மதிமுக, பாமக அங்கீகாரம் ரத்து? - தேர்தல் ஆணையம் நோட்டீஸ்

கடந்த மக்களவை தேர்தலில் மோசமான தோல்வியை தழுவிய மதிமுக, பாமக, சமாஜ்வாடி உள்ளிட்ட பல்வேறு மாநில கட்சிகளின் அங்கீகாரத்தை ஏன் ரத்து செய்யக்கூடாது என தலைமை தேர்தல் ஆணையம் நோட்டீஸ் அனுப்பியுள்ளது.
அரசியல் கட்சிகளுக்கு மாநில அளவிலும் தேசிய அளவிலும் தலைமை தேர்தல் ஆணையம் அங்கீகாரம் அளித்து வருகிறது. நாடாளுமன்ற மற்றும் சட்டமன்ற தேர்தல்களில் கிடைக்கும் வாக்குகள் சதவீதத்தின் அடிப்படையில் இந்த அங்கீகாரம் வழங்கப்படுகிறது. கடந்த மக்களவை தேர்தலில் அதிமுகவுடன் கூட்டணி அமைத்து தேர்தலை சந்தித்த பாமக, அதிமுக ஆகிய கட்சிகள் பலத்த தோல்வியை தழுவின. தமிழ்நாட்டில் அங்கீகாரம் பெற்றுள்ள மதிமுகவின் வாக்கு சதவீதம் கணிசமாக குறைந்திருப்பதை தொடர்ந்து அதன் அங்கீகாரத்தை ஏன் ரத்து செய்யக்கூடாது என விளக்கம் கேட்டு ஆணையம் நோட்டீஸ் அனுப்பியுள்ளது. இதே போல் புதுச்சேரி மாநிலத்தில் பாமகவின் வாக்கு சதவீதம் சரிந்ததற்காக அந்த மாநில அங்கீகாரம் ரத்து தொடர்பாக ஆணையம் கடிதம் அனுப்பியுள்ளது.

இதே போல் லாலு பிரசாத் யாதவின் ராஷ்ட்ரிய ஜனதா தளம் மற்றும் ஐக்கிய ஜனதா தளத்துக்கு ஜார்கண்ட் மாநில அங்கீகாரம் குறித்து நோட்டீஸ் அனுப்பப்பட்டுள்ளது. இந்த இரண்டு கட்சிகளும் பீகார் மாநிலத்தில் வலுவாக உள்ள கட்சிகள் என்பது குறிப்பிடத்தக்கது.

உ.பி.யில் பலமான எதிர்க்கட்சியாக இருக்கும் சமாஜ்வாடி, சில ஆண்டுகளுக்கு முன்பு வரை மத்திய பிரதேசம் மற்றும் உத்தரகாண்ட்டில் ஓரளவு செல்வாக்கு உள்ள கட்சியாக இருந்தது. ஆனால் கடந்த மக்களவை தேர்தலில் மோசமான தோல்வியை தழுவியதை தொடர்ந்து இந்த மாநிலத்தின் அங்கீகாரம் குறித்து கேள்விக்குறி எழுந்துள்ளது. இது குறித்து விளக்கம் அளிக்குமாறு ஆணையம் நோட்டீஸ் அனுப்பியுள்ளது.

ஜார்கண்ட் மாநிலத்தில் ஆளும் கட்சியாக இருக்கும் ஜார்கண்ட் முக்தி மோர்ச்சாவின் ஒரிசா அங்கீகாரத்துக்கும் சிக்கல் எழுந்துள்ளது. இதே போல் திரிணாமுல் காங்கிரஸ், அருணாச்சல் காங்கிரஸ் ஆகிய கட்சிகளுக்கும் சொந்த மாநிலங்களைத் தவிர மற்ற மாநிலங்களின் அங்கீகாரம் ரத்து செய்யப்படும் நிலைக்கு தள்ளப்பட்டுள்ளது.

பாமக , மதிமுக மட்டுமல்ல இந்தியாவிலுள்ள அணித்து கட்சிகளையும் நீக்கவேண்டும்

balakarthik wrote:பாமக , மதிமுக மட்டுமல்ல இந்தியாவிலுள்ள அணித்து கட்சிகளையும் நீக்கவேண்டும்

ஏன் உங்களுக்கு கட்சிகளின் மீது இவ்வளவு கோபம்?

ரபீக் wrote:

balakarthik wrote:பாமக , மதிமுக மட்டுமல்ல இந்தியாவிலுள்ள அணித்து கட்சிகளையும் நீக்கவேண்டும்

ஏன் உங்களுக்கு கட்சிகளின் மீது இவ்வளவு கோபம்?

பின்னே எனக்கு எந்த கட்சியும் வோட்டுக்கு பணம் தரலியே

balakarthik wrote:

ரபீக் wrote:

balakarthik wrote:பாமக , மதிமுக மட்டுமல்ல இந்தியாவிலுள்ள அணித்து கட்சிகளையும் நீக்கவேண்டும்

ஏன் உங்களுக்கு கட்சிகளின் மீது இவ்வளவு கோபம்?

பின்னே எனக்கு எந்த கட்சியும் வோட்டுக்கு பணம் தரலியே

இவனுங்களுக்கு அங்கீகாரம் கொடுத்தா என்னா கொடுக்கலைன்னா என்னா... போங்கடா போயி புள்ளகுட்டிங்களை படிக்கவையுங்கடா... வந்துட்டானுவ கட்சின்னு சொல்லிக்கிட்டு...!