சித்ரா பௌர்ணமி சிறப்புகள்: பொருளும் அருளும் வழங்கும் சித்ர குப்த வழிபாடு!

**ayyasamy ram** · **ayyasamy ram** Tue Apr 12, 2022 8:03 pm

-
தமிழர்களின் மாதம் சூரியனை அடிப்படையாகக் கொண்டது.
சூரியபகவான் ராசி மண்டலத்தின் முதல் ராசியான மேஷ ராசியில்
சஞ்சரிக்கும் காலமே முதல் மாதம். என்றாலும் மாதங்களின் பெயர்கள்
பெரும்பாலும் சந்திரனை அடிப்படையாகக் கொண்டவை.

எந்த நட்சத்திர நாளில் பௌர்ணமி வருகிறதோ அந்த நட்சத்திரத்தின்
பெயரே பெரும்பாலும் அந்த மாதத்தின் பெயராக இருக்கும். குறிப்பாக
முதல் மாதத்தில் பௌர்ணமி வரும் நட்சத்திரம் சித்திரை.
ஆதலால் அந்த மாதம் சித்திரை எனப்பட்டது.

நிலாக்காலங்கள் எல்லாம் விழாக்காலங்களாகக் கொண்ட தமிழர்கள்,
சித்ரா பௌர்ணமியைக் கொண்டாடினார்கள். திருச்சி மலைக்கோட்டை
கோயிலில் ராசராச சோழனின் பத்தாம் ஆண்டுக் கல்வெட்டில் சித்ரா
பௌர்ணமிக்கு நிவந்தம் கொடுத்த குறிப்பு உள்ளது.

இதன் மூலம் தமிழர்கள் தொன்றுதொட்டு சித்ரா பௌர்ணமி வழிபாட்டை
மேற்கொண்டு வருகிறார்கள் என்பதை அறியமுடியும்.

சூரியனின் மறைவும் சந்திரனின் உதயமும் பெரும்பாலும் ஒரே நேரத்தில்
நிகழும் நாள் இது. அதனால் அந்த எழிலைக்காணவே பலரும்
கன்னியாகுமரிக்குச் செல்வது உண்டு. இந்த நாளில்தான் அழகர் ஆற்றில்
இறங்குவார்.

மக்கள் வைகையின் நதிக்கரை ஓரங்களில் எல்லாம் விழாக்
கொண்டாடுவார்கள். சித்ரா பௌர்ணமியன்று மதுரை கள்ளழகர்
வைகையாற்றில் இறங்கி மண்டுக மகரிஷிக்கு அருள் புரியும் வைபவம்
நடக்கிறது.

சித்ராபௌர்ணமி நாளில் காஞ்சிபுரம் ஸ்ரீவரதராகப் பெருமாள் ‘நடவாவி’
என்னும் கிணற்றுக்குள் எழுந்தருள்வார்.

ஸ்ரீராமாநுஜருக்கு வரதராஜப் பெருமாள் காட்சி அளித்து அருள்பாலித்த
வைபவத்தைக் கொண்டாடும்விதமாக இந்தத் திருவிழா நடந்து வருகிறது.

-சைலபதி- விகடன்

சித்ரா பௌர்ணமி சிறப்புகள்: பொருளும் அருளும் வழங்கும் சித்ர குப்த வழிபாடு!

சித்ரா பௌர்ணமி சிறப்புகள்: பொருளும் அருளும் வழங்கும் சித்ர குப்த வழிபாடு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக