முதன் முதலாய் தங்கைக்கு...

tamiliyappan · tamiliyappan Wed 30 Nov 2016 - 19:33

முதன் முதலாய் தங்கைக்கு...

நீயும் நானும் சம அளவு மகிழ்சியாய் இருக்கிறோம்..

:புத்தாடையில், பூ வாசத்தில் அணிகலன்கள் மிணுங்க,

கொலுசுகள் சிணுங்க முகம் நிறைய சிரிப்போடு முழு மதியாய்...

உன் வாழ்க்கை பாதையில்

நீ கடக்க போகும் முக்கியமான நாள் உன் திருமணம்....

மஞ்சள்குங்குமம்குறையாமல்,

பூ வாசம் மாறாமல் வாடத புன்னைகையுடன்

காலமெல்லாம் வாழ எங்களின் மனமார்ந்த நல் வாழத்துக்கள்....

திருமணங்கள் சொர்க்கத்தில் நிச்சியக்க படுகின்றன...

திருமண வாழ்க்கை சொர்க்கமாவது உன் கையில்தான்...

வாழ்க்கை நாம் வாழும் சம்பவங்களால் ஆனது

சம்பவங்கள் சந்தர்பங்களினால் ஆனது..

நீ சந்தர்பங்களை உனதாக்கி கொள்

வாழ்க்கை உன்னுடையதாகும்...

பொறுமயாய் இரு

கல் மேல் உளிபடும் சிலையாவதும்

உடைவதும் உன் பொறுமையே..

சில சமயங்களில்

உறவுகள் உன்னை உரசிபார்க்கும் தீக்குச்சி போல்

உடனே பற்றி விடாதே...அந்த வெப்பத்தில்

அவர்கள் குளிர் காயக்கூடும்...

நமக்கு அடுத்துள்ள தீக்குச்சிகளை காக்க

நாம் நமத்து போவதில் தப்பில்லை...

பாசம் வை உன்னை யாரும் பைத்தியம் என்று

நினைத்து விடமால் பார்த்து கொள்...

அவசரமாய் அழாதே உன் ஒவ்வொரு

கண்ணீர் துளியும் மதிப்புடையது

எதுவுமே அதிகம் சிந்தினால் மறந்து விடுவார்கள்...

சுயநலமாய் இருக்காதே ஆனால் சுயமரியாதையோடு இரு..

எல்லா இடத்திலும் சிரிக்காதே..

உன்சிரிப்புதான்

உன்னை எடைபோடும்..உன்னை பற்றி பலர்

பல கருத்துகளை முன் வைக்கலாம்

பிடித்ததை ஏற்று கொள்,பிடிக்காதவை

உன்னை பாதிக்காமல் பார்த்து கொள்..

வாழ்க்கை பற்றி கனவுகள் காண்.

.ஆனால் முடிவுகள் நீ நினைத்தாக இருக்காது..

நாம் நினைத்தவைகள்தான் முடிவு என்றால்

இந்த பூமி என்றோ அழிந்திருக்கும்...

காத்திரு கவலை கொள்ளாதே..

எல்லாவற்றிற்கும் காத்திருப்பு ஒரு அளவு..

முப்பது நாள் காத்திருப்பு பௌர்ணமி...

முப்பது ஆண்டுகள் காத்திருப்பு முத்து...

முன்னூறு ஆண்டுகள் காத்திருப்பு வைரம்...

காத்திருந்தால் காலம் மாறும் காட்சிகள் மாறும்...

ஆண்கள் எப்போதும் அரசாளவே நினைப்பவர்கள்,

பெண்கள் எல்லாருமே அவர்களுக்கு உபசரிப்பவர்கள்...

இது அவர்களின் மரபணு கோளறு....

பெண்ணினுடைய மென்மையே

இதை சமம் செய்ய வேண்டும்..

பொறுமை, நிதானம், வெட்கம்,ஊடல்,

பிரிவில் பாசம்,காத்திருந்து நெகிழ்தல்,கண் பார்த்து மலர்தல்

இவையெல்லாம் மென்மையின் குணங்கள்…

இதில் ஆண்மையும் மென்மை ஆகும்,

அந்த மென்மை பெண்மையை போற்றும்…

எதையும் முழுமையாய் புரிந்து கொள், எதையும் உதாசீன படுத்தாதே.

சில பூக்கள் உதிரும் , பல பூக்கள் பிறக்கும் இதற்கு நாம் பூ மரத்தை கேள்வி கேட்க முடியாது…இது போல்தான் மனிதர்களின் குணங்களும்…

உன் வாழ்வும் வளமும் என் தங்கையாகிய உன் கையில் மட்டுமே
அடுத்த வ்ருடம் தாய்க்கும் உன் சேய்க்கும் நான் மடல் எழுத வேண்டும்..

அன்புடன்

அண்ணன்

tamiliyappan · tamiliyappan Wed 30 Nov 2016 - 19:35

ரமணியன் ஐயா படிச்சுட்டு சொல்லுங்க .. முதன் முதலாய் தங்கைக்கு... 1571444738

**T.N.Balasubramanian** · **T.N.Balasubramanian** Wed 30 Nov 2016 - 20:07

காதல் வரிகள் வரித்த கைகள்
பாச வரிகளும் விவரிக்கும் .

உன் வாழ்வும் வளமும் என் தங்கையாகிய உன் கையில் மட்டுமே
அடுத்த வ்ருடம் தாய்க்கும் உன் சேய்க்கும் நான் மடல் எழுத வேண்டும்..

அருமை . உங்களுக்கும் லயன் க்ளியர் ஆகிவிடும் .

வாழ்த்துக்கள் . எப்போது திருமணம் ?

ஆண்கள் எப்போதும் அரசாளவே நினைப்பவர்கள்,
பெண்கள் எல்லாருமே அவர்களுக்கு உபசரிப்பவர்கள்...
இது அவர்களின் மரபணு கோளறு....

"அவரவர்களின் மரபணு கோளாறு " இருந்தால் நன்றாக இருக்குமோ ?

ரமணியன்

Hari Prasath · Hari Prasath Wed 30 Nov 2016 - 23:00

அருமையான வரிகள்...

இந்த பதிவைத் துவங்கியவர் நன்றி கூறியுள்ளார் Hari Prasath

tamiliyappan · tamiliyappan Thu 1 Dec 2016 - 18:45

T.N.Balasubramanian wrote:காதல் வரிகள் வரித்த கைகள்
பாச வரிகளும் விவரிக்கும் .
உன் வாழ்வும் வளமும் என் தங்கையாகிய உன் கையில் மட்டுமே
அடுத்த வ்ருடம் தாய்க்கும் உன் சேய்க்கும் நான் மடல் எழுத வேண்டும்..

அருமை . உங்களுக்கும் லயன் க்ளியர் ஆகிவிடும் .

வாழ்த்துக்கள் . எப்போது திருமணம் ?

ஆண்கள் எப்போதும் அரசாளவே நினைப்பவர்கள்,
பெண்கள் எல்லாருமே அவர்களுக்கு உபசரிப்பவர்கள்...
இது அவர்களின் மரபணு கோளறு....

"அவரவர்களின் மரபணு கோளாறு " இருந்தால் நன்றாக இருக்குமோ ?

ரமணியன்

மேற்கோள் செய்த பதிவு: 1228222

திருமணம் இனிதாக நடந்து முடிந்தது.. ஐயா

"அவர்களின்" என்று வைத்தது என்னை தவிர எல்லாரும் என்று வர வேண்டும் என்று ஐயா...

மாற்றினால் நன்றாக இருக்கும் என்றால் தாரளமாக மாற்றுங்கள் ஐயா..நன்றி..

**ஜாஹீதாபானு** · **ஜாஹீதாபானு** Thu 1 Dec 2016 - 19:09

ஓவ்வொரு வரிகளும் அருமை அருமை

tamiliyappan · tamiliyappan Thu 1 Dec 2016 - 19:12

ஜாஹீதாபானு wrote:ஓவ்வொரு வரிகளும் அருமை அருமை

மேற்கோள் செய்த பதிவு: 1228304

முதன் முதலாய் தங்கைக்கு... 1571444738

Sponsored content · Sponsored content

முதன் முதலாய் தங்கைக்கு...

முதன் முதலாய் தங்கைக்கு...

Re: முதன் முதலாய் தங்கைக்கு...

Re: முதன் முதலாய் தங்கைக்கு...

Re: முதன் முதலாய் தங்கைக்கு...

Re: முதன் முதலாய் தங்கைக்கு...

Re: முதன் முதலாய் தங்கைக்கு...

Re: முதன் முதலாய் தங்கைக்கு...

Re: முதன் முதலாய் தங்கைக்கு...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக