சூப் செய்யலாம் வாங்க

ரபீக் · ரபீக் Sat Jul 10, 2010 8:14 pm

முருங்கை சூப்

தேவையான பொருட்கள்:

முருங்கைக்காய் - 4

உருளைக்கிழங்கு - 1

பெரிய வெங்காயம் - 1

வெண்ணெய் - 1 மேஜைக் கரண்டி

மல்லித் தூள் (தனியாதூள்) - 1 தேக்கரண்டி

மஞ்சள் தூள் - 1/4 தேக்கரண்டி

எலுமிச்சம்பழச் சாறு - ஒரு மேஜைக்கரண்டி

கொத்தமல்லித் தழை - ஒரு கைப்பிடி

பச்சை மிளகாய் - 2

பூண்டு - 3 பல்

மிளகுத்தூள் - 1/2 தேக்கரண்டி

செய்முறை

உருளைக்கிழங்கைத் தோல் சீவி வைத்துக் கொள்ள வேண்டும். வெங்காயம் முருங்கைக்காயை பெரிய துண்டுகளாக நறுக்கிக் கொள்ள வேண்டும். குக்கரில் உருளைக்கிழங்கு, வெங்காயம், முருங்கைக்காய் ஆகியவற்றை 200 மில்லி தண்ணீருடன் சேர்த்து 3 விசில் வரை வேகவைக்க வேண்டும். குக்கரில் ஆவி அடங்கியதும், முருங்கைக்காயின் சதைப் பகுதியை தனியே வழித்தெடுக்க வேண்டும். உருளைக்கிழங்கு, வெங்காயத்தை தனியே எடுத்து அரைக்க வேண்டும். ஏற்கனவே குக்கரில் வேகவைத்த தண்ணீரில் முருங்கைக்காய் விழுது, உருளைக்கிழங்கு வெங்காய விழுதைச் சேர்த்து கலக்க வேண்டும்.

மல்லித்தூள், பச்சை மிளகாய், பூண்டு, மிளகுத்தூள் ஆகியவற்றை ஒன்றாக சேர்த்து நன்கு அரைத்துக் கொள்ள வேண்டும். வெண்ணெயை உருக்கி அரைத்த விழுதைச் சேர்த்து பச்சை வாசனை போக வதக்க வேண்டும். முருங்கைக்காய், உருளைக்கிழங்கு, வெங்காயம் கலந்த வேகவைத்த தண்ணீரைச் சேர்த்து, தேவையான அளவு உப்பு சேர்த்து நன்கு கொதிக்க வைக்க வேண்டும். கொதித்ததும் இறக்கி வைத்து எலுமிச்சம்பழச் சாறு, மல்லித்தழை சேர்த்து பரிமாற வேண்டும்.

ரபீக் · ரபீக் Sat Jul 10, 2010 8:15 pm

ஸ்வீட் கார்ன் சிக்கன் சூப்

தேவையான பொருட்கள்

கோழித்துண்டுகள் - ஒரு கப்

முட்டை - ஒன்று

சோயா சாஸ் - 2 மேசைக்கரண்டி

ஸ்வீட் கார்ன் - ஒரு கப்

சிக்கன் ஸ்டாக் - 4 கப்

சோள மாவு - 2 தேக்கரண்டி

வினிகர் - ஒரு தேக்கரண்டி

செய்முறை

கோழி இறைச்சியை ஐந்து கப் தண்ணீர் ஊற்றி நன்கு வேகவிட வேண்டும். சுமார் அரை மணிநேரம் வெந்த பிறகு அந்த நீரினை வடித்து 4 கப் அளவிற்கு தனியே எடுத்துக் கொள்ள வேண்டும். வேக வைத்த கோழி இறைச்சியில் இருந்து எலும்புகளை நீக்கி, கறியை தனியே எடுத்துக் கொள்ள வேண்டும்.

இப்போது வடித்த நீரில் எலும்பு நீக்கிய சிக்கன் துண்டங்களையும், ஸ்வீட் கார்னையும் சேர்த்து வேக வைக்கவேண்டும். சிறிது வெந்தவுடன் சோள மாவினை சிறிது நீரில் கரைத்து சிறிது சிறிதாக ஊற்றிக் கலக்கி வேகவிட வேண்டும்.

