என்னய எம் பொண்டாட்டிட்ட இருந்து காப்பாத்துங்க டாக்டர்…

டாக்டர்… என்னய எம் பொண்டாட்டிட்ட இருந்து
காப்பாத்துங்க டாக்டர்…

ஏம்ப்பா… என்ன ஆச்சு…!?

லாக்டவுன் ஆரம்பிச்சதிலிருந்தே அவ என்மேலே
ரிவென்ஞ்ச்சாவே திரியிறா டாக்டர்…

அப்படியா…!?

ஆமா டாக்டர் லாக்டவுன் ஆரம்பிச்ச மொத மாசம்
கணவனின் அலுவலக ரகசியங்களை தெரிந்துகொள்ள
முப்பது நாளில் முப்பது வழிகள்னு ஒரு புத்தகத்த வாங்கி
படிச்சிட்டு என் வாயை புடுங்குனா டாக்டர்
அத நான் கொஞ்சமும் அசராம சமாளிச்சிட்டேன் டாக்டர்…

அதான் சமாளிச்சிட்டீங்களே அப்புறமென்ன…!?

சொல்றேன் டாக்டர்… ரெண்டாவது மாசம் கணவனை
எளிதாக வீட்டு வேலைகள் வாங்க முப்பது நாட்களில்
முப்பது வழிகள்ன்னு ஒரு புத்தகத்த படிச்சிட்டு…

ஐய்யோ…

ஆமா டாக்டர் அந்த புத்தகத்த படிச்சிட்டு ஒரு நாளைக்கு
ஒட்டடை அடிக்கிறது ஒருநாளைக்கு காய்கறிகள வெட்றது
ஒருநாளைக்கு பால் பொங்காம பாத்துக்கிறது
துணி தொவைக்கிறதுன்னு என்னய டிரில் எடுத்துட்டா
டாக்டர் ஆனாலும் அந்த மாசம் சமாளிச்சிட்டேன்

சரி அப்புறம் மூனாவது மாசம் என்ன ஆச்சி…!?

கணவனை மாதம் முழுவதும் சமையல் செய்ய வைக்க
முத்தான முப்பது வழிகள்னு ஒரு புத்தகத்த படிச்சிட்டு
என்னய முழுநேர சமையக் காரனாகவே ஆக்கிட்டா டாக்டர்…

அப்புறம் நாலாவது மாசம் என்ன டாஸ்க்கு…!?

என்னய பாத்தா காமெடியா இருக்கா டாக்டர்…!?

சரிப்பா.. நாலாவது மாசம் என்ன ஆச்சி…

முப்பது நாளில் கராத்தே கற்றுக் கொள்வதெப்படின்னு
ஒரு புத்தகத்த படிச்சிட்டு என்னய ஒரு ஆப்ஜக்ட்டா நிக்க
வச்சி உடம்ப ரணகளமாக்கிட்டா…எப்படியோ
அதையெல்லாம் சமாளிச்சிட்டேன் டாக்டர்

அதான் சமாளிச்சிட்டீங்களே அப்புறமென்ன…

அஞ்சாவது மாசத்துக்கு ஒரு புத்தகம் வாங்கி வச்சிருக்கா…
அதான் கலக்கமா இருக்கு டாக்டர்

அதென்ன புத்தகம்…

முப்பது நாளில் முப்பது வகை உப்புமா செய்வதெப்படி.‍�
வாட்சப் பகிர்வு