வாக்காளர் அட்டையில் நாய்ப்படம்: முதியவர் அதிர்ச்சி

**ayyasamy ram** · **ayyasamy ram** Thu Mar 05, 2020 8:08 pm

-
கோல்கட்டா:

மேற்கு வங்க மாநிலம் முர்ஷிதாபாத்தை சேர்ந்த
வாக்காளருக்கு நாய் புகைப்படத்துடன் கூடிய வாக்காளர்
அடையாள அட்டை வழங்கப்பட்டது அதிர்ச்சியை
ஏற்படுத்தியுள்ளது.

மேற்கு வங்க மாநிலம், முர்ஷிதாபாத் மாவட்டம் ராம் நகர்
கிராமத்தை சேர்ந்தவர் சுனில் கர்மாகர். இவர். தனது
வாக்காளர் அடையாள அட்டையில் திருத்தம் கோரி
விண்ணப்பம் செய்தார்.

திருத்தம் மேற்கொள்ளப்பட்டு, அடையாள அட்டையை
வாங்கிய சுனிலுக்கு அதிர்ச்சி ஏற்பட்டது.

அதில், அவரது படத்திற்கு பதில் நாய் புகைப்படம் இருந்தது.
இதனால், அதிர்ச்சியடைந்த அவர், அதிகாரிகளிடம்
முறையிட்டார்.

இது தொடர்பாக அவர் கூறியதாவது:

என்னை அழைத்த அதிகாரிகள், திருத்தம் செய்த வாக்காளர்
அடையாள அட்டையை கொடுத்தனர். அதில், எனது
புகைப்படத்திற்கு பதில் நாய் புகைப்படம் இருந்தது.

அட்டையில், அதிகாரியும் கையெழுத்திட்டுள்ளார். ஆனால்,
அவரும் அதனை பார்க்கவில்லை. அதிகாரிகள் எனது
கவுரவத்துடன் விளையாடுகின்றனர். இது குறித்து வட்டார
வளர்ச்சி அலுவலகத்திற்கு சென்று புகார் கொடுக்க உள்ளேன்.
இவ்வாறு அவர் கூறினார்.

வட்டார வளர்ச்சி அலுவலர் ராஜரிஷி சக்ரவர்த்தி கூறுகையில்,
தவறு நடந்திருப்பின், அது சரி செய்யப்படும். அட்டையில் நாய்
புகைப்படம் இடம்பெற்றது கவலைக்குரிய விஷயம்.

ஆன்லைன் விண்ணப்பம் மூலம் அட்டை தயாரிக்கும் போது,
அதிகாரி ஒருவரால், தவறு நடந்துள்ளது. போட்டோ மாற்றப்
பட்டுள்ளது. விரைவில், திருத்தம் மேற்கொள்ளப்பட்ட புதிய
வாக்காளர் அட்டை வழங்கப்படும். இவ்வாறு அவர் கூறினார்.
-
----------------------------
தினமலர்

Guest · Guest Thu Mar 05, 2020 8:14 pm

ஆன்லைன் விண்ணப்பம் மூலம் அட்டை தயாரிக்கும் போது,
அதிகாரி ஒருவரால், தவறு நடந்துள்ளது.//

சரி..........ஆனா அங்கே நாய் படம் எப்படி வந்தது? நாய்க்கும் ஒட்டு உண்டா?

**ayyasamy ram** · **ayyasamy ram** Thu Mar 05, 2020 8:22 pm

எங்கோ தவறு நடந்து நாய் படம் வந்தது.
-
ஆனால் உரியவரிடம் சேர்ப்பிக்கும் முன்
சரி பார்த்திருக்க வேண்டும்.
-
அரசு அலுவலர்களின் பொறுப்பின்மை அதிர்ச்சி
அளிக்கிறது...

Sponsored content · Sponsored content

வாக்காளர் அட்டையில் நாய்ப்படம்: முதியவர் அதிர்ச்சி

வாக்காளர் அட்டையில் நாய்ப்படம்: முதியவர் அதிர்ச்சி

Re: வாக்காளர் அட்டையில் நாய்ப்படம்: முதியவர் அதிர்ச்சி

Re: வாக்காளர் அட்டையில் நாய்ப்படம்: முதியவர் அதிர்ச்சி

Re: வாக்காளர் அட்டையில் நாய்ப்படம்: முதியவர் அதிர்ச்சி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக