மரத்தில் பதுங்கி இருந்த கைதி: விடிய விடிய தேடிய சிறைக் காவலர்கள்

கோவை,

மாயமான கைதி மரத்தின் மீது பதுங்கி இருந்தது கண்டறியப்பட்ட பின்னரே சிறைக் காவலர்கள் நிம்மதிப் பெருமூச்சு விட்டனர்.÷கோவை
மத்திய சிறையில் தண்டனைக் கைதிகளும், விசாரணைக் கைதிகளும் 1,959 பேர்
உள்ளனர். காலையிலும், மாலையிலும் கைதிகளின் கணக்கெடுப்பு நடத்தப்பட்டது.
வழக்கம்போல் முன் கைதிகளுக்கான கணக்கெடுப்பு வியாழக்கிழமை மாலை நடந்தது.
அப்போது 4-வது பிளாக்கில் அடைக்கப்பட்ட சிறைக் கைதி ஒருவர் மட்டும்
மாயமானது தெரியவந்தது. பதறிப்போன சிறைக் காவலர்கள், சிறை வளாகம் முழுவதும்
சல்லடையிட்டு தேடினர். கணக்கெடுக்கும் பணியில் ஏதேனும் தவறு ஏற்பட
வாய்ப்பு இருப்பதால் மீண்டும் கைதிகளை கணக்கெடுக்கும் பணி நடந்தது.
அப்போதும் எண்ணிக்கையில் ஒரு கைதி குறைந்தார். நீதிமன்ற
விசாரணைக்காக அழைத்து செல்லப்பட்ட கைதிகள் யாரேனும் தப்பிச்
சென்றுவிட்டார்களா என சிறைக் காவலர்கள் சரிபார்த்தனர். இதுகுறித்து
நீதிமன்ற விசாரணைக்காக கைதிகளை அழைத்து சென்ற ஆயுதப் படை போலீஸôரிடமும்
விசாரணை நடந்தது. இதைத் தொடர்ந்து நடந்த ஆய்வில் விசாரணைக்காக அழைத்து
செல்லப்பட்ட கைதிகள் யாரும் தப்பிச் செல்லவில்லை என உறுதியானது.÷சிறை
வளாகம் முழுவதும் காவலர்கள் தேடுதல் வேட்டை நடத்தினர். குறிப்பாக மரத்தின்
மீதேறி யாரேனும் மறைந்துள்ளாரா என சோதனை செய்யப்பட்டது. விடிய விடிய நடந்த
இந்தச் சோதனையில் தலைமறைவான கைதியை கண்டறிய முடியவில்லை. இந்
நிலையில், காணாமல்போன கைதியின் பெயர் சக்திவேல் என கண்டறியப்பட்டது.
பொள்ளாச்சியை சேர்ந்த இவர், மனைவியை கொலை செய்ய முயன்ற வழக்கில் கடந்த
ஜூலை மாதம் 28-ம் தேதி கைது செய்யப்பட்டு, சிறையில்
அடைக்கப்பட்டிருந்ததும் தெரியவந்தது.÷வெள்ளிக்கிழமை காலை 7.30
மணிக்கு சிறை வளாக 4-வது பிளாக்கில் உள்ள ஒரு மரத்தின் மேல் பகுதியில்
சிறு அசைவு தென்பட்டது. உடனே அந்த மரத்தின் மீதேறிய சிறைக் காவலர்கள்,
மரத்தின் உச்சியில் கிளைகளுக்கு இடையே மறைந்து இருந்த கைதி சக்திவேலை
பிடித்தனர். இத்துடன் விடிய விடிய தொடர்ந்த தேடுதல் வேட்டையும்
முடிவுக்குவந்தது.÷இதுகுறித்து சிறைத் துறையினர் கூறியது: சிறை
வளாகத்துக்குள் பணியை மேற்கொள்வதற்காக சிறை அறையில் இருந்து கைதி
சக்திவேல் வெளியே வந்தார். வியாழக்கிழமை மதியத்தில் இருந்தே அவரைக்
காணவில்லை. கணக்கெடுக்கும்போதுதான் அவர் காணாமல்போன விஷயம் சிறைக்
காவலர்களுக்கு தெரியவந்தது. ஏன் மரத்தின் மீதேறி கைதி மறைந்து இருந்தார்
என்பது குறித்து அவரிடம் விசாரணை நடந்து வருகிறது. அவர் மீது சிறை
விதிமுறைகள்படி நடவடிக்கை எடுக்கப்படும் என்றார்.

சிறை விதிமுறைகள்படி நடவடிக்கைன்னா இதுதானே?!....