உள்ளாட்சித் தேர்தல் முடிவுகள் - தொடர் பதிவு

**ayyasamy ram** · **ayyasamy ram** Tue 22 Feb 2022 - 14:49

22 வயது பட்டதாரி வெற்றி; சுயேட்சையாக போட்டியிட்டவரை தேர்வு செய்த மக்கள்

-

உள்ளாட்சித் தேர்தல் முடிவுகள் - தொடர் பதிவு FMLM7mIaQAEFan2

-
திருச்சி துவாக்குடி நகராட்சி வார்டு எண் 5-ல் சினேகா என்ற
பட்டதாரி சுயேட்சையாக போட்டியிட்டார். 494 வாக்குகள் பெற்று
சினேகா அந்த வார்டில் வெற்றி பெற்றுள்ளதாக அறிவிக்கப்பட்டுள்ளது.
பி.இ. பட்டதாரியான அவருக்கு வயது 22 மட்டுமே.
-
-இந்தியன் எக்ஸ்பிரஸ்

**ayyasamy ram** · **ayyasamy ram** Tue 22 Feb 2022 - 16:27

உள்ளாட்சித் தேர்தல் முடிவுகள் - தொடர் பதிவு 7iRdjwy

**T.N.Balasubramanian** · **T.N.Balasubramanian** Tue 22 Feb 2022 - 16:51

நம் மக்கள் விவரமான ஆட்கள்தான்.
யாருக்கு போட்டால் சிறிதளவாவது பலன்
கிடைக்கும் என விவரம் அறிந்தவர்கள் சிரி

**Dr.S.Soundarapandian** · **Dr.S.Soundarapandian** Tue 22 Feb 2022 - 19:26

வாழ்த்துகள் சினேகா! சூப்பருங்க

பணமூட்டைக் கட்சிகள் பக்கம் சாய்ந்துவிடாதீர்கள்!

**ayyasamy ram** · **ayyasamy ram** Tue 22 Feb 2022 - 19:40

தேர்தல் முடிவுகளில் கோபிசெட்டிபாளையம் நகராட்சியில்
மொத்தமுள்ள 30 வார்டுகளில், தி.மு.க 14 வார்டுகளிலும்,
அதன் கூட்டணிக் கட்சியான காங்கிரஸ் 2 வார்டுகளிலும்
வெற்றி பெற்றதன் மூலம், கோபி நகராட்சி தி.மு.க வசமாகியுள்ளது.

அ.தி.மு.க, 13 வார்டுகளிலும், சுயேச்சை ஒரு வார்டிலும் இங்கு
வெற்றி பெற்றுள்ளனர். இதன்மூலம் தி.மு.க., கூட்டணி கோபி
நகராட்சியைக் கைப்பற்றியுள்ளது.

செங்கோட்டையனின் கோட்டையான கோபி நகராட்சியில்
தொடர்ந்து 3 முறை தலைவர் பதவியை அ.தி.மு.க கைப்பற்றியிருந்த
நிலையில், இம்முறை தி.மு.க கூட்டணி வெற்றி பெற்றுள்ளதோடு,
செங்கோட்டையனின் கோட்டையில் பெரும் விரிசலையும்
ஏற்படுத்தியிருக்கிறது.
-
-விகடன்

**ayyasamy ram** · **ayyasamy ram** Wed 23 Feb 2022 - 0:12

சிங்கம் சிங்கிளாகத்தான் வரும்! உமா ஆனந்தன்

-
நகர்ப்புற உள்ளாட்சித் தேர்தலில் சென்னை மாநகராட்சியின்
பெரும்பாலான வார்டுகளில் திமுக., வெற்றி பெற்றுள்ள நிலையில்
134வது வார்டில் மட்டும் பாஜக., வேட்பாளரான உமா ஆனந்தன் வெற்றி
பெற்றார்.

அதிமுக., கூட்டணியில் இருந்து விலகி தனித்து போட்டியிட்ட பாஜக.,
கணிசமான வெற்றியை இந்த தேர்தலில் பதிவு செய்துள்ளது.
குறிப்பாக., சென்னை மாநகராட்சித் தேர்தலில் 134வது வார்டில்
போட்டியிட்ட பாஜக., வேட்பாளர் உமா ஆனந்தன் வெற்றி பெற்றுள்ளார்.

தன்னை எதிர்த்து போட்டியிட்ட காங்கிரஸ் வேட்பாளரை விட
2 ஆயிரம் வாக்குகளை அவர் கூடுதலாக பெற்றுள்ளார்.

தேர்தல் வெற்றி தொடர்பாக செய்தியாளர்களிடம் பேசிய உமா ஆனந்தன்,
சிங்கம், சிங்கிளாகதான் வரும், வாஜ்பாய், அத்வானி மக்களவையில்
எப்படி தொடங்கினார்கள்? இப்படி எப்படி இருக்கிறோம் என்று கூறினார்.
-
-குமுதம்

**ayyasamy ram** · **ayyasamy ram** Wed 23 Feb 2022 - 8:20

புதிதாக தொடங்கப்பட்ட ஆவடி மாநகராட்சியில் 35 வார்டுகளை கைப்பற்றி
திமுக அமோக வெற்றி: அதிமுக 4 வார்டுகளை கைப்பற்றி படுதோல்வி

ஆவடி:
புதிதாக தொடங்கப்பட்ட ஆவடி மாநகராட்சியில் 35 வார்டுகளை
கைப்பற்றி திமுக அமோக வெற்றி பெற்றது. அதிமுக 4 வார்டுகளை ம
ட்டுமே கைப்பற்றி படுதோல்வியை சந்தித்தது.

ஆவடி மாநகராட்சியில் 48 வார்டுகள் உள்ளன.
இதில் திமுக சார்பில் 38 வார்டுகளிலும், காங். மதிமுக தலா 3 வார்டுகளிலும்
விசிக 2 வார்டுகளிலும், சிபிஐ, சிபிஎம் தலா ஒரு வார்டுகளிலும் போட்டியிட்டது.

மேலும் அதிமுக சார்பில் 46 வார்டுகளிலும், புரட்சி பாரதம் சார்பில்
2 வார்டுகளிலும் போட்டியிட்டது. இந்த வாக்கு எண்ணிக்கை பட்டாபிராம்
இந்து கல்லூரியில் நேற்று நடைபெற்றது.

இதில் திமுக 35 வார்டுகளில் அமோக வெற்றிபெற்றது.
மேலும், இதன் கூட்டணி கட்சிகளான காங்கிரஸ், மதிமுக தலா
3 வார்டுகளிலும், சிபிஎம், விசிக தலா ஒரு வார்டிலும், அதிமுக
4 வார்டிலும், சுயேச்சை ஒரு வார்டிலும் வெற்றிபெற்றது.
-
தினகரன்

**ayyasamy ram** · **ayyasamy ram** Wed 23 Feb 2022 - 13:45

21 மாநகராட்சிகளையும் தி.மு.க கைப்பற்றியது

-

உள்ளாட்சித் தேர்தல் முடிவுகள் - தொடர் பதிவு QFHGo2j

-
தினமணி

**T.N.Balasubramanian** · **T.N.Balasubramanian** Wed 23 Feb 2022 - 13:55

Code:: அதிமுக., கூட்டணியில் இருந்து விலகி தனித்து போட்டியிட்ட பாஜக., கணிசமான வெற்றியை இந்த தேர்தலில் பதிவு செய்துள்ளது. குறிப்பாக., சென்னை மாநகராட்சித் தேர்தலில் 134வது வார்டில் போட்டியிட்ட பாஜக., வேட்பாளர் உமா ஆனந்தன் வெற்றி பெற்றுள்ளார். தன்னை எதிர்த்து போட்டியிட்ட காங்கிரஸ் வேட்பாளரை விட 2 ஆயிரம் வாக்குகளை அவர் கூடுதலாக பெற்றுள்ளார். தேர்தல் வெற்றி தொடர்பாக செய்தியாளர்களிடம் பேசிய உமா ஆனந்தன், சிங்கம், சிங்கிளாகதான் வரும், வாஜ்பாய், அத்வானி மக்களவையில் எப்படி தொடங்கினார்கள்? இப்படி எப்படி இருக்கிறோம் என்று கூறினார். -

பெண் சிங்கம். அன்பு மலர்