ஐந்து செட் போடணும்...அவன் இவனுக்காக பாலா!

ரபீக் · ரபீக் Wed 7 Jul 2010 - 19:02

யதார்த்த படங்களால் ஜொலிக்கும் பாலாவுக்கும் செட் ஆசை வந்திருக்கிறது. நினைத்தவுடன் வாங்கிக் கொள்ள அது என்ன செட் தோசையா? (பாலாவை பொறுத்தவரை அதுவும் சாத்தியம்) அவன் இவன் படத்திற்காக ஐந்து பிரமாண்ட செட்டுகள் போட திட்டமிட்டிருக்கிறாராம் பாலா. படத்தின் தயாரிப்பாளர் கல்பாத்தி அகோரம், ஒரு மினி ரிசர்வ் பேங்க் என்பதால் இவரது ஆசைக்கு முட்டுக்கட்டை போடப் போவதில்லைதான். இருந்தாலும் முறைப்படி இந்த செட் யோசனை தயாரிப்பாளருக்கு சொல்லப்பட்டதாம்.

ஒவ்வொரு செட்டும் குறைந்தது 80 லட்சங்கள் ஆகும் என்பதாலும், பாலாவின் நீண்ட கால தயாரிப்பும் ஏகப்பட்ட பிலிம் கேன்களும் தனி செலவு வைக்கும் என்பதாலும் படம் முடியும்போதுதான் அவன் இவனின் மதிப்பு தெரியும் என்கிறார்கள். இதற்கிடையில் இதே தயாரிப்பு நிறுவனம் சார்பில் வளர்ந்து கொண்டிருக்கும் இச் படத்தை பற்றியும் இஷ்டத்திற்கு பேச்சு!

இச்-சுக்காக பிரபுதேவா கொடுத்த பட்ஜெட், படத்தின் கால்வாசியை எடுக்கும்போதே முடிந்துவிட்டதாம். மீதி படத்தை எடுக்க இன்னும் எவ்வளவு ஆகுமோ என்றும் அதிர்ந்து போயிருக்கிறது தயாரிப்பு தரப்பு.

பொந்துக்குள்ளே கைய விட்டா புதையலும் கிடைக்கும். பாம்பும் கடிக்கும்!