திருத்தப்படமுடியாத தவறுகள்!?

வினுப்ரியா · வினுப்ரியா Wed Nov 24, 2010 8:02 pm

திருத்தப்படமுடியாத தவறுகள்!?

ஆளுகின்ற ஆட்சியாளர்கள்
அவ்வப்போது மாறினாலும்
அயராது ஊழலில் உழல்வது
அரசாங்கத்தின் திருத்தப்படமுடியாத தவறோ!?

எத்தனை முறை ஏமார்ந்தபோதும்
கைகூப்பி வரும் வேட்பாளனிடம்
கை நீட்டி பெற்றிட்ட காசுக்காக
கண்மூடி ஓட்டளித்திட்டு
கவலைப்பட்டு வருந்துவது
முட்டாள் மக்களின் மூளையில்
திருத்தப்படமுடியாத தவறோ!?

மனைவிக்கும் ஒரு மனமுண்டு
அதிலும் ஒரு
மனிதம் உண்டென அறிய மறுப்பது
ஆணாதிக்கத்தின் அகராதியில்
திருத்தப்படமுடியாத தவறோ!?

மூர்க்கத்தனத்தில் வளர்ந்திட்டு
மோகத்தில் தொலைந்திட்டு
தேகத்தை மட்டும் தேடிப்புணர்வது
காமூகனின் கவனத்திலிருந்து
திருத்தப்படமுடியாத தவறோ!?

வறுமையின் கோரப்பிடியில்
வயிறு வளர்க்க வேறு வழியின்றி
உயிரோடு தன் சதைப்பிண்டத்தை
விபச்சார சந்தையில் விலைபேசி விற்பது
விபாச்சாரியின் விதியில் எழுதப்பட்ட
திருத்தப்படமுடியாத தவறோ!?

சொரணையற்ற சுகவாசிகளாய்
உழைக்க மறந்த சோம்பேறிகளாய்
ஊர் சுற்றி பிச்சையெடுப்பது -அவன்
உதிரத்தில் உறைந்திட்ட
திருத்தப்படமுடியாத தவறோ!?

திருத்தப்படமுடியாத தவறுகள்
தானகவே நிகழ்கிறதா?-இல்லை
திட்டமிடப்பட்டு நிகழ்கிறதா?-இல்லை
தடுக்கப்படாததால் தொடர்கிறதா?

இத்தனையும் கண்டு
ஏதும் செய்வதறியா பெருமூச்சோடு
கையாலாகாத்தனத்தோடு
கவிதையெழுதிக் கொண்டிருப்பது-என்னுடைய
திருத்தப்படமுடியாத தவறோ!?

**சிவா** · **சிவா** Wed Nov 24, 2010 8:41 pm

திருத்தப்படாத தவறுகள் எனத் தாங்கள் பட்டியலிட்டுள்ளது அனைத்துமே நம்மைப் போன்ற தனி மனிதர்களால் இயலாத காரியம். அதற்கென அதிகாரம் படைத்தவர்களே கவலைப்படாத நேரத்தில் நீங்கள் ஏன் தயங்க வேண்டும். தொடர்ந்து கவிதை எழுதுங்கள்!

///சொரணையற்ற சுகவாசிகளாய்
உழைக்க மறந்த சோம்பேறிகளாய்
ஊர் சுற்றி பிச்சையெடுப்பது -அவன்
உதிரத்தில் உறைந்திட்ட
திருத்தப்படமுடியாத தவறோ!?///

இந்தத் தவறுக்கு, இதற்குக் காரணமானவன் மனது வைத்தால் மட்டுமே திருந்த முடியும்!

வினுப்ரியா · வினுப்ரியா Wed Nov 24, 2010 8:49 pm

சிவா wrote:திருத்தப்படாத தவறுகள் எனத் தாங்கள் பட்டியலிட்டுள்ளது அனைத்துமே நம்மைப் போன்ற தனி மனிதர்களால் இயலாத காரியம். அதற்கென அதிகாரம் படைத்தவர்களே கவலைப்படாத நேரத்தில் நீங்கள் ஏன் தயங்க வேண்டும். தொடர்ந்து கவிதை எழுதுங்கள்!

///சொரணையற்ற சுகவாசிகளாய்
உழைக்க மறந்த சோம்பேறிகளாய்
ஊர் சுற்றி பிச்சையெடுப்பது -அவன்
உதிரத்தில் உறைந்திட்ட
திருத்தப்படமுடியாத தவறோ!?///

இந்தத் தவறுக்கு, இதற்குக் காரணமானவன் மனது வைத்தால் மட்டுமே திருந்த முடியும்!

சமுதாயத்தின் நிலை கண்டு அதனை மாற்றும் திராணியற்று வரைந்த கவிதையிது!
நன்றி சிவா!

Thanjaavooraan · Thanjaavooraan Wed Nov 24, 2010 9:10 pm

நன்று

வினுப்ரியா · வினுப்ரியா Wed Nov 24, 2010 10:01 pm

Thanjaavooraan wrote:நன்று

kalaimoon70 · kalaimoon70 Wed Nov 24, 2010 10:14 pm

இத்தனையும் கண்டு
ஏதும் செய்வதறியா பெருமூச்சோடு
கையாலாகாத்தனத்தோடு
கவிதையெழுதிக் கொண்டிருப்பது-என்னுடைய
திருத்தப்படமுடியாத தவறோ!?

அருமை தொடருங்கள் உங்கள் பொதுப் பணியை ,கவியோடு .

வினுப்ரியா · வினுப்ரியா Wed Nov 24, 2010 10:19 pm

kalaimoon70 wrote:இத்தனையும் கண்டு
ஏதும் செய்வதறியா பெருமூச்சோடு
கையாலாகாத்தனத்தோடு
கவிதையெழுதிக் கொண்டிருப்பது-என்னுடைய
திருத்தப்படமுடியாத தவறோ!?

அருமை தொடருங்கள் உங்கள் பொதுப் பணியை ,கவியோடு .

மிகவும் நன்றி தோழரே!

கலைவேந்தன் · கலைவேந்தன் Wed Nov 24, 2010 10:28 pm

கெட்டவை கண்டபின்னும் கண்மூடி இருந்திடாது எட்டுத்திக்கெங்கும் கவிதை கொட்டு முரசே..!

உற்றவை இழந்தோம் உரிமைதனை இழந்தோம்
பெற்றவை காயமன்றி வேறேதும் இல்லைஎன்று கொட்டு முரசே..!

இத்தகு சங்கநாதம் எழும் காலம் உனைப்போன்ற கவிஞர்களால் சாத்தியம் என்றே கொட்டுமுரசே...!

வினுப்ரியா · வினுப்ரியா Thu Nov 25, 2010 7:20 pm

கலை wrote:கெட்டவை கண்டபின்னும் கண்மூடி இருந்திடாது எட்டுத்திக்கெங்கும் கவிதை கொட்டு முரசே..!

உற்றவை இழந்தோம் உரிமைதனை இழந்தோம்
பெற்றவை காயமன்றி வேறேதும் இல்லைஎன்று கொட்டு முரசே..!

இத்தகு சங்கநாதம் எழும் காலம் உனைப்போன்ற கவிஞர்களால் சாத்தியம் என்றே கொட்டுமுரசே...!

மிகவும் நன்றி கலை

வினுப்ரியா · வினுப்ரியா Thu Dec 02, 2010 4:46 pm

Thanjaavooraan wrote:நன்று

Sponsored content · Sponsored content

திருத்தப்படமுடியாத தவறுகள்!?

திருத்தப்படமுடியாத தவறுகள்!?

Re: திருத்தப்படமுடியாத தவறுகள்!?

Re: திருத்தப்படமுடியாத தவறுகள்!?

Re: திருத்தப்படமுடியாத தவறுகள்!?

Re: திருத்தப்படமுடியாத தவறுகள்!?

Re: திருத்தப்படமுடியாத தவறுகள்!?

Re: திருத்தப்படமுடியாத தவறுகள்!?

Re: திருத்தப்படமுடியாத தவறுகள்!?

Re: திருத்தப்படமுடியாத தவறுகள்!?

Re: திருத்தப்படமுடியாத தவறுகள்!?

Re: திருத்தப்படமுடியாத தவறுகள்!?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக