அலட்சியம் : மலர்மதி

**ayyasamy ram** · **ayyasamy ram** Fri May 19, 2017 5:39 pm

-
எங்களுக்கு எவ்வளவோ தலை போகிற வேலைகள்
இருக்கும்மா. காணாமப் போன உங்க குழந்தையை
உடனே கண்டுபிடிச்சுக் கொடுக்கணும்னா எப்படி?

ரைட்டர்கிட்ட புகார் எழுதிக் கொடுத்துட்டு போங்க…
பார்க்கலாம்!’’ – எரிந்து விழுந்தார் இன்ஸ்பெக்டர்
இன்பநாதன்.

நம்பிக்கையோடும், எதிர்பார்ப்போடும் வந்த அந்த
நடுத்தர வயது தம்பதியினர், ‘பொசுக்’கென இடிந்து
போயினர்.

‘‘என்னங்க… டியூஷனுக்குப் போன நம்ம பொண்ணைக்
காணோம்ங்க.’’

– இன்பநாதன் வீட்டுக்குள் நுழைந்ததும் நுழையாததுமாகப்
பதறியடித்து ஓடி வந்தாள் அவர் மனைவி.

‘‘டியூஷன் முடிஞ்சு அவ வீட்டுக்குக் கிளம்பி ரெண்டு
மணி நேரம் ஆச்சாம். ஃப்ரெண்ட்ஸ் கிட்டயும் விசாரிச்சுட்டேன்.
செல்போன் வேற ஸ்விட்ச் ஆஃப்ல இருக்குங்க. வயசுப்
பொண்ணு… எனக்கு பகீருங்குதே…’’ என்று அவள் புலம்ப,
பதற்றத்தோடு மகளைத் தேடப் புறப்பட்டார் இன்பநாதன்.

சரியாக அப்போது ஆட்டோவில் வந்திறங்கினாள் அவர் மகள்.

‘‘நாளைக்கு சப்மிட் பண்ணவேண்டிய முக்கியமான
அசைன்மென்ட் எழுதி முடிக்கணும். ஃப்ரெண்ட் வீட்டுக்குப்
போயிருந்தேன்பா’’ என்றாள் அவள்.

இன்பநாதன் ஒன்றும் பேசவில்லை…
சப் இன்ஸ்பெக்டருக்கு செல்லில் போன் போட்டார்…

‘‘யோவ், கொஞ்ச நேரத்துக்கு முன்னாடி ஒரு குழந்தை
மிஸ்ஸிங்னு வந்தாங்கல்ல… நீ என்ன பண்ணுவியோ,
ஏது பண்ணுவியோ… எங்க தேடுவியோ… எனக்குத் தெரியாது!
நாளைக்குள்ளாற அந்தக் குழந்தையைக் கொண்டு வந்து நிறுத்தற.
புரியுதா?’’
–
——————————–
குங்குமம்

**krishnaamma** · **krishnaamma** Thu Jun 08, 2017 11:34 am

தலைவலியும் காச்சலும் தனக்கு வந்தால் தான் தெரியும் என்று சும்மாவா சொல்லிவைத்தார்கள்? புன்னகை

அலட்சியம் : மலர்மதி

அலட்சியம் : மலர்மதி

Re: அலட்சியம் : மலர்மதி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக