நாடு முழுவதும் முக்கிய தபால் நிலையங்களில் ஆதார் பதிவுக்கு நிரந்தர மையம்: ஜனவரியில் முழு வீச்சில் அமல்படுத்த திட்டம்

**பழ.முத்துராமலிங்கம்** · 27/09/2015

சேலம்: நாடு முழுவதும் முக்கிய தபால் நிலையங்களில் ஆதார் பதிவுக்கு நிரந்தர மையத்தை ஏற்படுத்த மத்திய அரசு திட்டமிட்டுள்ளது. வரும் ஜனவரியில் இருந்து முழு வீச்சில் அமல்படுத்த திட்டமிட்டுள்ளது. மத்திய, மாநில அரசு திட்டங்களை பெற, ஆதார் அடையாள அட்டை மிகவும் அவசியம் என்ற நிலை தற்போது ஏற்பட்டுள்ளது. தமிழகத்தை பொருத்தவரை 95 சதவீத பேருக்கு ஆதார் வழங்கப்பட்டுள்ளது. 5 வயதுக்கு உட்பட்ட குழந்தைகளுக்கு. ஆதார் அட்டை வழங்க கிட்ஸ் பள்ளிகளில் சிறப்பு முகாம் நடத்தப்பட்டது. அதில், குழந்தைகளின் புகைப்படம் மற்றும் பெற்றோரின் முழு முகவரியை பெற்று, அவர்களின் ஆதார் இணைப்புடன் சேர்த்து, ஆதார் அடையாள அட்டை வழங்கப்படுகிறது.
இவர்கள் தங்களின் 14 வயது முடிந்தவுடன் கை விரல்கள், கருவிழி படலம் பதிவு போன்றவற்றை செய்து கொள்ள வேண்டும் என அறிவுறுத்தப்பட்டுள்ளது. ஏற்கனவே 5 வயது முதல் 13 வயது வரை ஆதார் பதிவு செய்து கொண்ட குழந்தைகளுக்கும், மீண்டும் விரல் ரேகை, கருவிழி படலம் பதிவு செய்யப்பட வேண்டும். இப்பணிகளை தொடர்ந்து செய்திட நாடு முழுவதும் உள்ள முக்கிய தபால் நிலையங்களில், ஆதார் பதிவு நிரந்தர மையத்தை திறக்க திட்டமிட்டுள்ளனர். இதற்கான ஏற்பாடுகளை தபால்துறை நிர்வாகம் செய்து வருகிறது. தமிழகத்தை பொருத்தவரை 70 இடங்களிலாவது ஆதார் பதிவு நிரந்தர மையத்தை ஏற்படுத்த வேண்டும் என தபால்துறை அதிகாரிகள் முடிவு செய்துள்ளனர்.
இதுபற்றி தபால்துறை அதிகாரிகள் கூறுகையில், “சென்னை, கோவை, சேலம், திருப்பூர், மதுரை, நெல்லை, திருச்சி உள்ளிட்ட நகரங்களில் சில தலைமை தபால் நிலையங்களில் சோதனை அடிப்படையில் இம்மையத்தை இயக்க ஆரம்பித்துள்ளோம். வரும் ஜனவரி மாதம் முதல் முழு வீச்சில் ஆதார் பதிவு நிரந்தர மையத்தை செயல்பாட்டுக்கு கொண்டு வருவோம்,’’ என்றனர்.
நன்றி
தினகரன்

SK · SK Tue Dec 26, 2017 12:07 pm

அனைத்தும் குளறுபடி இல்லாமல் நடந்தால் மக்களுக்கு பயன் கிடைக்கும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக