உஷார் ! கூடுதல் நிகோடின் போதையுடன் போலி சிகரெட்டுகள் விற்பனை

கோவை: கோவை மாவட்டத்தில், 40 சதவீதம் போலி சிகரெட்டுகள் புழக்கத்தில் உள்ளதாக புகார் எழுந்துள்ளது. கோவையில் கடைகளுக்கு ஏஜென்ட்கள் மூலம் தினமும் 5,000 பாக்கெட் சிகரெட்டுகள் விற்கப்படுகின்றன. புகையிலையை குறைத்து நிகோடினை அதிகப்படுத்தி பிரபல நிறுவனங்கள் பெயரில் போலியாக சிகரெட்டுகளை தயாரிக்கும் கும்பல் கோவையில் போலி சிகரெட்டுகளை சப்ளை செய்து வருகிறது. போலி சிகரெட் பாக்கெட் ஸீ25 முதல் ஸீ30 வரை விற்கப்படுகிறது.

போலி சிகரெட் பாக்கெட்டுகள் விற்க விற¢பனையாளர்களுக்கு அதிக கமிஷன் மற்றும் கடைக்காரர்களுக்கு ஒரு பாக்கெட்டுக்கு ஸீ5 முதல் ஸீ10 வரை லாபமும் கிடைக்கிறது. புறநகர்ப் பகுதிகளில் சில ஏஜென்டுகளே நேரடியாக போலி சிகரெட் தயாரித்து வரி ஏய்ப்பு செய்கின்றனர்.

போலி சிகரெட் புழக்கத்தில் இருப்பதால் மத்திய, மாநில அரசுகளுக்கு பல ஆயிரம் கோடி ரூபாய் வருவாய் இழப்பு ஏற்படுகிறது. போலி சிகரெட்டில் புகையிலைக்கு மேல் சுற்றப்படும் வெள்ளைக் காகிதம் மிகவும் லேசாக இருப்பதால் நிகோடின் பாதிப்பு அதிகமாக இருக்கும். குடிக்கும்போது திடீரென தொண்டை அடைக்கும். வயிறு முழுவதும் எரிச்சல் ஏற¢படும். குடித்தவுடன் இருமல் ஏற்படும். இதுபோன்று உடல் உபாதைகள் அடிக்கடி ஏற்படும்.

கோவையில் பஸ் நிலையங்கள், தியேட்டர்களையொட்டி உள்ள பல்வேறு பெட்டிக் கடைகள் உள்ளிட்ட பல்வேறு கடைகளில் சர்வசாதாரணமாக போலி சிகரெட்டுகள் விற்கப்படுகின்றன.

இது குறித்து கோவை அரசு மருத்துவமனை உதவி இருப்பிட மருத்துவ அலுவலர் சவுந்திரவேல் கூறியதாவது:

பொதுவாகவே சிகரெட் குடிப்பது உடல் நலத்திற்கு கேடு. இருப்பினும், போலியாக தயாரிக்கப்பட்ட சிகரெட் குடித்தால் அதில் அதிகமாக சேர்க்கப்படும் நிகோடின் மூளை நரம்புகளை சுறுசுறுப்பாக்கி மூளை, இதயத் துடிப்பு மற்றும் நரம்பு செயல்பாடுகளை தன் ஆதிக்கத்தில் கொண்டு செயலிழக்கச் செய்யும். நிகோடின் நச்சுப் பொருளானது நுரையீரல் பாதிப்பு, இருமல், சளி, தொண்டை, வாய், குரல் வளை மற்றும் நுரையீரல் புற்றுநோயை ஏற்படுத்தும். குறிப்பாக, மாரடைப்பு, புற்றுநோய¢ ஏற்பட்டு விரைவிலேயே இறக்க நேரிடும் என்றார்.

தகவலுக்கு நன்றி நண்பா.