சென்னை - விபத்தில் கார் ரேஸர் அஸ்வின் சுந்தர் பலி!

**ayyasamy ram** · **ayyasamy ram** Sat Mar 18, 2017 5:52 pm

--
சென்னையைச் சேர்ந்த மிகப் பிரபலமான கார் ரேஸர்
அஸ்வின் சுந்தர்(31). அஸ்வினும் அவர் மனைவியும் இன்று
அதிகாலை சென்னை எம்.ஆர்.சி நகர் அருகே
பி.எம்.டபிள்யூ Z4 காரில் சென்றுகொண்டிருந்தனர்.

அப்போது, கார் கட்டுப்பாட்டை இழந்து மரத்தில் மோதியதால்
தீப்பிடித்துக்கொண்டது. இருவரும் சம்பவ இடத்திலேயே
உயிரிழந்தனர்.

இளம் வயதில் இருந்தே மோட்டார் ஸ்போர்ட்ஸில் ஆர்வம்
காட்டியவர் அஸ்வின். 2003ல் இருந்து 2013-ம் ஆண்டு வரை
ரேஸ்களில் அஸ்வின் காட்டிய திறமை அபாரமானது.

தொடர்ந்து சாம்பியன் பட்டங்கள் வென்று அசத்தியவர்.
அவருடைய மறைவு, இந்திய மோட்டார் ஸ்போர்ட்ஸ்
தரப்பினரிடையே பெரும் சோகத்தை ஏற்படுத்தியுள்ளது.
-
-------------------------------
-விகடன்

**ayyasamy ram** · **ayyasamy ram** Sat Mar 18, 2017 5:57 pm

மூன்று மாதங்களுக்கு முன்புதான் அஷ்வினுக்குத்
திருமணமானது. காதல் மனைவி நிவேதா வெளியுலகுக்கு
அவ்வளவாகப் பரிச்சயம் கிடையாது.

சம்பவத்தன்று இரவு பட்டினப்பாக்கத்தில் தனது பிஎம்டபிள்யூ
Z4 காரில் ஹைஸ்பீடில் வந்தபோது, ஸ்பீடு பிரேக்கரில் ஏறிய
பிஎம்டபிள்யூ கட்டுப்பாடு இழந்து, மரத்தின் மீது மோதியதில்
கார் தீப்பிடித்து எரிந்திருக்கிறது.

ஸ்பாட்டில் இருந்தவர்கள், ‘‘மோதுன வேகத்துல கார் ‘டமார்’னு
வெடிச்சு அடுத்த செகண்ட்லேயே எரிய ஆரம்பிச்சிடுங்க...
பக்கத்துல போகவே முடியலை! கிட்டத்தட்ட
ரொம்ப நேரம் கார் ‘தபதப’னு எரிஞ்சுக்கிட்டேதான் இருந்துச்சு!’’
என்று இன்னும் பதற்றம் குறையாமலே சொல்கிறார்கள்.

கிட்டத்தட்ட 80 லட்ச ரூபாய் விலைகொண்ட பிஎம்டபிள்யூ காரை,
சில கார்ப்பரேஷன் ஊழியர்கள் கரித்தூள்களாக ட்ராலியில் அள்ளி
எடுத்துக் கொண்டிருந்தனர்.
-
சென்னை - விபத்தில் கார் ரேஸர் அஸ்வின் சுந்தர் பலி! 7splFa4rSZihlNjie9Lb+accident_12132

சென்னை - விபத்தில் கார் ரேஸர் அஸ்வின் சுந்தர் பலி! 7splFa4rSZihlNjie9Lb+accident_12132

**M.Jagadeesan** · **M.Jagadeesan** Sun Mar 19, 2017 7:15 am

" வேகம் விவேகமல்ல " என்பதை நாம் புரிந்துகொள்ளவேண்டும் .

சென்னை சாலைகள் அதிவேகப் பயணத்துக்கு ஏற்றதல்ல என்பது அஸ்வினுக்குத் தெரியாமல் போனது விந்தையே !

**krishnaamma** · **krishnaamma** Mon Mar 20, 2017 11:27 am

ம்ம்... செய்தியையும் , வீடியோ வையும் பார்க்கும்போதே 'பக்' என்று இருக்கிறது..............என்ன ஒரு கோர விபத்து, கோர சாவு.....பாவம் மிகவும் சின்ன வயது இருவருக்கும் சோகம்