யார் இந்த நீல் மோகன்?

**T.N.Balasubramanian** · **T.N.Balasubramanian** Sat Feb 18, 2023 12:57 pm

Neal Mohan: யார் இந்த நீல் மோகன்? YouTubeன் புதிய CEO பொறுப்பேற்ற அமெரிக்க வாழ் இந்தியர்!

உலகம் முழுவதும் உள்ள முக்கியமான பெரு நிறுவனங்களின் தலைமை பொறுப்புகளில் இந்தியர்கள் சாதித்து வருகின்றனர். அதில் முதலும் முக்கியமானவருமான கூகுள் சிஇஓ சுந்தர்பிச்சை மற்றும் ரிஷி சுனக் போன்றவர்களை சொல்லலாம். அந்த வரிசையில் தற்போது Youtube நிறுவனத்தின் சிஇஓவாக பொறுப்பேற்றிருக்கிறார் இந்திய அமெரிக்கரான நீல் மோகன்.

கூகுள் நிறுவனத்தில் 25 வருடங்களுக்கும் மேலாக பணியாற்றி 9 வருடங்களாக Youtube சிஇஓவாக இருந்து அதன் பெரும் வளர்ச்சிக்கு காரணமாக இருந்த Susan Wojcicki அந்த பொறுப்பிலிருந்து விலகியதை அடுத்து யூடியூப் நிறுவனத்தின் புதிய சிஇஓவாக பதவியேற்றுள்ளார் இந்திய அமெரிக்கரான நீல் மோகன். யார் இந்த நீல் மோகன்? அவரின் கூகுள் பயணம் குறித்து இந்த கட்டுரையில் பார்க்கலாம்.
யார் இந்த நீல் மோகன்?

16.2.2023 அன்று Youtube நிறுவனத்தின் புதிய தலைமை செயல் அதிகாரியாக பொறுப்பேற்றுள்ள நீல் மோகன் 1976ம் ஆண்டு இந்தியாவில் உள்ள லக்னோவில் இந்திய குடும்பத்தில் பிறந்தவர். தனது இளங்கலை எலெக்ட்ரிக்கல் இன்ஜினியரிங் பட்டப்படிப்பை Stanford கல்லூரியில் முடித்த மோகன், ஸ்டான்ஃபோர்ட் ஸ்கூல் ஆஃப் பிஸ்னஸில் தனது எம்பிஏ பட்டப்படிப்பை முடித்தவர்.

தற்போது அதே கல்வி நிறுவனத்தில் பல்வேறு துறைகளில் உறுப்பினராகவும் இருந்து வருகிறார் முதன் முதலில் Accenture நிறுவனத்தில் இணைந்த நீல் மோகன் தற்போது உலகின் முக்கியமான பதவியான Youtube நிறுவனத்தின் CEO வரை வளர்ந்துள்ளார்.

நீல் மோகனின் அபார வளர்ச்சி!

ஆரம்ப காலகட்டங்களில் 1996ம் ஆண்டு Accenture நிறுவனத்தில் பணியாற்றிய நீல் மோகன் அதற்கு பின் 1997ம் ஆண்டு ஒரு ஸ்டார்ட்அப் நிறுவனமான NetGravity என்ற நிறுவனத்தில் பணியாற்றியுள்ளார். பிறகு DoubleClick என்ற நிறுவனத்தில் நீண்ட காலமாக பணியாற்றிய இவரின் செயல்பாடுகள் இவரது வாழ்க்கையின் திருப்புமுனைகளில் ஒன்று என்றே சொல்லலாம்.

அதன் பிறகே அந்த நிறுவனத்தை கூகுள் சொந்தமாக்கி கொண்ட பிறகு 2008 முதல் இன்று வரை கூகுள் நிறுவனத்தின் முக்கிய பொறுப்புகளில் செயல்பட்டு வருகிறார் நீல் மோகன். கூகுள் மற்றும் யூடியூப்நிறுவனத்தில் தற்போது செயல்பாட்டில் உள்ள பல்வேறு ஐடியாக்கள் இவருடையதுதான்.

குறிப்பாக 2015க்கு பிறகு வீடியோ தளங்களின் பெருக்கத்தால் யூடியூப் சந்தித்த சவாலான சூழலை தனது கிரியேட்டிவ் ஐடியாக்கள் மூலம் வென்றெடுத்து தற்போது அந்நிறுவனத்தின் வெற்றிக்கு முக்கிய காரணமாக இருக்கிறார் நீல். இதன் காரணமாகவே தற்போது அதே Youtube நிறுவனத்தின் CEO-வாகவும் பதவி உயர்த்தப் பட்டுள்ளார் இவர்.

Youtube-ல் புதிய ஐடியாக்கள்

தற்போது யூடியூபில் செயல்பாட்டில் உள்ள Youtube Tv , Youtube Music , Premium , Youtube Shorts, Super Thanks உள்ளிட்ட பல்வேறு ஐடியாக்களை லான்ச் செய்வதில் முக்கியமான பங்காற்றியவர் நீல் மோகன். குறிப்பாக யூடியூபில் கன்டென்ட் க்ரியேட்டர்களுக்கு அவர்களின் பார்வையாளர்களை அதிகப்படுத்துவதற்கான அனாலிட்டிக்ஸ் வசதி, மானிட்டைசேஷன் உள்ளிட்டவற்றை அமல்படுத்தியதில் முக்கிய பங்கு இவருடையதே.

2015ம் ஆண்டு யூடியூப் நிறுவனத்தின் மூத்த ப்ராடக்ட் அதிகாரியாக உயர்த்தப்பட்ட நீல் மோகன் தற்போது அதே நிறுவனத்தின் தலைமை செயல் அதிகாரியாக பணி உயர்த்தப்பட்டுள்ளார்.

நீல் மோகன் சொத்து மதிப்பு!

Neel Mohan Net Worth : தகவல்களின்படி, Youtube புதிய CEO நீல் மோகனின் நெட் ஒர்த் 350 மில்லியன் டாலர் ஆகும். தற்போது ஏற்றிருக்கும் புதிய பொறுப்பின் அடிப்படையில் சம்பளமும் கூடுவதால் அவரின் மதிப்பும் கூடும் என்று எதிர்பார்க்கப்படுகிறது.
வெளிநாடுகளில் சாதித்த இந்திய வம்சாவளியினர்!

கூகுள் உள்ளிட்ட பல்வேறு வெளிநாட்டு நிறுவனங்களில் இந்திய வம்சாவளியை சேர்ந்த பல்வேறு தலைமை செயல் அதிகாரிகள் குறிப்பிடத்தக்க சாதனைகளை படைத்துள்ளனர்.

குறிப்பாக கூகுள் CEO சுந்தர் பிச்சை, Microsoft சிஇஓ சத்யா நாதெள்ளா, பெப்சிகோ சிஇஓ இந்திராணி நூயி, அடோப் சிஇஓ சாந்தனு நாராயண் உள்ளிட்டோர் இந்த லிஸ்டில் முக்கியமானவர்கள். அதே போல், பிரிட்டன் பிரதமர் ரிஷி சுனக் உள்ளிட்ட அரசியல் ரீதியாக முக்கியமான பதவிகளில் சாதித்து வருபவர்களும் உள்ளனர் என்பதும் குறிப்பிடத்தக்கது.

நன்றி சமயம்

யார் இந்த நீல் மோகன்?