தந்தை பாடிய தாலாட்டு

இவ்வளவு நேரமா அங்கே என்ன பண்ணிகிட்டிருந்தே? தொட்டி ல்லே குழந்தை கத்தறது காதுலே விழலையா?
சமையல் லேட்டானா குழந்தையை விடப் பலமா நீங்க கத்துவீங்க. அதனாலே முதல்லே அந்த வேலையை முடிச்சேன். ஆமாம்.. நீங்களாவது குழந்தையோட அழுகையை நிறுத்தறதுக்கு ஏதாவது செய்யக்கூடாதா?

என்னென்னவோ செஞ்சிதான் பார்த்தேன். எதுவும் சரியா வரலே. இப்ப உன்னைப்பார்த்துமே குழந்தை அழுகையை நிறுத்திப்புட்டுதே!

நான் வீட்டுலே இல்லாத சமயத்துல குழந்தை அழுதா அதை நிறுத்தறதுக்கு ஒரு வழிசொல்றேன். கேட்டுக்கறீங்களா?

சொல்லு.. சொல்லு.. அது ரொம்ப அவசியம்...!

குழந்தை அழற சமயத்துலே அதை ஒரு டேப் ரிகார்டர்லே பதிவு பண்ணி வச்சிக்கணும். அது மறுபடியும் எப்பவாவது அழுதா? ஏற்க னவே பதிவு பண்ணி வச்சிருக்கிற அதோட அழுகைச் சத்தத்தை அதுகிட்டே போட்டுக்காட்டணும்...!

காட்டினா?

அது கப் சிப்புன்னு அழுகையை நிறுத்திப்புடும்.

நிஜமாவா?

ஆமாம்! சில மனோதத்துவ நிபுணர்கள் சோதனைகள் பண்ணிப் பார்த்துட்டு சொல்ற யோசனை இது!

சுலபமான யோசனையா தெரியுதே?

அதே மாதிரி ஒரு மருந்து பாட்டிலைக் குழந்தைத் தொடப்படாதுன்னு நினைச்சீங்கன்னா.. அந்த பாட்டில் மேலே ஒரு அழற குழந்தைப் படத்தை ஒட்டி வைங்க..! அதைப் பார்த்துட்டா குழந்தைகள் அதைத் தொடறதுக்குத் தயங்க ஆரம்பிச்சுடும். ஆஸ்திரேலியாவுலே உள்ள மருத்துவ ஆராய்ச்சியாளர்கள் இதைச் சொல்றாங்க!

பரவாயில்லே! இனிமே நீ தைரியமா குழந்தையை என்கிட்டே விட்டுட்டு கோயிலுக்கோ- மார்க்கெட்டுக்கோ போகலாம். குழந்தையை அழாமே நான் பார்த்துக்குவேன்!

இனிமே பார்த்துக்கறது இருக்கட்டும். இப்ப நம்ம குழந்தையை கொஞ்ச நேரம் அழாமே பார்த்துக்கறதுக்கு உங்களாலே முடியலையே!

நானும் என்னென்னவோ செஞ்சு பார்த்துட்டேன். நீ செய்யறதை யெல்லாம்கூட செஞ்சேனே!.

தாலாட்டுப்பாடி பாக்கறதுதானே!

பார்த்தேனே?..!

என்ன ஆச்சு?

அதுக்கப்புறம்தானே குழந்தை அழவே ஆரம்பிச்சுது!