மகிநதா இன்று வவுனியா வருகை: இரவு வெடிப்புச் சம்பவம்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

மகிநதா இன்று வவுனியா வருகை: இரவு வெடிப்புச் சம்பவம்

#426064

நிசாந்தன்
இளையநிலா: பதிவுகள் : 957
இணைந்தது : 24/07/2010

Post நிசாந்தன் Thu Oct 21, 2010 1:09 am

வவுனியா மில் வீதியில் நேற்று இரவு 8:10 மணியளவில் வெடிப்புச் சம்பவம் ஒன்று நிகழ்ந்துள்ளது. அவ்வீதியில் நிறுத்தி வைக்கப்பட்டிருந்த சொகுசு ஜீப்பொன்றின் முன் பகுதியில் ஏற்பட்ட இவ்வெடிப்பினால் இருவர் காயமடைந்துள்ளனர். இது அவ்வாகனத்தில் ஏற்பட்ட தொழில்நுட்பக் கோளாறு காரணமாக ஏற்பட்டதாக இராணுவப் பேச்சாளர் மேஜர் ஜெனரல் உபய மெதவல தெரிவித்துள்ளபோதிலும், இது சந்தேகத்துக்கு இடமான சம்பவம் என்று வவுனியாவைச் சேர்ந்த ஒருவர் தெரிவித்துள்ளார். ஏனெனில் வாகன உரிமையாளரும் அவரின் நண்பரும் வாகனத்தை நிறுத்தி வைத்துவிட்டு கடைக்கு சென்றபோதே இவ் வெடிப்பு சம்பவம் இடம்பெற்றுள்ளது.

இந்த ஜீப்பின்மீது நடத்தப்பட்ட கைக்குண்டுத் தாக்குதலே இவ்வெடிப்புக்குக் காரணம் எனவும் சில தகவல்கள் கூறுகின்றன. இதில் அருகில் நின்ற சில வாகனங்களும் சேதமடைந்துள்ளன. இவ் வெடிப்பு சம்பவத்தினால் காயமடைந்த இருவரும் வவுனியா வைத்தியசாலையில் அனுமதிக்கப்பட்டுள்ளனர். இச்சம்பவம் தொடர்பான விசாரணை நடந்துவருகின்றது.

வட மாகாண அபிவிருத்தி மீளாய்வுக் கூட்டம் ஜனாதிபதி மஹிந்த ராஜபக்ஷ தலைமையில் இன்று 19 ஆம் திகதி வவுனியாவில் நடைபெறவுள்ள நிலையில் இவ்வெடிப்புச் சம்பவம் ஏற்பட்டுள்ளமை பரப்பரப்பாக உள்ளது. வவுனியாவிலுள்ள வன்னி பாதுகாப்புப் படைகளின் கட்டளைத் தலைமையகத்தில் நடைபெறவுள்ள இந்த மீளாய்வுக் கூட்டத்தில் அரசாங்கத்தின் சிரேஷ்ட அமைச்சர்கள், அமைச்சின் செயலாளர்கள், வட மாகாண ஆளுநர், மாகாண பிரதம செயலாளர், மாவட்டச் செயலாளர்கள் உட்பட உயர் அதிகாரிகள் கலந்து கொள்ளவுள்ளனர்.

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1