முட்டையை உடைத்து ஒரு கப்பில் ஊற்றிக் கொண்டு, அதையும் சிறிது சிறிதாக கொதிக்கும் சூப்பில் சேர்த்து நன்கு கலக்க வேண்டும். முட்டை கெட்டியாகாமல், மெல்லிய இழைகளாக மிதக்க வேண்டும். கடைசியில் சோயா சாஸ், மிளகுத் தூள், வினிகர், உப்பு சேர்த்து இறக்கி பரிமாற வேண்டும்.

ரபீக் · ரபீக் Sat Jul 10, 2010 8:16 pm

தேவையான பொருட்கள்:

காலிஃப்ளவர் _ 1 1/2 கோப்பை(சிறு துண்டுகளாக நருக்கியது)
வெண்ணைய் _ 25 கிராம்
வெங்காயம் _ 1
காய்ச்சிய பால் _ அரை கப்
காய்கறித்தாள் _ ஒரு துண்டு
மிளகுத்தூள் _ கால் கரண்டி
கார்ன் ஃப்ளார் _ 1 1/2 டேபிள் ஸ்பூன்
உப்பு _ தேவைக்கேற்ப

செய்முறை:

வெங்காயத்தையும், பாதி காலிஃப்ளவரையும் பொடியாக அரிந்து கொள்ளவும். சிறிது உப்பு சேர்த்த தண்ணீரில் இதை நன்கு அலசி எடுத்துக் கொள்ளவும். ஒரு பிரஷர் பானில் சிறிது வெண்ணையை சூடாக்கி அரிந்த வெங்காயம் காலிஃப்ளவர் சேர்த்து வதக்கவும். மூழ்கும் வரை தண்ணீர் ஊற்றி கொதிவரும் வரை தணலை அதிகமாக்கவும்.

நன்கு கொதி வந்ததும் மூடியால் மூடி வெயிட் வைத்து தணலை மிதமாக்கி ஒரு விசில் வரும்வரை வதக்கவும். பிரஷர் குறைந்ததும் ஒரு கப் பால், தேவையான அளவு உப்பு சேர்த்துக் கொள்ளவும். கார்ன் ஃப்ளார் எனப்படும் சோளமாவில் ஒன்றரை டேபிள் ஸ்பூன், அரை டம்ளர் தண்ணீரில் கரைத்து ஊற்றவும்.

நன்கு கலந்து விட்டு சூடாக்கவும். ஓரளவு பளபளவென வந்ததும் தேவையான அளவு மிளகுத்தூள், ஜாதிக்காள் தூள் ஒரு ஸ்பூன் சேர்த்து கலந்து பரிமாறவும். சுவையான காலிஃப்ளவர் சூப் ரெடி

மீனா · மீனா Mon Jul 12, 2010 11:05 am

பகிர்வுக்கு மிக்க நன்றி ரபீக் அண்ணா!!!

ரபீக் · ரபீக் Mon Jul 12, 2010 11:18 am

மீனா wrote:பகிர்வுக்கு மிக்க நன்றி ரபீக் அண்ணா!!!

எதுவும் சூப் செய்து பார்த்தியாம்மா?

மீனா · மீனா Mon Jul 12, 2010 11:49 am

தக்காளி சூப்பு தான், தெரியும் இது தெரியாது, இப்ப தான் பார்த்தேன் . இனிமேல் தான் ரிஸ்க் எடுக்கணும் !!

**உமா** · **உமா** Mon Jul 12, 2010 11:52 am

தேங்க்ஸ்......

ரபீக் · ரபீக் Mon Jul 12, 2010 11:57 am

Uma Thyagajan wrote:

தேங்க்ஸ்......

எதுக்கு தேங்க்ஸ் ?

**உமா** · **உமா** Mon Jul 12, 2010 12:36 pm

பகிர்வுக்கு தான்..

ரபீக் · ரபீக் Mon Jul 12, 2010 12:38 pm

Uma Thyagajan wrote:பகிர்வுக்கு தான்..

நான் என்னோட கடமையைத்தான் செய்தேன் ,,,, ஜாலி

Sponsored content · Sponsored content

சூப் செய்யலாம் வாங்க

சூப் செய்யலாம் வாங்க

ஸ்வீட் கார்ன் சிக்கன் சூப்

காலிஃப்ளவர் சூப்

Re: சூப் செய்யலாம் வாங்க

Re: சூப் செய்யலாம் வாங்க

Re: சூப் செய்யலாம் வாங்க

Re: சூப் செய்யலாம் வாங்க

Re: சூப் செய்யலாம் வாங்க

Re: சூப் செய்யலாம் வாங்க

Re: சூப் செய்யலாம் வாங்க

Re: சூப் செய்யலாம் வாங்க

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக