தேர்தல் களம் ( தொடர் பதிவு)

**ayyasamy ram** · **ayyasamy ram** Sat Feb 27, 2021 8:52 am

அ.ம.மு.க.,வில் விருப்ப மனு மார்ச், 3 முதல் வினியோகம்

சென்னை:’
தமிழகம் மற்றும் புதுச்சேரி சட்டசபை தேர்தலில்,
அ.ம.மு.க., சார்பில் போட்டியிட, மார்ச், 3 முதல் விருப்ப
மனுக்கள் வினியோகிக்கப்படும்’ என, அ.ம.மு.க.,
பொதுச்செயலர் தினகரன்அறிவித்துள்ளார்.

அவரது அறிக்கை:

தமிழகம் மற்றும் புதுச்சேரி சட்டசபை தேர்தலில், அ.ம.மு.க.,
சார்பில் போட்டியிட விரும்புவோர், கட்சி அலுவலகத்தில்,
விருப்ப மனு அளிக்க வேண்டும்.

மார்ச், 3 முதல், 10 வரை, தினமும் காலை, 10:00 முதல்,
மாலை, 6:00 மணி வரை, சென்னை ராயப்பேட்டையில்
உள்ள, கட்சி தலைமை அலுவலகத்தில், விருப்ப மனு
வினியோகிக்கப் படும்.

தமிழகத்திற்கு, 10 ஆயிரம்; புதுச்சேரிக்கு, 5,000 ரூபாய்
கட்டணம் செலுத்தி, விருப்ப மனு பெற்று, அதை பூர்த்தி
செய்து ஒப்படைக்கவேண்டும்.

இவ்வாறு, தினகரன் தெரிவித்துள்ளார்.
-
-நமதுநாடு

**ayyasamy ram** · **ayyasamy ram** Sat Feb 27, 2021 10:54 am

தொகுதி பங்கீடு தொடர்பாக அதிமுக-பாஜக இடையே பேச்சுவார்த்தை தொடங்கியது
-
தமிழக சட்டப்பேரவை தேர்தல் தொகுதி பங்கீடு தொடர்பாக
அதிமுக-பாஜக இடையே பேச்சுவார்த்தை தொடங்கி உள்ளது.

சென்னை பசுமை வழிச்சாலையில் உள்ள தமிழக முதலமைச்சர்
பழனிசாமியில் இல்லத்தில், தமிழக பாஜக மாநில தலைவர்
எ.முருகன், மத்திய அமைச்சர் கிஷன் ரெட்டி ஆகியோர்
ஆலோசனையில் ஈடுபட்டுள்ளனர்.

இதனையடுத்து துணை முதலமைச்சர் ஓ.பன்னீர் செல்வத்திடம்
பேச்சுவார்த்தை நடத்த இருப்பதாகவும் தகவல்கள் வெளியாகி
உள்ளது

தினத்தந்தி

**ayyasamy ram** · **ayyasamy ram** Sat Feb 27, 2021 11:02 am

தி.மு.க. மாநில மாநாடு ஒத்திவைப்பு - துரைமுருகன் அறிவிப்பு

தி.மு.க. பொதுச்செயலாளர் துரைமுருகன் வெளியிட்ட
அறிக்கையில் கூறியிருப்பதாவது:-

தலைமைத் தேர்தல் ஆணையத்தால் தமிழ்நாடு-புதுச்சேரி
சட்டமன்ற தேர்தலுக்கான தேதி அறிவிக்கப்பட்டுள்ளது.

இதனால் மார்ச் 7-ந்தேதி (ஞாயிற்றுக்கிழமை) நடைபெற
இருந்த தி.மு.க. பொதுக்குழு கூட்டமும்,
மார்ச் 14-ந்தேதியன்று திருச்சியில் நடைபெறுவதாக இருந்த
தி.மு.க. மாநில மாநாடும் ஒத்தி வைக்கப்படுகிறது.
இவ்வாறு அதில் கூறப்பட்டுள்ளது

தினத்தந்தி

**ayyasamy ram** · **ayyasamy ram** Sat Feb 27, 2021 3:24 pm

தேர்தல் களம் ( தொடர் பதிவு) 1614403115-1262

-
அதிமுக கூட்டணியில் இடம் பெற்றுள்ள பாமகவுக்கு
23 தொகுதிகள் ஒதுக்கீடு செய்யப் பட்டுள்ளதாக தகவல்
வெளியாகி இருக்கின்றது.

மேலும் பாஜகவுக்கு 22 தொகுதிகள் ஒதுக்கப்பட்டுள்ளதாகவும்
சொல்லப்படுகிறது.

வெப்துனியா

**ayyasamy ram** · **ayyasamy ram** Sat Feb 27, 2021 7:08 pm

மொத்தம் 234 தொகுதிகளில் பாஜக 20,
பாமக 22, தேமுதிக 10, தமாகா 5. மொத்தம் 57 தொகுதிகள்
போக சிறு கட்சிகளை இரட்டை இலைச் சின்னத்திலேயே
போட்டியிட வைக்கும் முடிவில் அதிமுக தலைமை உள்ளதாக
அதிமுக வட்டாரத் தகவல் வெளியாகியுள்ளது.

நன்றி தமிழ் ஹிந்து

Sponsored content · Sponsored content

தேர்தல் களம் ( தொடர் பதிவு)

தேர்தல் களம் ( தொடர் பதிவு)

Re: தேர்தல் களம் ( தொடர் பதிவு)

Re: தேர்தல் களம் ( தொடர் பதிவு)

Re: தேர்தல் களம் ( தொடர் பதிவு)

Re: தேர்தல் களம் ( தொடர் பதிவு)

Re: தேர்தல் களம் ( தொடர் பதிவு)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக