ஓட்ஸ் வெஜ் போரிட்ஜ்!

யுவா · யுவா Thu Jan 28, 2010 6:05 pm

ஒட்ஸை பாலில் கலந்து சாப்பிட்டு போரடிக்கும் போது இது போல் செய்து சாப்பிடலாம். ஒரு பவுல் ஓட்ஸ் வெஜ் போரிட்ஜோடு ஒரு கப் ஆரஞ்சு ஜூசும் குடித்தால் அது முழுமையான காலை உணவாக இருக்கும். இங்கு கொடுத்திருக்கும் அளவு ஒருவருக்கு சரியாக இருக்கும்.

தேவையானப் பொருட்கள்

• ஓட்ஸ் - 2 மேசைக்கரண்டி
• பொடியாக நறுக்கின கேரட் - ஒரு மேசைக்கரண்டி
• பொடியாக நறுக்கின பீன்ஸ் - ஒரு மேசைக்கரண்டி
• பொடியாக நறுக்கின முட்டை கோஸ் - ஒரு மேசைக்கரண்டி
• பொடியாக நறுக்கின இஞ்சி - 3/4 தேக்கரண்டி
• பொடியாக நறுக்கின பூண்டு - ஒரு தேக்கரண்டி
• பொடியாக நறுக்கின பச்சை மிளகாய் - கால் தேக்கரண்டி

(தேவைப்பட்டால்)

• வெஜ் ஸ்டாக் அல்லது சிக்கன் ஸ்டாக் பவுடர் - கால் தேக்கரண்டி
• எலுமிச்சை சாறு - கால் தேக்கரண்டி(தேவைப்பட்டால்)
• சர்க்கரை(சீனி) - கால் தேக்கரண்டி
• மிளகு தூள் - தேவையான அளவு
• உப்பு - தேவையான அளவு

செய்முறை

• காய்கறிகள், இஞ்சி, பூண்டு ஆகியவற்றை பொடியாக நறுக்கி எடுத்துக் கொள்ளவும்.
• சூப் செய்ய போகும் பாத்திரத்தில் 2 கப் தண்ணீர் எடுத்துக் கொண்டு அதில் இஞ்சி பூண்டு, பச்சை மிளகாய், வெஜ் அல்லது சிக்கன் ஸ்டாக் பவுடர், உப்பு, சர்க்கரை சேர்த்து கொதிக்க விடவும்.
• தண்ணீர் கொதி வந்ததும் கேரட், பீன்ஸ் சேர்த்து 2 அல்லது 3 நிமிடங்கள் வேக விடவும்.
• அதன் பின்னர் முட்டைகோஸ் சேர்த்து மேலும் 3 நிமிடங்கள் வேக வைக்கவும்.
• இந்த காய்கறி கலவையில் ஓட்ஸ் சேர்த்து 2 நிமிடங்கள் வேக விடவும்.
• சுவையான ஓட்ஸ் போரிட்ஜ் தயார். தேவையான அளவு எலுமிச்சை சாறு மற்றும் மிளகு தூள் தூவி சூடாக பரிமாறவும்.