பித்தத்தை தடுக்கும் இஞ்சி தொக்கு செய்வது எப்படின்னு தெரிஞ்சுக்கோங்க

பித்தம், பித்த வாய்வு சம்பந்தப்பட்ட நோய் அனைத்தும் வராமல் தடுப்பதுடன் ஆகார குற்றங்களை உண்டாவதைத் தடுத்து உணவுகளை எளிதில் ஜரணிக்க செய்து விடுகிறது.

நித்யா மோகனசுந்தரம்:

தேவையான பொருட்கள்:
அதிக நார் இல்லாத இஞ்சி – 100 கிராம்
புளி – எலுமிச்சை அளவு
வெல்லம் – சிறிது
தனி மிளகாய் தூள் – 2 டேபுள் ஸ்பூன்
மஞ்சள் தூள் – 1/2 டீஸ்பூன்
உப்பு – தேவைக்கேற்ப
தனியா – 1 டீஸ்பூன்
வெந்தயம் – 1 டீஸ்பூன்
கடுகு – 1 டீஸ்பூன்
சீரகம் – சிறிது
பெருங்காயம் – சிறிது
நல்லெண்ணெய் – தாளிக்க
செய்முறை:
இஞ்சியை தோல் நீக்கி துருவிக் கொள்ளவும். புளியை கெட்டியாக கரைத்துக் கொள்ளவும். அரை டீஸ்பூன் அளவுள்ள கடுகு, தனியா, சீரகம், வெந்தயத்தை நன்கு சிவக்க வறுத்து, ஆற வைத்து பொடியாக்கிக் கொள்ளவும். நல்லெண்ணெயில் கடுகு, சீரகம், பெருங்காயம் தாளித்து இஞ்சி சேர்த்து வேகுமளவு வதக்கவும்.
வதங்கியதும் கரைத்து வைத்துள்ள புளிநீர், உப்பு, மிளகாய் தூள், மஞ்சள் தூள் சேர்த்து கொதிக்க விடவும். நன்கு சுண்டி, எண்ணெய் மேலே வரும் போது பொடித்து வைத்துள்ள பொடி, மேலும் சிறிது பெருங்காயம், வெல்லம் சேர்க்கவும். ஒட்டாதவாறு நன்கு கிளறி ஆற விடவும்.
கண்ணாடி அல்லது பீங்கான் பாத்திரத்தில் வைத்து உபயோகிக்கலாம். ஆறு மாதம் வரை வைத்து சாப்பிடலாம். மழை, குளிர் காலத்திற்கு ஏற்றது. அவரவர் விருப்பத்திற்கு ஏற்ப காரம், புளிப்பு சேர்க்கலாம். மா இஞ்சியில் செய்தால் இன்னும் சுவையாக இருக்கும்.
பயன்:
பித்தம், பித்த வாய்வு சம்பந்தப்பட்ட நோய் அனைத்தும் வராமல் தடுப்பதுடன் ஆகார குற்றங்களை உண்டாவதைத் தடுத்து உணவுகளை எளிதில் ஜரணிக்க செய்து விடுகிறது.
நன்றி
ietamil

இஞ்சித்தொக்கு மிகவும் உடம்புக்கு மிகவும் நல்லது .... சுவையும் மிக அதிகம் ...ஆனால் நான் தனியா மற்றும் சீரகம் போடுவதில்லை

krishnaamma wrote:இஞ்சித்தொக்கு மிகவும் உடம்புக்கு மிகவும் நல்லது .... சுவையும் மிக அதிகம் ...ஆனால் நான் தனியா மற்றும் சீரகம் போடுவதில்லை

மேற்கோள் செய்த பதிவு: 1253683

நன்றி
அம்மா

அனைவருக்கும் மிகவும் நன்றி...
சென்னையில் யாராவது கட்டுப்படியாகும் விலையில் செய்து கொடுத்தால் நன்றாக இருக்கும். சென்னையில் இரசாயனம் இல்லாமல் செய்து விற்பவர்களும் இங்கு தகவல் தரலாமே...

நெஞ்சார்ந்த நன்றிகளுடன்
நெடுஞ்சேரலாதன் கு. லோ
கிழக்கு தாம்பரம் - மாடம்பாக்கம்

aeroboy2000 wrote:அனைவருக்கும் மிகவும் நன்றி...
சென்னையில் யாராவது கட்டுப்படியாகும் விலையில் செய்து கொடுத்தால் நன்றாக இருக்கும். சென்னையில் இரசாயனம் இல்லாமல் செய்து விற்பவர்களும் இங்கு தகவல் தரலாமே...

நெஞ்சார்ந்த நன்றிகளுடன்
நெடுஞ்சேரலாதன் கு. லோ
கிழக்கு தாம்பரம் - மாடம்பாக்கம்

மேற்கோள் செய்த பதிவு: 1253722

ம்ம் தரலாம் தான்..........நான் இப்படி செய்து விற்க வில்லை என்றாலும் அருகில் இருந்தால் செய்து தருவேன் ...

ஆமாம் நீங்கள் இன்னும் உங்களை அறிமுகம் செய்து கொள்ளவில்லை என்றே எண்ணுகிறேன்...........முதலில் அறிமுகம் பகுதிக்கு சென்று உங்களை அறிமுகம் செய்து கொள்ளுங்கள்....உங்களின் ப்ரொபைல் பார்த்தேன் அதில் பெண் போல படம் இருக்கிறது, ஆனால் இங்கு பெயர் ஆணாக இருக்கிறது...........அது தான் அறிமுகம் பகுதி இல் பார்த்தேன் விளக்கம் கிடைக்கவில்லை.......எனவே, ப்ளீஸ் உங்களைப்பற்றி சரியாக அறிமுகம் செய்து கொள்ளுங்கள் !

அன்புடன்.
கிருஷ்ணாம்மா