இந்திய அணி தோல்வி குறித்து விராட் கோலி கருத்து

-

கோலி, ரோகித் சர்மாவை தொடர்ந்து சாதனை படைத்தார் ஷிகர் தவான்…

ஆஸ்திரேலியா அணிக்கு எதிரான முதல் ஒருநாள்
போட்டியில் இந்திய அணியின் தொடங்க வீரர்
ஷிகர் தவான் சாதனை படைத்துள்ளார்.

இந்திய அணிக்கு எதிராக 3 ஒருநாள் போட்டிகள் கொண்ட
தொடரில் ஆஸ்திரேலிய கிரிக்கெட் அணி இந்தியா வந்துள்ளது.
இதன் முதல் போட்டி மும்பையில் நடைபெற்று வருகிறது.

இதில் டாஸ் வென்ற ஆஸ்திரேலிய அணி பந்துவீச்சை தேர்வு
செய்து விளையாடி வருகிறது.

இதனால் முதலில் பேட் செய்து வரும் இந்திய அணி சிறப்பான
ஆட்டத்தை வெளிப்படுத்தி வருகின்றது. இந்நிலையில் இந்திய
அணியில் தொடக்க ஆட்டக்காரர் ஷிகர் தவான் அரைசதம்
கடந்து விளையாடி வருகிறார்.

இந்த ஆட்ட த்தில் அரைசதம் கடந்த தவான் ஆஸ்திரேலிய
அணிக்கு எதிராக 1000 ரன்கள் கடந்த 5வது இந்திய வீரர் என்ற
பெருமையை பெற்றுள்ளார்.
உலக அளவில் 32வது வீரராகவும் திகழ்கிறார்.
இதன்மூலம் சச்சின், தோனி, கோலி. ரோகித் சர்மா பட்டியலில்
இணைந்துள்ளார்.

இந்திய அணி தற்போது 24 ஓவர்கள் முடிவில் 116 ரன்கள் எடுத்து
விளையாடி வருகிறது.
-
--------------------------
நன்றி-குமுதம்

என்ன சாதனை பண்ணி என்ன பிரயோஜனம் ?
வார்னர் 100 அடித்து இருக்கிறார். விக்கெட் ஒன்றும்
விழவில்லை.
இன்னும் 19 ஓவர்கள் உள்ளன.
40 + ரன்கள்தான் தேவை.
தோல்வியை நோக்கி ........இந்தியா!

ரமணியன்

பிஞ்ச், வார்னர் அசத்தல் சதம்; ஆஸி., அணி அபார வெற்றி
-

-

மும்பை:
ஆஸ்திரேலிய அணிக்கு எதிரான முதல் ஒருநாள்
போட்டியில் இந்திய அணி 10 விக்கெட் வித்தியாசத்தில்
தோல்வியடைந்தது.
ஆஸ்திரேலியாவின் வார்னர், பின்ச் சதம் அடித்து மிரட்டினர்.

இந்தியா வந்துள்ள ஆஸ்திரேலிய அணி மூன்று
போட்டிகள் கொண்ட ஒருநாள் தொடரில் பங்கேற்கிறது.
இரு அணிகள் மோதிய முதல் போட்டி மும்பை, வான்கடே
மைதானத்தில் நடந்தது.

'டாஸ்' வென்ற ஆஸ்திரேலிய அணி கேப்டன் பின்ச்,
பீல்டிங் தேர்வு செய்தார்.

இந்திய அணியில் ரோகித் சர்மா, ஷிகர் தவான், லோகேஷ் ராகுல்,
கோஹ்லி, ஸ்ரேயாஸ் ஐயர், ரிஷாப் பன்ட், ஜடேஜா, ஷர்துல் தாகூர்,
குல்தீப் யாதவ், முகமது ஷமி, பும்ரா இடம் பெற்றனர். ஆஸ்திரேலிய
ஒருநாள் அணியில் லபுசேன் அறிமுக வாய்ப்பு பெற்றார்.

இந்திய அணியின் ரோகித் சர்மா 10 ரன் எடுத்தார். ஷிகர் தவான்
28 வது அரைசதம் அடித்தார். லோகேஷ் ராகுல் 47 ரன்னுக்கு
அவுட்டானார். தவான் 74 ரன் எடுத்தார். கோஹ்லி 16, ஸ்ரேயாஸ்
4 ரன்னுக்கு ஏமாற்றினர்.

இந்திய அணி ஒருகட்டத்தில் 27 ஓவரில் 1 விக்கெட்டுக்கு
134 ரன்கள் எடுத்திருந்தது. அடுத்து 30 ரன் எடுப்பதற்குள்
4 விக்கெட்டுகளை இழந்தது இந்தியா (164/5).

இதன் பின் சரிவில் இருந்து இந்திய அணி மீளவே இல்லை.
ஜடேஜா 25, ரிஷாப் பன்ட் 28 ரன்கள் எடுத்தனர். ஷர்துல் தாகூர் (13),
குல்தீப் (17) நீடிக்கவில்லை. கடைசியில் ஷமி (10) அவுட்டாக,
இந்திய அணி 49.1 ஓவரில் 255 ரன்னுக்கு ஆல் அவுட்டானது.

எளிய இலக்கைத் துரத்திய ஆஸ்திரேலிய அணிக்கு வார்னர்,
பின்ச் ஜோடி 'சூப்பர்' துவக்கம் கொடுத்தது. முதலில் வார்னர்,
அடுத்து பின்ச் சதம் விளாசினர்.

முடிவில் ஆஸ்திரேலிய அணி 37.4 ஓவரில் விக்கெட் இழப்பின்றி
258 ரன்கள் எடுத்து, 10 விக்கெட்டில் வெற்றி பெற்றது. வார்னர்
(128), பின்ச் (110) அவுட்டாகாமல் இருந்தனர்.

இரு அணிகள் மோதும் இரண்டாவது போட்டி 17ம் தேதி
ராஜ்கோட்டில் நடக்க உள்ளது.

தினமலர்

இந்திய அணி தோல்வி குறித்து விராட் கோலி கருத்து
-


ஆஸ்திரேலியாவுக்கு எதிராக நேற்று நடந்த ஒருநாள்
கிரிக்கெட் போட்டியில் இந்திய அணி தோல்வி அடைந்தது.

தோல்வி குறித்து இந்திய அணி கேப்டன் விராட் கோலி
கூறுகையில், ‘பேட்டிங், பந்து வீச்சு, பீல்டிங் என மூன்று
விஷயங்களிலுமே ஆஸ்திரேலியா அணி முழுமையாக
எங்களை தோற்கடித்து விட்டது.

ஆஸ்திரேலியா அணி தற்போது வலுவாக உள்ளது.
அப்படிப்பட்ட அணிக்கு எதிராக நன்றாக விளையாடாவிட்டால்
நமக்கு தான் பாதிப்பு ஏற்படும்.

நாங்கள் போதுமான ரன்கள் எடுக்கவில்லை. மேலும் குறிப்பிட்ட
பகுதியில் ரன்கள் எடுக்க தவறிவிட்டோம் அது தான்
பின்னடைவுக்கு வித்திட்டது. ராகுலுக்கு வழிவிடும் வகையில்
4-வது வரிசையில் பேட்டிங் செய்தேன்.

அடுத்த ஆட்டத்தில் எனது இடத்தை மாற்றுவது குறித்து
யோசிப்போம்.’ என்றார்.

மாலைமலர்
Related Tags :

field set up --விராட் கோலியின் பலவீனமான பாயிண்ட்.. அதுவும் தோல்விக்கு ஒரு காரணம்.

ரமணியன்