைந்தது. 3வது இடத்தையே பிடித்தது.

மொத்தம் 12 அணிகள் இதில் பங்கேற்றன. 7 போட்டிகளில் ஆடிய இந்தியா, நான்கு போட்டிகளில் வென்று, 3 போட்டிகளில் தோல்வியுற்றது.

7வது போட்டி

இங்கிலாந்து , அயர்லாந்து, நெதர்லாந்து, ஸ்காட்லாந்து ஆகியவை இணைந்து இந்தப் போட்டியை 1999ம் ஆண்டு நடத்தின. இதில் சூப்பர் சிக்ஸ் ரவுண்டோடு இந்தியா வெளியேறியது.

12 அணிகள் கலந்து கொண்ட இத்தொடரில் 6வது இடத்தைப் பிடித்தது இந்தியா. 8 போட்டிகளில் ஆடி நான்கில் வெற்றியும், நான்கில் தோல்வியையும் சந்தித்தது.

8வது போட்டி

2003ம் ஆண்டு கென்யா, தென் ஆப்பிரிக்கா, ஜிம்பாப்வே இணைந்து இப்போட்டித் தொடரை நடத்தின. 14 அணிகள் பங்கேற்றன. இதில் இறுதிப் போட்டிக்கு முன்னேறிய இந்தியா அதில் ஆஸ்திரேலியாவிடம் தோல்வியுற்றது. மொத்தம் 11 போட்டிகளில் ஆடி 9 போட்டிகளில் வெற்றியும், 2 போட்டிகளில் தோல்வியையும் சந்தித்தது.

9வது போட்டி

2007ம் ஆண்டு மேற்கு இந்தியத் தீவுகள் இணைந்து நடத்திய 9வது உலகக் கோப்பைப் போட்டி இந்தியாவுக்கு பெரும் ஏமாற்றத்தை அளித்த ஒன்றாகும்.

16 அணிகள் கலந்து கொண்ட இத்தொடரில் 10வது இடத்தையே பெற்ற இந்தியா முதல் சுற்றோடு விடை பெற்றது. 3 போட்டிகளில் ஆடிய இந்தியா 2 போட்டிகளில் பரிதாபகரமாக தோல்வியைத் தழுவியது. ஒன்றில் மட்டுமே வென்றது.