புதுக்கவிதை

jeevakumar sumithira · jeevakumar sumithira Mon Jul 31, 2023 3:56 pm

சூரியகாந்தி
~~~~~~~~~
மஞ்சள் குளித்து
அவள் முகம் மினுக்கி
நல்ல மாயப் பொடிபூசி
நிற்கும் நிலை கண்டு
அந்தக்
கதிரவன் கண்களும்
காதல் கொண்டு
அவள் அழகை
இரசிக்க மறவாமல்
வருவானோ என்றும்!

ஏரா மகள் ஜீ.சுமி

jeevakumar sumithira · jeevakumar sumithira Mon Jul 31, 2023 3:59 pm

பொழுது புலரட்டும்.
~~~~~~~~~~~~~~~
வாழ்தலில் நிகழும்
வாழ்வியலும் கோட்பாடே
ஒவ்வொரு கோடையிலும்
காலா காலமாக
நிறைந்திருக்கும்
சினங்களுக்கும் மகிழ்விற்கும் இடையே
முகம் கொடுக்கிறேன்.

குவிந்திருக்கும்
குளிரை விரட்டியபடி
கோடை வந்து
கூடப் பயணித்தாலும்
எமது பொழுதுகள்
நம்மை மெருகேற்றியிருக்க
அவனிடம் அன்பாகவும்
சிலரிடம் வேண்டா
வெறுப்பாகவும் பேசுகிறேன்.

அன்பின் எளிமையும்
தனிமையும் குறித்து
எனக்கென்ன தெரியும்?
உனக்கென்ன தெரியும்?

நமக்கே அவை நன்கு புரியும்.
கிடைப்பதை பெருமனதோடு
அனுபவித்துக் கடப்போம்.
நாமும் அன்பால் பாவிகளே!

ஏரா மகள் ஜீ-சுமி