வடகிழக்கு பருவ மழை மீண்டும் தீவிரம்: இன்று முதல் ஒரு வாரத்துக்கு கொட்டும்

**ayyasamy ram** · **ayyasamy ram** Thu Nov 28, 2019 6:47 am

சென்னை:
வடகிழக்கு பருவ மழை மீண்டும் தீவிரம் காட்ட துவங்கியுள்ளது.
இன்று முதல் ஒரு வாரத்துக்கு தமிழகத்தின் பெரும்பாலான
இடங்களில் மிதமான மழை பெய்ய வாய்ப்பு உள்ளதாக
தெரிவிக்கப்பட்டுள்ளது.

தமிழகத்தில் வடகிழக்கு பருவ மழை இரண்டு வாரங்களுக்கு
மேலாக வலுவிழந்து காணப்பட்டது. அரபி கடலில் இரண்டு புயல்களும்
வங்க கடலில் ஒரு புயலும் உருவானதால் தமிழகத்துக்கு கிடைக்க
வேண்டிய மழை மற்ற மாநிலங்களுக்கு சென்றது.

அதனால் வட மாவட்டங்களுக்கு இந்த ஆண்டு வழக்கமாக கிடைக்க
வேண்டிய மழை பெய்யுமா என பொது மக்கள் எதிர்பார்த்துள்ளனர்.

இந்த எதிர்பார்ப்பை நிறைவேற்றும் வகையில் வட கிழக்கு பருவ மழை
மீண்டும் தீவிரம் காட்ட துவங்கியுள்ளது. கடலோர மாவட்டங்களில்
மிதமான மழை துவங்கியுள்ளது.

டிச. 1 வரை தமிழகம் மற்றும் புதுச்சேரியில் கடலோர மாவட்டங்களில்
கனமழைக்கு வாய்ப்புள்ளதாக சென்னை வானிலை ஆய்வு மையம்
தெரிவித்துள்ளது.

தனியார் வானிலை ஆய்வுகள் மற்றும் இந்திய வானிலை ஆய்வு
மையத்தின் செயற்கைகோள் படங்களின் படி இன்னும் ஒரு வாரத்துக்கு
தமிழக கடலோர மாவட்டங்களில் மிதமானது முதல் கன மழை
பெய்வதற்கு சாதகமான சூழல்கள் உருவாகியுள்ளன.

சென்னை, காஞ்சிபுரம், திருவள்ளூர், புதுச்சேரி, கடலுார், நாகை,
ராமநாதபுரம் உள்ளிட்ட கடலோர மாவட்டங்களிலும் பிற
உள்மாவட்டங்களிலும் மழைக்கு அதிக வாய்ப்புகள் உள்ளன.

மதுரை, ராமநாதபுரம், விருதுநகர், திருநெல்வேலி, தென்காசி, துாத்துக்குடி,
கன்னியாகுமரி உள்ளிட்ட மாவட்டங்களில் நவ. 30ம் தேதி முதல் இரண்டு
நாட்களுக்கு மழை அதிகரிக்கும் என எதிர்பார்க்கப்படுகிறது.

தினமலர்

**ayyasamy ram** · **ayyasamy ram** Thu Nov 28, 2019 7:22 am

வடகிழக்கு பருவ மழை மீண்டும் தீவிரம்: இன்று முதல் ஒரு வாரத்துக்கு கொட்டும் 201911280629552343_Heavy-Rain-School-colleges-leave-for-today_SECVPF

கனமழை காரணமாக காஞ்சிபுரம் மாவட்டத்தில் உள்ள பள்ளி,
கல்லூரிகளுக்கு இன்று விடுமுறை விடப்பட்டுள்ளது

தினத்தந்தி

**ayyasamy ram** · **ayyasamy ram** Thu Nov 28, 2019 10:25 am

கனமழை: சென்னை பல்கலைக்கழக தேர்வுகள் ஒத்திவைப்பு

தமிழகம் முழுவதும் நேற்று முதல் மிதமான மழை பெய்து வருவதை
அடுத்து சென்னை பல்கலைக்கழகத்திற்கு உட்பட்ட கல்லூரிகளில்
இன்று நடைபெறவிருந்த தேர்வுகள் ஒத்திவைக்கப்படுவதாக
துணைவேந்தர் அறிவித்துள்ளார்.

கனமழையை அடுத்து காஞ்சிபுரம், செங்கல்பட்டு, ஒருங்கிணைந்த
வேலூர் மாவட்டங்களுக்கு விடுமுறை அறிவித்து ஆட்சியர்கள்
உத்தரவிட்டுள்ளனர்.

இந்நிலையில், கனமனை காரணமாக சென்னை பல்கலைக்கழகத்திற்கு
உட்பட்ட கல்லூரிகளில் இன்று நடைபெறவிருந்து தேர்வுகள்
ஒத்திவைக்கப்படுவதாக பல்கலைக்கழக துணைவேந்தர் துரைசாமி அறிவித்துள்ளார்.

தினமணி

மேலும் இன்று ஒத்திவைக்கப்பட்ட தேர்வு எப்போது நடத்தப்படும் என்ற தகவல் பின்னர் அறிவிக்கப்படும் என தெரிவித்துள்ளார்.

**ayyasamy ram** · **ayyasamy ram** Thu Nov 28, 2019 10:27 am

வேலூர்:
தொடர்மழை காரணமாக திருவள்ளுவர் பல்கலைக்கழகத்திற்கு
உட்பட்ட கல்லூரிகள் இன்று நடைபெறவிருந்த தேர்வு
ஒத்திவைக்கப்படுவதாக பல்கலைக்கழக தேர்வு கட்டுப்பாட்டு
அலுவலர் அறிவித்துள்ளார்.

இன்று ஒத்திவைக்கப்பட்டுள்ள தேர்வுகள் டிசம்பர்
3 ஆம் தேதி நடைபெறும் என தெரிவிக்கப்பட்டுள்ளது.

தினமணி

Sponsored content · Sponsored content

வடகிழக்கு பருவ மழை மீண்டும் தீவிரம்: இன்று முதல் ஒரு வாரத்துக்கு கொட்டும்

வடகிழக்கு பருவ மழை மீண்டும் தீவிரம்: இன்று முதல் ஒரு வாரத்துக்கு கொட்டும்

Re: வடகிழக்கு பருவ மழை மீண்டும் தீவிரம்: இன்று முதல் ஒரு வாரத்துக்கு கொட்டும்

Re: வடகிழக்கு பருவ மழை மீண்டும் தீவிரம்: இன்று முதல் ஒரு வாரத்துக்கு கொட்டும்

Re: வடகிழக்கு பருவ மழை மீண்டும் தீவிரம்: இன்று முதல் ஒரு வாரத்துக்கு கொட்டும்

Re: வடகிழக்கு பருவ மழை மீண்டும் தீவிரம்: இன்று முதல் ஒரு வாரத்துக்கு கொட்டும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக