தமிழ்நாட்டில் நிரம்பிய ஏரிகள் எத்தனை?

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

தமிழ்நாட்டில் நிரம்பிய ஏரிகள் எத்தனை?

#1336187

krishnaamma
தலைமை நடத்துனர்: பதிவுகள் : 65836
இணைந்தது : 22/04/2010

Post krishnaamma Thu Nov 26, 2020 9:46 pm

தமிழ்நாட்டில் நிரம்பிய ஏரிகள் எத்தனை?

சென்னை: தமிழகத்தின் 38 மாவட்டங்களில் உள்ள 14,139 ஏரிகளில் இதுவரை 1,697 ஏரிகள் முழுமையாக நிரம்பியுள்ளன.

வடகிழக்கு பருவமழை, நிவர் புயல் என தொடர்ந்து பெய்துவரும் கனமழையால் தமிழகம் முழுவதுமுள்ள பல ஏரிகள் நிரம்பியுள்ளன. இது தொடர்பாக பொதுப்பணித்துறை தரப்பில் தெரிவித்துள்ளதாவது: தமிழகத்தில் மொத்தமுள்ள 14,139 ஏரிகள் உள்ள நிலையில் அதில், 1,697 ஏரிகள் முழுமையாக நிரம்பியுள்ளன. 487 ஏரிகள் 91 முதல் 99 சதவீதமும், 876 ஏரிகள் 81 முதல் 90 சதவீதமும், 834 ஏரிகள் 71 முதல் 80 சதவீதமும், 1,481 ஏரிகள் 51 முதல் 70 சதவீதமும் நிரம்பியுள்ளன. 2,073 ஏரிகளில் 26 முதல் 50 சதவீதமும், 4,919 ஏரிகளில் 1 முதல் 25 சதவீதமும் நீர் நிரம்பியுள்ளது.

அதேநேரத்தில், 1,772 ஏரிகளில் நீர் இருப்பே இல்லை. அதிகபட்சமாக 2,040 ஏரிகள் கொண்ட கன்னியாகுமரி மாவட்டத்தில் 392 ஏரிகள் 100 சதவீதம் நிரம்பியுள்ளன. காஞ்சிபுரம் மாவட்டத்தில் உள்ள 417 ஏரிகளில் 70ம், சென்னை மாவட்டத்தில் உள்ள 28 ஏரிகளில் 2ம், செங்கல்பட்டு மாவட்டத்தில் 528 ஏரிகளில் 78ம், மதுரை மாவட்டத்தில் 1,340 ஏரிகளில் 242ம், புதுக்கோட்டை மாவட்டத்தில் 1,131 ஏரிகளில் 36ம், தென்காசி மாவட்டத்தில் 543 ஏரிகளில் 226 ஏரிகளும் முழுமையாக நிரம்பியுள்ளன.

சிவகங்கை மாவட்டத்தில் உள்ள 1,460 ஏரிகளில் ஒரு ஏரிகூட முழு கொள்ளளவை எட்டவில்லை. அரியலூர், தருமபுரி, கரூர், மயிலாடுதுறை, நாகப்பட்டினம், பெரம்பலூர், திருச்சி, திருவாரூர் ஆகிய மாவட்டங்களிலும் ஒரு ஏரிகூட 100 சதவீதம் நிரம்பவில்லை. ஈரோடு, திருப்பூர் மாவட்டங்களில் தலா ஒரு ஏரி மட்டும் 100 சதவீதம் நிரம்பியுள்ளது என்று பொதுப்பணித் துறை தெரிவித்துள்ளது.

நன்றி தினமலர் புன்னகை