நான் யார்

**மு.வித்யாசன்** · 19/03/2010

எப்பொழுதும் என்னை தேடியபடி
தேய்வதும், வளர்வதுமாய் என் எண்ணங்கள்
வழித்துணையை தேடி காணாமல் போனதுண்டு
வழி தடுமாறி நின்றவர்களை கரை சேர்த்ததும் உண்டு

உலகில் அதிக தவறு செய்தவன் நான்தான்
திருத்தி திருத்தி என்னை வருத்தியதும் நான்தான்
குற்றங்களை கண்டு கொந்தளித்தவனானேன்
பல வேளை குற்றங்களை உற்பத்தி செய்தவனானேன்

தீயவை மனதில் தோன்றி தீ மூட்டிய துண்டு
நல்லவை என்னில் எழுந்து நர்த்தனம் ஆடியதுண்டு
பாசத்தின் நுனி வரை பயணித்து பார்த்தேன்
மோசத்தின் ஆழம் வரை வாழ்ந்து விட்டேன்

புகழ்ந்து எனை போற்றியது உண்டு
கயவன் என்று காரி உமிழ்ந்ததும் உண்டு
கடந்த வந்தேன் காம, கோர பாதையை
கிடந்து திலைத்தேன் ஆசை, மோக வலையில்

உடைந்து, குடைந்து எனை நானே பார்த்ததுண்டு
எப்பொழுதும் கேட்கிறது என் மனது நான் யரர் என்று !!

மு.வித்யாசன்.