ஏ.ஆர்.ரஹ்மானுக்கு அலிகார் பல்கலைக்கழகம் கெளரவ டாக்டர் பட்டம்

அலிகார்: இசைப் புயல் ஏ.ஆர்.ரஹ்மானுக்கு அலிகார் முஸ்லீம் பல்கலைக்கழகம் கெளரவ டாக்டர் பட்டத்தை வழங்கி சிறப்பித்தது.

உ.பி. மாநிலம் அலிகாரில் உள்ள முஸ்லீம் பல்கலைக்கழகத்தில் நேற்று நடந்த கண்கவர் நிகழ்ச்சியில் ரஹ்மான் டாக்டர் பட்டத்தைப் பெற்றுக் கொண்டார்.

பின்னர் அவர் பேசுகையில், ஹாலிவுட்டில் அடுத்து நான் பீட்டர் பில்லிங்ஸ்லேயின் காதல் காமெடிப் படமான கப்புள்ஸ் ரீட்ரீட் என்ற படத்திற்கு இசையமைக்கப் போகிறேன்.

இந்தப் படத்தில் எந்த இந்தியத் தொடர்பும் இல்லை. எனவே இதை எனது முதல், முழுமையான ஹாலிவுட் படம் என்று கூறலாம்.

முழுக்க முழுக்க ரஹ்மானின் இசையாக இப்படத்தின் இசை இருக்கும். எனவே இந்தப் படத்தின் மூலம் நான் அமெரிக்க திரைத் துறைக்குள் முதல் முறையாக, முழுமையாக பிரவேசிக்கிறேன் என்று கூடக் கூறலாம்.

இந்த ஆண்டு இப்படம் வெளியாகிறது. யுனிவர்சல் ஸ்டுடியோஸ் இப்படத்தைத் தயாரிக்கிறது.

ஆஸ்கர் விருது இந்தியத் திரைத் துறையைச் சேர்ந்தவர்களுக்கு மிகத் தாமதமாகவே கிடைத்தது. இந்திய இசைத் துறை மிகவும் தாமதமாகவே மேற்கத்திய உலகால் அங்கீகரிக்கப்பட்டுள்ளது என்றார் ரஹ்மான்.

நிகழ்ச்சியில், பிரபல உருது அறிஞர் கோபி சந்த் நரங்குக்கும் கெளரவ டாக்டர் பட்டம் அளிக்கப்பட்டது.

முன்னாள் குடியரசுத் தலைவர்கள் ஜாகிர் உசேன், அப்துல் கலாம் ஆகியோருக்கும் அலிகார் பல்கலைக்கழகம் ஏற்கனவே கெளரவ டாக்டர் பட்டம் வழங்கியுள்ளது. தற்போது அந்த பெருமையாளர்கள் பட்டியலில் ரஹ்மானும் இணைந்துள்ளார்.

From : That's Tamil

:face:

தமிழன் எங்கும் வெல்லட்டும்.. .வாழ்த்துக்கள் ரஹமான்..

I am also thank to AR he is a Genious.

எங்களை நாங்களே(தமிழர்க்களை) பாராட்டும் பழக்கம்
எங்களிடம் அதிகம் இல்லை. எம் தமிழனின் புகழ் வெளிநாட்டுக்கு
தேரிந்தபிறகுதான் எமக்கே தெரிகிறது பார்த்தீங்களா!!!!?
முன்பும் இப்படித்தான் சிவாஜிகனேசனுக்கும்
france விருது கொடுத்த பின்தான் நாம் கொடுத்தோம்.
தகுதியெ இல்லாதவர்களுக்கு doctor பட்டம்
கொடுக்கிறோம். ஆனால் பாருங்கள்
ஓஸ்க்கார் விருது வென்றவருக்கு நாங்கள்
இப்பொழுது தான் doctor பட்டம் கொடுக்குறோம்.
(நாய்க்கு இறைச்சி இருக்கும் போது
ஏலும்பை தூக்கிப் போட்ட மாதிரி)
இறந்த பின் கொடுக்காம இப்போதாவது கொடுத்தோமே
என்று பெருமைப் படுவோம்.!!!!!!!

ஆஹா மிகவும் அ௫மையான தகவல்