ரகுராம் ராஜன் விலகல் இந்தியாவுக்கு இழப்பு

**ayyasamy ram** · **ayyasamy ram** Tue Jul 05, 2016 6:24 am

இந்திய ரிசர்வ் வங்கி (ஆர்பிஐ) ஆளுநர் பதவியில் இருந்து ரகுராம் ராஜன் விலகுவதால் நமது நாட்டுக்குத்தான் இழப்பு என்று முன்னாள் மத்திய அமைச்சர் ப.சிதம்பரம் தெரிவித்துள்ளார்.

தில்லியில் தனியார் தொலைக்காட்சி சேனலுக்கு திங்கள்கிழமை பேட்டியளித்த அவர் இது தொடர்பாகக் கூறியதாவது:

முதிர்ச்சி பெற்ற இரு மனிதர்களுக்கு இடையே கருத்தொற்றுமை ஏற்படவில்லை என்பதற்காக, மற்றொருவர் குறித்து அவதூறாகப் பேசுவதை ஏற்க முடியாது. ஒருவரது தனிப்பட்ட திறமை, அவரது நாட்டுப் பற்று குறித்து விமர்சிப்பது தேவையற்றது. இதுபோன்ற விஷயங்களால் மிகவும் மனவருத்தமடைந்ததால் ரகுராம் ராஜன் பதவி விலகல் முடிவை எடுத்துள்ளார் என்று தெரிகிறது. இதனால் இந்தியாவுக்குத்தான் இழப்பு.

பொதுவெளியில் நடைபெறும் அனைத்து விஷயங்கள் குறித்துப் பேசவும் ரகுராம் ராஜனுக்கு உரிமை உண்டு.

அதற்காக அவரை விமர்சிப்பதை ஏற்க முடியாது. சகிப்பின்மை உள்ள சமூகம்தான் வேகமாக முன்னேற முடியும்.

சமுதாயத்தில் ஒரு பகுதி மக்கள் அச்சத்தின் பிடியில் இருக்கும்போது தேசத்தில் எப்படி ஒருங்கிணைந்த வளர்ச்சியைக் கொண்டு வரமுடியும்? என்று சிதம்பரம் கேள்வி எழுப்பினார்.

முன்னதாக, ரகுராம் ராஜன் மீது பாஜக மூத்த தலைவர் சுப்பிரமணியன் சுவாமி கடுமையான விமர்சனங்களை முன்வைத்தார். இந்நிலையில், ஆர்பிஐ ஆளுநர் பதவியை தொடர விருப்பமில்லை என்று ரகுராம் ராஜன் அறிவித்தார்.
-
தினமணி

**ayyasamy ram** · **ayyasamy ram** Tue Jul 05, 2016 6:28 am

பொதுவெளியில் நடைபெறும் அனைத்து விஷயங்கள் குறித்துப் பேசவும்
ரகுராம் ராஜனுக்கு உரிமை உண்டு.-
-
ப.சிதம்பரத்தின் இக்கருத்து ஏற்புடையது அல்ல..
ஒரு பதவியில் இருக்கும்போது சில கட்டுப்பாடுகள் தேவை.
அனைத்து விஷயங்கள் குறித்தும் பேசக் கூடாது...!
-
ரகுராம் ராஜனை விட திறமைசாலிகள் இன்னும் பலர்
இருக்க கூடும்....அவரை விட்டால் தகுதியான நபர்
இல்லை என கூறுவது ஒரு மாயை

**M.Jagadeesan** · **M.Jagadeesan** Tue Jul 05, 2016 8:10 am

ஒருவரை நம்பி ஒரு பதவியோ , அல்லது ஒரு நாடோ இருக்கமுடியாது . ப.சி.யின் கருத்து தேவையற்றது .
காங்கிரஸ் தயவால்தான் DMK இத்தனை இடங்களை வென்றது என்ற அவரது கருத்தும் வன்மையாகக் கண்டிக்கத்தக்கது .

**கார்த்திக் செயராம்** · 29/10/2015

இந்த காலத்துல நல்லதுகே இடமில்லை.

Sponsored content · Sponsored content

ரகுராம் ராஜன் விலகல் இந்தியாவுக்கு இழப்பு

ரகுராம் ராஜன் விலகல் இந்தியாவுக்கு இழப்பு

Re: ரகுராம் ராஜன் விலகல் இந்தியாவுக்கு இழப்பு

Re: ரகுராம் ராஜன் விலகல் இந்தியாவுக்கு இழப்பு

Re: ரகுராம் ராஜன் விலகல் இந்தியாவுக்கு இழப்பு

Re: ரகுராம் ராஜன் விலகல் இந்தியாவுக்கு இழப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக