திராட்சைப் பழத்தின் மருத்துவக் குணம்

சபீர் · சபீர் Sun Jun 13, 2010 9:21 pm

கருநீலம், வெள்ளை, பச்சை நிறத் திராட்சைகள் எங்கும் பிரசித்தி பெற்றவை. எல்லா வகைகளிலும் இனிப்பு ரகமும், புளிப்பு ரகமும் உண்டு. விதையுள்ள, விதையில்லாத இரு பிரிவுகள் உண்டு.

பழங்களைப் பச்சையாகவும், உலர வைத்தும் சாப்பிடலாம். பச்சைக்கனி மலமிளக்கும் தன்மையது. உடம்பின் உட்சூட்டை மாற்றக்கூடியது. சிறுநீரைப் பெருக்க வல்லது. குளிர்சியுண்டாக்கக் கூடியது. உலர்ந்த பழம் போஷாக்குச் சத்துடையது. இரத்தத்தைச் சுத்தம் செய்யவல்லது. மார்ச்சளியை நீக்கக்கூடியது.

கல்லீரலின் மந்த நிலையால் உண்டாகும் செரியாமை, அமிலத்தன்மை மிகுவதினால் ஏற்படும் செரிமானக் கோளாறு, இருதய நோய்கள், சூட்டு நமைச்சல், கடுப்புடன் கூடிய சிறுநீர்ப் போக்கு, சிறுநீர் சொட்டு சொட்டாய்க் கழிதல் ஆகியவற்றுக்கு திராட்சைச் சாறு சிறந்த மருந்தாகும்.

குழந்தைகளுக்குப் பல் முளைக்கும் வயதில் ஏற்படும் மலசிக்களுக்கும், அதனால் ஏற்படும் வலிப்பு நோய்களுக்கும் வேலைக்கு ஒரு தேக்கரண்டி திராட்சை ரசம் காலை, மாலை வேளைகளில் கொடுத்துவரக் குணமாகும்.

கனியை பன்னீரில் ஊறவைத்து அதன் சாற்றைப் பருகி வர இதயம் வலிமை பெரும். பன்னீர் திராட்சையை பாலுடன் கலந்து பருக குணமாகிறது.

நீடித்த ஜலதோஷத்திற்க்கும், மூக்கில் நீர் வடிவதற்கும் உலர்ந்த திராட்சை பலனளிக்கிறது.

சிறிதளவு உலர்ந்த திராட்சைப் பழத்தை இளஞ்சூடான நீரில் சுத்தம் செய்து, சிறிதுநேரம் பாலில் ஊரவைத்திருந்து காய்ச்சிப் பழத்துடன் பாலைப் பருக ஜலதோஷமும், நீரோழுகுதலும் குணமாகும்.

சுமார் ஓர் அவுன்ஸ் அளவுள்ள திராட்சையில் : 0.1 கிராம் வீதம் கொழுப்புச் சத்தும், 0.2 கிராம் வேதம் புரதப் பொருளும், 0.2 கிராம் கார்போ ஹைட்ரேட்டும், 6 மி. கி. வீதம் சுண்ணாம்புச் சத்தும், 0.1 மி. கி. வீதம் இரும்புச்
சத்தும், 6 மி. கி. வீதம் எரியச் சத்தும், வைட்டமின் பி – 1.11 மி. கி. வீதமும், 6 மி. கி. வீதம் வைட்டமின் ‘சி’ யும் இருக்கின்றன.

ஹனி · ஹனி Sun Jun 13, 2010 9:41 pm

பயனுள்ள தகவல் நன்றி.

மஞ்சுபாஷிணி · மஞ்சுபாஷிணி Sun Jun 13, 2010 11:12 pm

இத்துனூண்டு திராட்சையில் எவ்ளோ விஷயம் எவ்ளோ மருத்துவ குணம்.....

பன்னீர் திராட்சை சுவைக்க மிக நன்றாய் இருக்கும்... அதையே பாலோடு சேர்த்து உண்ண சொல்லி இருக்கீங்க... மிக அருமை சபீர்..

அன்பு நன்றிகள் பகிர்ந்தமைக்கு சபீர்....

**சிவா** · **சிவா** Sun Jun 13, 2010 11:17 pm

திராட்சைப் பழத்தின் மகத்துவத்தை விளக்கியதற்கு நன்றி சபீர்!

நபி மருத்துவம் - திராட்சை: http://www.eegarai.net/-f7/-t653.htm

மஞ்சுபாஷிணி · மஞ்சுபாஷிணி Sun Jun 13, 2010 11:39 pm

திராட்சை பற்றி மருத்துவ குணங்கள் சொல்லும்போதே அதை மதுவாய் பயன்படுத்துவோருக்கு எதிர்ப்பு சக்தியாய் திகழ எப்படி உபயோகிக்கனும் என்று சொன்னது ஆச்சர்ய தகவல்....

உலர் திராட்சையில் 90 விதமான சத்துக்கள் இருக்கிறது என்பதை மிக அழகாய் விளக்கங்களுடன் தெரிவித்தது அருமை...

அன்பு நன்றிகள் சிவா...