மழை சேதங்களை பார்வையிட்டார் காஷ்மீரில் வீடு இழந்தவர்களுக்கு மீண்டும் புதிய வீடுகள் பிரதமர் மன்மோகன்சிங் அறிவிப்பு

லே,


காஷ்மீர் மாநிலம் லே பகுதியில் கடந்த 6-ந் தேதி பேய்மழை பெய்தது.

இதனால் ஏற்பட்ட வெள்ளத்தாலும், நிலச்சரிவாலும் லே பகுதி முழுவதும் பெரும் பாதிப்பு ஏற்பட்டது.

200-க்கும் மேற்பட்டோர் உயிர் இழந்தனர். ஆயிரக்கணக்கானோர் காயம் அடைந்தனர். ஏராளமான வீடுகள் இடிந்து தரை மட்டமாயின.

பாதிக்கப்பட்ட
பகுதிகளை பிரதமர் மன்மோகன் சிங் இன்று சுற்றி பார்த்தார். இதற்காக இன்று
காலை டெல்லியில் இருந்து லே சென்றடைந்தார். அவருடன் மத்திய மந்திரிகள்
குலாம்நபி ஆசாத், பரூக் அப்துல்லா, மாநில காங்கிரஸ் தலைவர் சைபுதீன் சோஸ்
ஆகியோரும் சென்றனர்.

மழையால்
கடுமையாக பாதிக்கப்பட்ட பகுதிகளை நேரில் சென்று பார்த்து மக்களுக்கு
ஆறுதல் கூறினார். முகாம்களில் தங்க வைக்கப்பட்டு இருந்தவர்களையும் சென்று
பார்த்தார். காயம் அடைந்தவர்கள் பல் வேறு ஆஸ்பத்திரிகளில் சிகிச்சை பெற்று
வந்தனர். அவர்களையும் சந்தித்து ஆறுதல் கூறினார்.

பின்னர்
அங்கு மறுவாழ்வு பணிகளில் ஈடுபட்டுள்ள அதிகாரிகளுடன் ஆலோ சனை நடத்தினார்.
எந்தெந்த மாதிரி நிவாரண பணிகள் நடக்கின்றன. மத்திய அரசு மேலும் என்னென்ன
உதவிகளை செய்ய வேண்டும் என்று கேட்டறிந்தார்.

முதல்- மந்திரி உமர் அப்துல்லாவுடனும் தனியாக ஆலோசனை நடத்தினார்.

பின்னர் மன்மோகன்சிங் பல்வேறு முக்கிய அறிவிப்பு களை வெளியிட்டார். அவர் கூறியதாவது:-

வெள்ளத்தினால்பாதிக்
கப்பட்ட மக்களுக்கு அனைத்து உதவிகளையும் மத்திய அரசு செய்யும் இதற் காக
ரூ.125 கோடி தேசிய நிவாரண நிதியில் இருந்து ஒதுக்கப்படும்.

வீடு
இழந்த அனை வருக்கும் புதிய வீடுகட்டி கொடுக்கப்படும். இன்னும் 2 1/2
மாதத்தில் இந்த வீடுகளை கட்டி கொடுப்போம். இதில் நிதி ஒதுக்குவதில் எந்த
பிரச்சினையும் இருக்காது.

சாலை
சீரமைப்பு, மின் சாரம் சீர் செய்தல் மற்றும் அடிப்படை பணிகள் அனைத்தும்
குளிர்காலம் தொடங்குவதற்கு முன்பாக 2 1/2 மாதத்தில் முடிக்கப்படும். அதன்
பிறகு நான் மீண்டும் இங்கு வந்து மக்களை சந்திப் பேன்.

இவ்வாறு அவர் கூறினார்.