பாலாவுக்கு தேசிய விருது..

**Tamilzhan** · **Tamilzhan** Sat Jan 23, 2010 5:41 pm

பாலுமகேந்திராவிடம் பட்டறையில் பட்டைதீட்டிக்கொண்ட பாலா விக்ரம் நடித்த சேது படத்தை இயக்கினார். இப்படத்தின் மூலம் விக்ரம் முன்னணி நட்சத்திரமானார். தமிழ் சினிமா வரலாற்றில் தனி பிடித்தது சேது.

இதையடுத்து சூர்யாவை வைத்து நந்தா படத்தை இயக்கினார் பாலா. இப்படத்தின் டைட்டில் கார்டு போடும்போது இயக்குநர் பாலா என்று வரும் போது ரசிகர்கள் பலத்த கரவொளி எழுப்பினர். இது இயக்குநர்களில் யாருக்குமே இந்த அளவிற்கு கிடைக்காத கரவொலி. இயக்குநர் பார்த்திபனே இதை வெளிப்படையாக ஒத்துக்கொண்டார்.

பின்னர் இவர் விக்ரம்-சூர்யா இருவரையும் வைத்து பிதாமகன் படத்தை இயக்கினார். இப்படத்தில் நடித்ததற்காக விக்ரமுக்கு தேசிய விருது கிடைத்தது.

நீண்ட இடைவெளிக்கு பின் நான்காவது படைப்பாக கமல், அஜீத் நடிப்பதாக இருந்து பின்பு அந்த முயற்சி கைவிடப்பட்டு ஆர்யா நடிப்பில் நான் கடவுள் படத்தை இயக்கினார்.

இப்படைத்தை இயக்கியதற்காக 2008 ம் ஆண்டுக்கான சிறந்த இயக்குநர் தேசிய விருது அறிவிக்கப்பட்டுள்ளது.
நான் கடவுள் படத்திற்கு எழுத்தாளர் ஜெயமோகன் வசனம் எழுதியிருந்தார். இசைஞானி இளையராஜா இசையமைத்திருந்தார்.
இப்படத்தில் ஆர்யா- பூஜா இருவரும் சிறப்பாக நடித்திருந்தனர். இவ்விருவருக்கும் தேசிய விருது கிடைக்கும் என்று எதிர்பார்க்கப்பட்டது. அதிலும் பூஜாவுக்கு விருது கிடைத்தே தீரும் என்று நாயகன் ஆர்யாவே சொல்லி வந்தார். ஆனால் அவருக்கு விருது கிடைக்காதது தமிழ் சினிமாவில் பலருக்கும் வருத்தமே.