ராகு காலத்தை எப்படி கணக்கிடுவது? அதற்கு ஓர் எளிய வழி

தாமு · தாமு Sat Mar 19, 2011 5:51 am

ராகு காலத்தை எப்படி கணக்கிடுவது? அதற்கு ஓர் எளிய வழி உள்ளது.

இங்குள்ள சிறிய வாக்கியத்தை மனதில் நிறுத்திக்கொள்ள வேண்டும். “திருநாள் சந்தடி வெயிலில் புகுந்து விளையாடச் செல்வது ஞாயமா?” என்ற வாக்கித்தை கவிதை நடையில் படித்து ஞாபகத்தில் வைத்துக் கொள்ள வேண்டும். அவ்வாக்கியத்தில் உள்ள ஒவ்வொரு வார்த்தையின் முதல் எழுத்தும் ஒவ்வொரு கிழமையை ஞாபகபடுத்தும். காலை 6 மணி முதல் 71ஃ2 வரையிலும் உள்ள ஒன்றரை மணி நேரத்திற்கு ராகு காலம் இல்லை. அதன் பின் ஒவ்வொரு நாளிலும்ää வௌ;வேறு நேரத்தில் ராகு காலம் வருகிறது. பகல் நேரத்தில் தினமும் ராகு காலம் பகலில் ஒன்றரை மணி நேரம் மட்டுமே வரும். மேற்சொன்ன கவிதை நடை வாக்கியத்தின் முதல் சொல் ‘திருநாள்’ ஆகும். அதன் முதல் எழுத்து ‘தி’ ஆகும். அது திங்கட்கிழமை குறிக்கும். அன்று 7.30 மணி முதல் 9 மணி வரை ராகு காலம். அடுத்து வரும் ‘சந்தடி’ என்னும் சொல்லின் முதல் எழுத்து ‘ச’. அது சனிக்கிழமையை குறிக்கும். அன்று 9 மணி முதல் 10.30 மணி வரை ராகு காலம். அடுத்து ‘வெயிலில்’ என்பதன் முதல் எழுத்து ‘வெ’. அது வெள்ளிக்கிழமையை குறிக்கும். அன்று 10.30 மணி முதல் 12 மணி வரை ராகு காலம்.. அடுத்து வரும் ‘புகுந்து’ என்பதன் முதல் எழுத்து ‘பு’. புதன்கிழமை 12 மணி முதல் 1.30 மணி வரை ராகு காலமாகும். அடுத்து ‘விளையாட’ என்னும் சொல்லில் முதலில் வரும் எழுத்து ‘வி’ ஆகும். இது வியாழனை குறிக்கும். அன்று 1.30 மணி முதல் 3 மணி வரை ராகு காலமாகும். அடுத்த வரும் ‘செல்வது’ என்னும் சொல் செவ்வாயை குறிக்கும். அன்று 3 மணி முதல் 4.30 மணி வரை ராகு காலமாகும். அடுத்து வரும் ‘ஞாயமா’ என்பதன் முதல் எழுத்து ‘ஞா’. அது ஞாயிறு என்பதனை குறிக்கும். அன்று 4.30 முதல் 6.30 மணி வரையிலும் ராகு காலம். இவ்வாறு வரிசையாக ஞாபகப்படுத்திக்கொள்ள இது சிறந்த வழியாகும். இது ராகு காலங்களில் கடைசி அரை மணி நேரம் அமிர்தயோகமாகும். அந்த அமிர்தயோகத்தில் நல்ல காரியங்களை செய்யலாம். மீதம் உள்ள ஒரு மணி நேரத்தில் நல்ல காரியங்களை செய்யாமல் இருப்பது சிறந்தது.