இன்றைய ராசி பலன்

மேஷம்;
குதர்க்கமாகப் பேசும் சிலரை பொறுமையாகச் சமாளிப்பீர்கள். சிறிய தவறு ஒன்று பெரிய பிரச்னையாகி விடுமோ என பீதி அடையலாம். வீடு பராமரிப்பு விஷயங்களில் அக்கறை காட்டுவீர்கள். உறவினர் அல்லது நண்பர் ஒருவருடன் வெளியிடங்களுக்கு செல்லலாம். பிள்ளைகள் தொடர்பான காரியங்களுக்காக அலைய நேரிடலாம்

ரிஷபம்:
நீங்கள் திறமையாக செயல்பட்டாலும், அதை புரிந்து கொள்ளாமல் சிலர் உங்களை குறை சொல்வர். நீண்ட நாட்களாக பார்க்காத உறவினர் ஒருவரை பார்க்கலாம். நீங்கள் பெருமையாக நினைத்த ஒருவர் அற்பத்தனமாக நடந்து கொள்ளலாம். வீட்டுக்குத் தேவையான பொருட்கள் வாங்க கணிசமான பணத்தை செலவிடுவீர்கள். வெறுப்பு உண்டாகும்.

மிதுனம்:

திறமை வெளிப்படும் நாள். வெளிவட்டார தொடர்புகளை விரிவுபடுத்திக் கொள்வீர்கள். மற்றவர்கள் விவகாரங்களில் தலையிடாமல் நாசுக்காக நடந்து கொள்வீர்கள். கொடுக்கல் வாங்கல்களில் சீரான நிலைமை காணப்படும். தந்தை தொடர்பான வகையில் எதிர்பார்த்த உதவி கிடைக்கும். வியாபாரிகளுக்கு கடன் பாக்கி வசூலாகும்.


கடகம்:
இறை வழிபாடுகளில் நாட்டம் செல்லும். புதியவர்கள் சிலரின் சந்திப்பு நிகழும். குடும்பத்தினருடன் வெளியிடங்களுக்கு செல்லும் வாய்ப்பு உருவாகும். அண்டை அயலாரிடம் வீண் கதைகள் பேசி நேரத்தை வீணடிப்பீர்கள். எதையும் சாதிக்க முடியும் என்ற அசட்டுத் துணிச்சல் அதிகரிக்கும். வீண் ஜம்பங்களை தவிர்க்க வேண்டும்.

சிம்மம்:
பெரிய காரியம் ஒன்றை அலட்டிக் கொள்ளாமல் அமைதியாக செய்து முடிப்பீர்கள். தொலைபேசி வழியில் கேட்கும் செய்தியால் மனதில் உற்சாகம் கூடும். நாளை சந்திக்க நினைத்த நண்பர் ஒருவரை இன்றே சந்திக்கும் வாய்ப்பு உருவாகும். சகோதரர்கள் நலனில் அக்கறை காட்டுவீர்கள். வாகனங்களால் செலவு உண்டாகலாம்.

கன்னி:
சண்டை போட்ட சிலரிடம் சமாதானமாக செல்வீர்கள். மற்றவர்கள் செய்த தவறு ஒன்றுக்கு நீங்கள் பொறுப்பேற்கலாம். மறதியால் அவதிகளுக்கு ஆட்படலாம். தந்தை வழியில் எதிர்பாராத செலவுகளைச் சந்திக்கலாம். நீண்ட நாட்களாக சந்திக்க நினைத்த ஒருவரை சந்திப்பீர்கள். சங்கடம் தரும் அல்லது சந்தோஷம் தரும் செய்தி கேட்கலாம்.

துலாம்:
குடும்பத்தில் மகிழ்ச்சி, சந்தோஷம் அதிகரிக்கும். பெண்கள் ஆடை, அலங்காரப் பொருட்கள் வாங்கலாம். வழக்கத்திற்கு மாறாக கூடுதல் நேரம் தூங்குவீர்கள். பல மணி நேரமாகும் என நினைத்த காரியம் ஒன்று சுலபமாக முடிவுக்கு வரும். நண்பர்களை நம்பி ஒப்படைத்த காரியங்கள் நல்ல விதமாக முடிவுக்கு வரலாம். ஆறுதலான நாள்.

விருச்சிகம்:
பல நாட்களாக இழுத்தடித்த பிரச்னை ஒன்று இன்று திடீரென முடியும். பூர்வீக சொத்து விவகாரங்களில் ஏற்பட்ட சிக்கல்கள் தீரலாம். குறைவான நேரத்தில் முடியும் என நினைத்த வேலை ஒன்று நீண்ட நேரத்திற்கு இழுத்தடிக்கலாம். உங்களின் பெருமைகளைப் பற்றி மற்றவர்களிடம் பேசுவீர்கள். மாற்று மதத்தினரிடம் கவனம் அவசியம்.

தனுசு:
நேரம் காலம் பார்த்து சில காரியங்களைச் செய்வீர்கள். பிரபலமான கோவில்களுக்கு செல்லும் வாய்ப்பு கிட்டும். மற்றவர்களின் செயல்பாடுகளைப் பார்த்து பொறாமைப்படுவீர்கள். ஆதாயமில்லாத வேலைகளில் ஈடுபடலாம். பலர் பங்கேற்கும் நிகழ்ச்சி ஒன்றில் நீங்களும் கலந்து கொள்ளலாம். உடல் உபாதைகளைச் சந்திக்கலாம்.

மகரம்:
பொறுமை, நிதானத்துடன் செயல்பட வேண்டிய நாள். கிடைக்கும் நேரத்தை வீணடித்து விட்டு பின்னர் அவசரமாக செயல்படுவீர்கள். எங்காவது வெளியில் செல்லும் போது, உடனடியாக பஸ் கிடைக்காமல் நீண்டநேரம் காத்திருக்கலாம். சிலர் ஆசை காட்டி உங்களை ஏமாற்றலாம். வெறுப்பு, விரக்தி குடிகொள்ளும்.

கும்பம்:
நண்பர்கள் சிலர் உங்களுக்கு உதவி செய்யலாம். உறவினர்கள் அல்லது குடும்ப உறுப்பினர்களுக்கு ஆடை, ஆபரணங்கள் வாங்கிக் கொடுக்கலாம். பண விஷயங்களில் சிலருக்கு உத்தரவாதம் தரலாம். வெளியிடங்களுக்கு செல்லும் போது, பால்ய நண்பர் ஒருவரைச் சந்திக்கலாம். ஓய்வாக இருக்காமல் ஏதாவது வேலைகளைச் செய்வீர்கள்.

மீனம்:
எண்ணிய காரியங்கள் எண்ணம் போல நடக்கும். கடனாக, கைமாத்தாக கொடுத்த பணம் திரும்பி வரும். குடும்பத்தினர் பாராட்டும் வகையிலான காரியம் ஒன்றைச் செய்வீர்கள். முக்கியமான நிகழ்ச்சிகளில் கலந்து கொள்ளலாம். பிள்ளைகளின் நீண்ட நாளைய ஆசைகளை நிறைவேற்றி வைப்பீர்கள். ஊக்கம், உற்சாகம் கூடும்.


______________________சுபம் __________________________

நன்றி நண்பரே இத அப்படியே தினமலர்ல படிச்ச மாதிரி இருக்கு

என்னோட கணிப்பத்தான் தினமலர்ல போட்டு இர்ருக்கண்கொலோ ...

ஓ அப்ப நீங்க ஜோசியரா சொல்லவே இல்ல

தினமும் ராசியை கணித்து போடுங்கள் நண்பரை .....