திரையரங்குகளில் கட்டணத்தை குறைக்க வேண்டும்: டி.ராஜேந்தர்

**ayyasamy ram** · **ayyasamy ram** Fri 10 Jun 2016 - 8:31

தமிழக திரையரங்குகளில் கட்டணத்தைக் குறைக்க வேண்டும்
என, திரைப்பட இயக்குநரும், நடிகருமான டி.ராஜேந்தர் தெரிவித்தார்.

திண்டுக்கல் மாவட்டம், பழனியில் போகர் ஆதீனம் சிவானந்த புலிப்பாணி
பாத்திர சுவாமிகளின் இல்ல திருமண விழாவுக்கு வியாழக்கிழமை வந்த
திரைப்பட இயக்குநரும், நடிகருமான டி.ராஜேந்தர், மலைக் கோயிலுக்கு
சென்று சுவாமி தரிசனம் செய்தார்.

பின்னர், செய்தியாளர்களிடம் அவர் கூறியதாவது:

திரைஉலகம் கஷ்டமான சூழலில் உள்ளது. இதற்கு முக்கிய காரணம்,
திரையரங்குகளில் வசூலிக்கும் கட்டணமே. ரூ. 100-க்கு கீழே கட்டணம்
வசூலித்தால் மட்டுமே மக்கள் திரையரங்குக்கு வந்து படம் பார்ப்பார்கள்
என்றார்
-

**ayyasamy ram** · **ayyasamy ram** Fri 10 Jun 2016 - 8:33

வரிச்சலுகை பெற்ற திரைப்படங்களைக் கூட
குறைந்த கட்டணத்தில் பார்க்க இயலவில்லை
என்பதே உண்மை நிலை...!
-
ஒலிதம் காம் என்ற வெப்சைட் படம் வந்த மறுநாள்
புது திரைப்படத்தை பார்க்க வசதி ஏற்படுத்தி
இருக்கிறது...
-
தேவை இன்டர்நெட் வசதி மட்டுமே...!!!
-

**ayyasamy ram** · **ayyasamy ram** Fri 10 Jun 2016 - 9:17

பேட்டியின் போது டி.ராஜேந்தர் தெரிவித்தது
-
கடந்த 35 ஆண்டுகளாக ஜோதிட ஆராய்ச்சியில் ஈடுபட்டுள்ளேன்.
பல வருடங்களாகவே நான் ஆன்மிகத்தை நேசிப்பவன். எனக்குள்
இருந்த ஆன்மிக உணர்வு இப்போது அதிகரித்துள்ளது.

நான் வெற்றி பெற காரணம் தன்னம்பிக்கை என்கின்றனர்.
ஆனால் அது கடவுளின் அருள். அவனன்றி ஒரு அணுவும் அசையாது.
கிரியாசக்தி என்பது போல நான் எதுவும் இல்லை.

பகவத்கீதையை முழுமையாக நம்புகிறேன். கடமையை செய் பலனை
எதிர்பாராதே என்ற நிலைக்கு தற்போது வந்து விட்டேன்.
மனிதனை சொல்லவில்லை குத்தம். எல்லாமே இறைவன் சித்தம்.

ஒரு தலை ராகம் எடுத்த நான் இன்று ஒருதலைக் காதல் எடுக்கிறேன்.
அன்றிருந்தது போலவே இன்றும் இருக்க காரணம் தமிழ்.
நான் மேக் அப் போடுபவன் அல்ல. என் முகத்தை விட அகத்தையே
அதிகம் காட்ட விரும்புகிறேன்.

இங்கு வந்தது என் முகத்தை காட்ட அல்ல. ஆறுமுகத்தை பார்க்க.
அவரை பார்த்தால் ஏறுமுகம். என் எதுகை, மோனைக்கு இறைவனே
காரணம். எது கை கொடுக்கிறதோ இல்லையோ எதுகை எனக்கு கை
கொடுக்கிறது. அடுக்கு மொழிக்கு காரணம் தமிழக்கடவுள் முருகனே.
பதினென் சித்தர்களை வணங்குபவன்.
-

Sponsored content · Sponsored content

திரையரங்குகளில் கட்டணத்தை குறைக்க வேண்டும்: டி.ராஜேந்தர்

திரையரங்குகளில் கட்டணத்தை குறைக்க வேண்டும்: டி.ராஜேந்தர்

Re: திரையரங்குகளில் கட்டணத்தை குறைக்க வேண்டும்: டி.ராஜேந்தர்

Re: திரையரங்குகளில் கட்டணத்தை குறைக்க வேண்டும்: டி.ராஜேந்தர்

Re: திரையரங்குகளில் கட்டணத்தை குறைக்க வேண்டும்: டி.ராஜேந்தர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக