உன்னாவ் பலாத்கார வழக்கு: சரணடைவதாக நாடகமாடிய எம்.எல்.ஏ. மீது வழக்கு

**ayyasamy ram** · **ayyasamy ram** Thu 12 Apr 2018 - 5:23

லக்னோ:
உ.பி. மாநிலம் உன்னாவ் சட்டசபை தொகுதி பா.ஜ., - எம்.எல்.ஏ.,
குல்தீப் சிங் சென்கர் மற்றும் அவரது சகோதரர், தன்னை
பாலியல் பலாத்காரம் செய்ததாக, 18 வயது இளம் பெண்,
போலீசில் புகார் அளித்தார்.

புகாரின் மீது எவ்வித நடவடிக்கையும் எடுக்கப்படவில்லை.
பெண்ணின் தந்தை, பப்பு சிங்கை, மர்ம கும்பல் தாக்கியது.
அவர், போலீசில் புகார் அளித்தார். புகாரின் மீது, நடவடிக்கை
எடுக்காத போலீசாரின் அலட்சிய போக்கை கண்டித்து,
பப்பு சிங்கின் மகள், லக்னோவில் உள்ள முதல்வர் வீடு முன்,
தீக்குளிக்க முயற்சித்தார். .

இந்நிலையில், இளம் பெண் அளித்த புகாரின் அடிப்படையில், ,
சிறப்பு புலனாய் குழு விசாரணைக்கு, மாநில அரசு
உத்தரவிட்டு உள்ளது. இந்நிலையில் தலைமறைவாக இருந்த
எம்.எல்.ஏ. குல்தீப் சிங் சென்கர் போலீசில் சரணடைய
உள்ளதாக தகவல் வெளியாகியுள்ளது.

இதனால் எஸ்.பி. அலுவலகத்தில் இரவு செய்தியாளர்கள்
குவிந்தனர். பின்னர் அவர் சரணடையவதாக நாடகமாடியது
தெரியவந்தது.

பின்னர் எம்.எல்.ஏ. குல்தீப்சிங் சென்கர் மீது போலீசார் எப்.ஐ.ஆர்.
பதிவு செய்துள்ளனர். இந்த வழக்கு விரைவில் சி.பி.ஐ. வசம்
செல்ல உள்ளதாகவும் கூறப்படுகிறது.
-
----------------------------------------
தினமலர்