பிரேக் பிடிக்காமல் ஓடியது அரசு பஸ் : தடுத்து நிறுத்திய மாணவருக்கு பாராட்டு

நவீன் · நவீன் Sat Oct 02, 2010 8:53 am

கோவை : பிரேக் பிடிக்காமல் ஓடிய அரசு டவுன் பஸ்சை தடுத்து நிறுத்திய மாணவருக்கு, மாநகர போலீஸ் கமிஷனர் பாராட்டு தெரிவித்தார்.
கோவை, தெக்கலூரைச் சேர்ந்தவர் சரவணக்குமார் (18); பிஷப் அம்புரோஸ்கல்லூரியில் முதலாம் ஆண்டு மாணவர். நேற்று முன்தினம் பகல் 2.00 மணிக்குசுங்கத்தில் இருந்து காந்திபுரத்துக்குக் செல்ல, அரசு டவுன் பஸ் (எண்:7)ல்நண்பருடன் பயணித்தார். கே.ஜி.தியேட்டர் பஸ் நிறுத்தம் வந்தபோது, பிரேக்பிடிக்காததை அறிந்த டிரைவர், கண்டக்டரிடம் பதற்றத்துடன் தெரிவித்தார்.இதைக் கேட்டு பயணிகள் அதிர்ச்சி அடைந்தனர். ஆனாலும், பஸ்சில் இருந்தமாணவர் சரவணக்குமார், தைரியமாக கீழே குதித்தார். பிரேக் பிடிக்காமல் ஓடிக்கொண்டிருந்த பஸ்சுக்கு முன்புறமாக ஓடி, ரோட்டில் எதிரே வந்தவர்களையும்,வாகனங்களையும் ஓரமாக ஓதுங்கி வழிவிடுமாறு சத்தம் போட்டார்.
இச்சூழ்நிலையிலும், கலெக்டர் அலுவலகம் அருகே திருப்பத்தில், ரோட்டோரம்கிடந்த பெரிய கல்லை எடுத்து பஸ் முன்சக்கரம் முன்பாக போட்டார். கல்மீதேறிய பஸ், மீண்டும் ஓட்டம் பிடித்தது. ஒருவழியாக, லங்கா கார்னர் அருகேசென்றபோது, பஸ்சின் வேகம் சற்று குறைந்தது. இதை சாதகமாக பயன்படுத்திக்கொண்ட மாணவர், அங்கிருந்த பெரிய கல்லை எடுத்து சக்கரத்துக்கு முன் போட்டுபஸ்சை நிறுத்தினார். இதனால் பெரும் விபத்து தவிர்க்கப்பட்டது. மாணவரின்செயலை பஸ்சில் இருந்து பயணிகளும்,ரோட்டில் சென்ற பொதுமக்களும்பாராட்டினர். மாணவரின் செயலை கேள்விப்பட்டு, மாணவர் சரவணக்குமாரை வரவழைத்தகோவை மாநகர போலீஸ் கமிஷனர் சைலேந்திரபாபு பாராட்டி, மெடல் அணிவித்தார்.

**சிவா** · **சிவா** Sat Oct 02, 2010 9:00 am

வாழ்த்துகள் சரவணகுமார்! சரியான நேரத்தில் சிறப்பாக வீரச் செயல் புரிந்த சரவணன் இளையோருக்கு ஒரு முன்னுதாரணம்!

பிரேக் பிடிக்காமல் ஓடியது அரசு பஸ் : தடுத்து நிறுத்திய மாணவருக்கு பாராட்டு

பிரேக் பிடிக்காமல் ஓடியது அரசு பஸ் : தடுத்து நிறுத்திய மாணவருக்கு பாராட்டு

Re: பிரேக் பிடிக்காமல் ஓடியது அரசு பஸ் : தடுத்து நிறுத்திய மாணவருக்கு பாராட்டு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக