சருமத்தை மென்மையாக்கும் இயற்கை மாய்ஸ்சுரைசர்

பப்பாளியில் சருமத்தைப் பொலிவாக்கும் மூலக்கூறுகள் உள்ளன. சூரிய ஒளியால் ஏற்படும் தோல் அழற்சியை குணப்படுத்தும். பப்பாளியை தொடர்ந்து உபயோகித்து வந்தால் சரும வறட்சி நீங்கும்.

#மாய்ஸ்சுரைசர் சருமத்தின் ஈரப்பதத்தை தக்கவைத்து, பொலிவை அதிகரிக்க உதவும். ஒரு சில மாய்ஸ்சுரைசர்களில் இருக்கும் ரசாயனக் கலவைகள் சருமத்துக்கு பாதிப்பை ஏற்படுத்தக்கூடும். இதைத் தவிர்க்க, வீட்டில் இருக்கும் இயற்கையான பொருட்களையே மாய்ஸ்சுரைசராக பயன்படுத்தும் முறைகளைப் பற்றி தெரிந்துகொள்வோம்.

தேங்காய் எண்ணெய், தேன்:

தேங்காய் எண்ணெய்யில் இருக்கும் நிறைவுற்ற கொழுப்புகள், சருமத்துக்கு ஈரப்பதத்தைக் கொடுத்து அதை நீரேற்றத்துடன் வைத்திருக்க உதவும். முகப்பரு பிரச்சினையால் பாதிக்கப்பட்டவர்கள் இதை பயன்படுத்துவதைத் தவிர்க்கலாம். #தேன் சிறந்த மாய்ஸ்சுரைசராக செயல்படுகிறது. இதில் உள்ள பாக்டீரியா எதிர்ப்பு மற்றும் ஆன்டி செப்டிக் பண்புகள் முகப்பருக்களை குணமாக்கும்.

பயன்படுத்தும் முறை:

#தேங்காய்_எண்ணெய் மற்றும் தேன் இரண்டையும் சம அளவு எடுத்து நன்றாகக் கலந்து, முகம், கழுத்து மற்றும் கைகளில் தடவவும். 20 முதல் 30 நிமிடங்கள் கழித்து, வெதுவெதுப்பான தண்ணீரில் கழுவவும். தேங்காய் எண்ணெய்க்கு மாற்றாக, ஆலிவ் எண்ணெய்யையும் பயன்படுத்தலாம்.

பாலாடை, வாழைப்பழம்:

காய்ச்சி ஆறவைத்த பாலில் இருந்து உருவாகும் '#பாலாடை' (பிரஷ் கிரீம்) சிறந்த மாய்ஸ்சுரைசிங் பண்புகளைக் கொண்டுள்ளது. பழங்காலத்தில் இருந்தே பாலாடையை சரும பராமரிப்புக்காக பயன்படுத்தி வருகின்றனர். இதை வாழைப்பழத்துடன் கலந்து பயன்படுத்தும்போது, அதன் பலன் இரட்டிப்பாகும்.

பாலாடை மற்றும் #வாழைப்பழம் சேர்ந்த கலவை சருமத்துக்கு ஈரப்பதத்தை மட்டுமில்லாமல் தேவையான ஊட்டச்சத்துக்களையும் தருகிறது. கடுமையான குளிர் கால நாட்களில், சருமத்தை ஆரோக்கியமாக பராமரிப்பதற்கும் இது உதவும்.

பயன்படுத்தும் முறை:

பழுத்த வாழைப்பழத்தை நன்றாக மசித்து, பிசைந்து கொள்ளவும். அதனுடன் ஒரு டேபிள் ஸ்பூன் அளவு பாலாடையை சேர்க்கவும். இதை மிருதுவான பசை போல கலந்து முகத்தில் தடவவும். 20 நிமிடங்கள் கழித்து, வெதுவெதுப்பான தண்ணீரில் சுத்தமான துணியை நனைத்து முகத்தை துடைக்கவும். வாழைப்பழத்தை சேர்க்க விரும்பாதவர்கள், பாலாடையை மட்டும் பயன்படுத்தலாம்.

பப்பாளி டோனர்:

பப்பாளியில் சருமத்தைப் பொலிவாக்கும் மூலக்கூறுகள் உள்ளன. இதில் உள்ள ஊட்டச்சத்துக்கள், சருமத்தை ஆரோக்கியமாகவும், பளபளப்பாகவும் பராமரிக்க உதவும். பப்பாளி, சூரிய ஒளியால் ஏற்படும் தோல் அழற்சியை குணப்படுத்தும். பப்பாளியை தொடர்ந்து உபயோகித்து வந்தால் சரும வறட்சி நீங்கும்.

பயன்படுத்தும் முறை:

ஒரு பப்பாளிப் பழத்துண்டை பொடிதாக நறுக்கவும். பின்னர் அதை மிக்சியில் போட்டு கூழாக அரைக்கவும். முகத்தை நன்றாக சுத்தம் செய்த பின்பு, பப்பாளி கூழை பஞ்சில் நனைத்து முகம், கழுத்து ஆகிய பகுதிகளில் தடவவும்.

இவற்றை தவிர ஆலிவ் எண்ணெய், ஷியா வெண்ணெய், கற்றாழை ஜெல், அவகேடோ பழம், சூரியகாந்தி எண்ணெய், பாதாம் எண்ணெய், வெள்ளரி காய், மோர், தயிர், விளக்கெண்ணெய், ரோஜாவில் இருந்து தயாரிக்கப்பட்ட பன்னீர் ஆகியவற்றையும் மாய்ஸ்சுரைசர்களாக உபயோகிக்கலாம்.

பல்வேறு  சருமப் பராமரிப்புக்கான அழகுசாதன தயாரிப்புகளில், முக்கிய உட்பொருளாக ஆக்டிவேட்டட் சார்கோல்  (கரி) சேர்க்கப்படுகிறது.  இந்த ஆக்டிவேட்டட்  சார்க்கோல்  என்பது  கரித்துண்டுகளை  மிருதுவான பொடியாக்கி, அதனுடன்  ஒரு பங்கு கால்சியம் குளோரைடை சேர்த்து, அதனுடன் மூன்று பங்கு தண்ணீர்  கலந்து, விழுதாக்கி, அந்த விழுதை உலரவிட்டு, அது காய்ந்தவுடன், சுத்தமான தண்ணீரால் அலசி, ஓவனில் 225 டிகிரி வெப்பத்தில்  30 நிமிடங்கள் வேகவைத்து எடுப்பதே  ஆக்டிவேட்டட் சார்க்கோல் ஆகும்.  இந்த  ஆக்டிவேட்டட் சார்க்கோல் தற்போது  பல்வேறு பிராண்ட்களில் ஒரு  அழகு சாதனப்  பொருளாக கிடைக்கிறது. இதனை வாங்கி நாம் நேரடியாக பயன்படுத்தலாம்.

சார்க்கோல்  ஃபேஸ் மாஸ்க் பயன்படுத்துவதால்  கிடைக்கும் நன்மைகள்:

சுற்றுச்சூழல் மாசு, சூரிய ஒளி, புற ஊதாக் கதிர்கள், வானிலை மாற்றம், உணவுப் பழக்கம், மன அழுத்தம், உறக்கமின்மை, அழகுக்காக  முகத்தில் பூசும் வேதிப்பொருட்கள் என்று பலவும் நாளடைவில்  முக அழகை கெடுக்கிறது.  அதிலிருந்து முகத்தை பாதுகாத்து  சருமத்தில் இருக்கும் நச்சுப்பொருட்கள்,  அழுக்கு, எண்ணெய்ப் பிசுக்கு போன்றவற்றை உறிஞ்சி விடுகிறது. இந்த நச்சுப்பொருட்கள், சருமத்தில் இருந்து அகற்றப்படும்போது, சருமம் பளபளப்பாக, பளிச்சென்று மாறி விடும். மேலும், இளம் வயதில்  ஏற்படும் முதிர்ச்சியையும்  இது தடுக்க உதவுகிறது. இதனால் சருமம் இளமையான தோற்றத்தில் காணப்படும்.

சார்க்கோல் ஃபேஸ் மாஸ்க்   முகத்தில் உள்ள  தேவைக்கதிகமான எண்ணெய்ப் பிசுக்கை உறிஞ்சிவிடுவதால்,  முகத்தில் பருக்களால் ஏற்பட்ட துவாரங்களையும் குறைத்து முகத்தைப்  பொலிவாக்குகிறது. சார்க்கோல் ஃபேஸ் மாஸ்குகளின் முக்கியமான பலன்களில் ஒன்று, அவை சிறந்த ஆன்டிபாக்டீரியல் பண்புகள் கொண்டவை. அவை சிறந்த ஆன்டிமைக்ரோபியல் பொருளாகவும் செயல்படக்கூடியவை என்பதே.

இதன் பொருள், சருமத்தில் ஏதேனும் நோய்த்தொற்றுகள், பாக்டீரியா அல்லது கிருமிகள் இருந்தால் அவையும் சார்கோல் ஃபேஸ் மாஸ்கைப் பயன்படுத்தும்போது அழிக்கப்படும். முகத்தில் ஏதேனும் தடிப்புகள் இருந்தால் அல்லது பூச்சிக் கடி இருந்தால், ஆக்டிவேட்டட் சார்க்கோல் ஃபேஸ்மாஸ்க் மட்டுமே அவற்றை சரிசெய்ய பல நேரங்களில் போதுமானதாக இருக்கும்.சார்க்கோல்  ஃபேஸ்மாஸ்க்கை வாரத்தில்,  இரண்டுமுறை பயன்படுத்தலாம். ஆனால், வறண்ட அல்லது செதில்களாக உதிரும் சருமம் இருப்பவர்கள், இதனை  அடிக்கடி பயன்படுத்தக்கூடாது.