முதியோர் இல்லத்திற்கு யார் காரணம்? விடை தருகிறது 'பஞ்சவடி' நாடகம்!

**ayyasamy ram** · **ayyasamy ram** Fri Jun 03, 2022 4:44 am

-

சென்னை:
முதியோர் இல்லங்கள் குறைய வேண்டுமென்றால், குடும்பத்தில்
யார் அதிக பொறுப்புடன் நடந்து கொள்ள வேண்டும் என்பதை,
'பஞ்சவடி' நாடகம் அருமையாக எடுத்துரைத்தது.

மயிலாப்பூர், பாரதிய வித்யாபவன் மற்றும் காவேரி மருத்துவமனை
இணைந்து நடத்தும், 'பவன் தமிழ் நாடக விழா'வில், நேற்று முன்தினம்
'பி.எம்.ஜி.மயூரப்பிரியா' குழுவின் சார்பில், பி.முத்துக்குமரன் எழுதி
இயக்கி, நடித்த, 'பஞ்சவடி' நாடகம் அரங்கேற்றப்பட்டது.

முதியோர் இல்லத்தை மையப்படுத்திய இந்நாடகத்தின் ஒவ்வொரு
காட்சியும் காமெடிக்கு குறைவின்றி இருந்ததுடன், வாழைப்பழத்தில்
ஊசி ஏற்றுவது போல், சொல்ல வந்த கருத்தையும் அழகாக
சொல்லியிருந்தனர்.

நாடகத்தை தயாரித்ததோடு ஆத்மநாதன் என்ற பாத்திரத்தில் நடித்த
கணபதி சங்கரும், ஜீவானந்தமாக நடித்த ஸ்ரீராமன் ஜோடி இன்னொரு
கவுண்டமணி - செந்தில் என்றே சொல்லலாம். சவுந்தர்யா பாத்திரத்தில்
அனுசுரேஷ்; ரவி பாத்திரத்தில் சாய் பிரசாத் ஸ்ரீராம்; ஹேமா பாத்திரத்தில்
ஆர்த்தி ஸ்ரீராம் உள்ளிட்டோர் கச்சிதம்.

முதியோர் இல்லம் உருவாகக் காரணம், பெற்றோர் - பிள்ளைகள்
இடையிலான உறவு உள்ளிட்டவற்றை கச்சிதமாக எடுத்துக் காட்டியது
இந்த நாடகம். சைதை குமார், சண்முகம் அமைத்த பஞ்சவடி
'செட்' பார்வையாளர்களை கதைக்குள் மூழ்கடித்ததில் முக்கிய
பங்காற்றியது.

தினமலர்

**T.N.Balasubramanian** · **T.N.Balasubramanian** Fri Jun 03, 2022 7:41 am

விமரிசனத்தைப் பார்த்தால், நிச்சயமாக பார்க்கவேண்டிய நாடகம் போல் தோன்றுகிறது.

தற்காலத்து கொடிய நோய் முதியோர் இல்லத்தில் பெற்றோர்களை விடுவதுதான்.

இந்த பதிவைத் துவங்கியவர் நன்றி கூறியுள்ளார் T.N.Balasubramanian

முதியோர் இல்லத்திற்கு யார் காரணம்? விடை தருகிறது 'பஞ்சவடி' நாடகம்!

முதியோர் இல்லத்திற்கு யார் காரணம்? விடை தருகிறது 'பஞ்சவடி' நாடகம்!

Re: முதியோர் இல்லத்திற்கு யார் காரணம்? விடை தருகிறது 'பஞ்சவடி' நாடகம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக