ரஜினி ரசிகர்கள் மத்தியில், கோபத்தை உண்டாக்கிய உதயநிதி ஸ்டாலினின் ட்விட்டர் பதிவு

குடியுரிமை சட்டத் திருத்தத்துக்கு எதிர்ப்பு தெரிவித்து
மேற்கு வங்கம், அஸ்ஸாம், உத்தரப் பிரதேசம் உட்பட பல
வட மாநிலங்களில் வன்முறைச் சம்பவங்கள் நடந்து
வருகின்றன.

டெல்லியில் உள்ள ஜாமியா பல்கலைக்கழக மாணவர்கள்,
உத்தரப் பிரதேசத்தில் உள்ள அலிகர் முஸ்லிம் பல்கலைக்கழக
மாணவர்கள் தீவிரப் போராட்டங்களில் ஈடுபட்டதைத்
தொடர்ந்து போலீஸார் அவர்கள் மீது தடியடி நடத்தினர்.

இந்தச் சம்பவங்களைத் தொடர்ந்து நாடு முழுவதும் கல்லூரி
மாணவர்கள் போராட்டத்தில் ஈடுபட்டு வருகின்றனர்.
குடியுரிமைச் சட்டத் திருத்தத்துக்கு எதிர்க்கட்சிகளும் கடும்
எதிர்ப்பு தெரிவித்து வருகிறார்கள்.

தமிழகத்தில் திமுக சார்பில் டிசம்பர் 23-ம் தேதி எதிர்ப்புப்
பேரணி நடைபெற்றுள்ளது. இதற்காக தங்களுடைய கூட்டணிக்
கட்சிகளுக்கு திமுக அழைப்பு விடுத்துள்ளது.

இதில் கமலின் மக்கள் நீதி மய்யம் கட்சியினரும் கலந்து
கொள்ளவுள்ளது குறிப்பிடத்தக்கது.

இந்நிலையில், குடியுரிமைச் சட்டத் திருத்தத்துக்கு எதிராக
நடைபெற்று வரும் போரட்டம் தொடர்பாக ரஜினி,
"எந்த ஒரு பிரச்சினைக்கும் தீர்வு காண வன்முறை மற்றும்
கலவரம் ஒரு வழி ஆகிவிடக் கூடாது. தேசப் பாதுகாப்பு மற்றும்
நாட்டு நலனை மனதில் கொண்டு இந்திய மக்கள் எல்லோரும்
ஒற்றுமையுடனும் விழிப்புணர்வுடனும் இருக்க வேண்டும்
என்று கேட்டுக் கொள்கிறேன்.
இப்பொழுது நடந்து கொண்டிருக்கும் வன்முறை என் மனதிற்கு
மிகவும் வேதனை அளிக்கிறது" என்று தெரிவித்துள்ளார்

ரஜினி ட்வீட் செய்த சில மணிநேரத்திலேயே நடிகரும், திமுக
இளைஞரணிச் செயலாளருமான உதயநிதி ஸ்டாலின்,
"தலைவர் ஸ்டாலின் தலைமையில் 23-ம்தேதி சென்னையில்
நடைபெறும் எதிர்ப்புப் பேரணியில் அனைவரும்
பங்கெடுப்போம். உரிமைக்கான போராட்டத்தைக் கண்டு
'வன்முறை' என்று அஞ்சும் வசதியான, வயதான
பெரியவர்களைச் சரியான பாதுகாப்புடன் வீட்டிலேயே
விட்டுவரவும்"
என்று தனது ட்விட்டர் பதிவில் தெரிவித்தார்.

இந்தப் பதிவு ரஜினி பதிவுக்கு எதிர்ப்பு தெரிவித்தவர்கள்
மத்தியில் பெரும் வரவேற்பு பெற்றது. உடனடியாக, இந்தப்
பதிவு ரஜினி ரசிகர்களைக் கடுமையாகக் கோபப்படுத்தியது.
இதனைத் தொடர்ந்து பலரும் உதயநிதிக்கு எதிராகப் ப
திவுகளை வெளியிட்டு வருகிறார்கள்.
--
இந்து தமிழ் திசை

இந்நிலையில், ரஜினியின் கருத்தை சீமான் விமர்சித்துள்ளார்.

இது தொடர்பாக, சீமான் தன் ட்விட்டர் பக்கத்தில்,
"பிரச்சினைகளுக்கு வன்முறை தீர்வாகாதுதான்! வன்முறை
செய்தது யார்? குடியுரிமைச் சட்டத் திருத்தம் பற்றிய‌ உங்களது
கருத்தென்ன? ஏற்கிறீர்களா? எதிர்க்கிறீர்களா?
அதைச் சொல்லுங்கள் முதலில்!

அடக்குமுறையையும், ஒடுக்குமுறையையும் மீறி போராடும்
மாணவர்களை இதை விட யாராலும் கொச்சைப்படுத்த முடியாது!"
எனப் பதிவிட்டுள்ளார்.


இந்து தமிழ் திசை

-

குடியுரிமை திருத்த சட்டத்துக்கு எதிராக உத்தரபிரதேச
தலைநகர் லக்னோவில் நேற்று நடைபெற்ற போராட்டத்தில்
வன்முறை வெடித்தது.

இதில் ஏராளமான வாகனங்கள் தீ வைத்து எரிக்கப்பட்டன.
-
------------------

டெல்லியில் போராட்டம் வலுக்கிறது:
20 மெட்ரோ ரயில் நிலையங்கள் மூடல்;
துப்பாக்கிச்சூட்டில் கர்நாடகாவில் 2 பேர், உ.பி.யில் ஒருவர் உயிரிழப்பு
---------------------------